ايقاف نتيجة اختبارات ال300 وظيفة المعلن عنها من قبل التربية والتعليم بالمنيا

[شريف حسن .]

تم إيقاف نتيجة اختبارات ال 300 وظيفة المعلن عنها بالتربية والتعليم لما أصابها من عوار لعدم الإختيار وفقاً للقواعد والإشتراطات المناسبة .
وقد تم تشكيل لجنة من المحافظة ، والتربية والتعليم ، والمجتمع المدنى لإعادة فحص الملفات وتقييم الوضع.

موقع محافظة المنيا على الفيس بوك

[علاءمالك]

مش يعينوا الناس اللى شغاله بعقود ومظلومين

[عمر عبد الرازق]

والله عندك حق علشان انا كرهت حياتى ( والله ده حراااااااااااااااااااااااااااااااااام )

[shosho_muslima2000]

انا عايزة اسال سؤال اذا كان في الاعلان ده انهم هيشتغلوا على درجة معلم مساعد طيب واحنا اللي بقالنا تلات سنين ودي الرابعة عقد شامل ولسة متثبتناش وضعنا هيكون ايه؟ولا احنا محدش واخد باله ان احنا في البلد والمحافظة الغريبة دي!!!!!!!!!!!!!

[أبو علي الشريف]

الحمد لله رب العالمين
شباب كتير اظلمت في الأمر
لكن من فضل الله إنه جعل كيد الظالمين في نحورهم
حسبنا الله ونعم الوكيل علي الظلم

[بنات صالحات]

السلام عليكم ارجو ان ينصلح حال بلادنا ويتم القضاء على كل المفسدين وتعود شبابنا الى ارض الوطن يا جماعه محدش يقول اشمعنا احنا لازم كلنا نحب بعض ونتمنى الخير لبعض حب لاخيك ما تحب لنفسك ادعو الله ان يوفقكم جميعا ويعود اغلى ما عندى الى ارض وطنه ونعيش ولو باقل القليل وجوده فى بلاده عندى بكنوز الدنيا

[حسين81]

اتمنى الخير لكل شباب مصر وارحمونا بالتثبيت

[بنات صالحات]

سيادة المحافظ انت اب انا بناشد الاب اللى بيتمنى لاولاده السعاده اسعد ابناءك وساعدهم للحصول على الوظائف هذا الشباب فى حاجه جاده الى وقوفك بجانبهم فانت نعم الاب لهم وسيوفقك الله الى اسعادهم وتساعدهم على العمل

[بنات صالحات]

يعتقد البعض ان الشاب المغترب فى نعيم لا والله يترك اهله وبلاده ويدفع دم قلبه علشان مرتب 2000 ريال نصفهم طعام صدقونى فعلا مرتب قليل وبكرامتى فى ارض بلادى ووسط اهلى يساوى كنوز الدنيا بس نتمنى ان الامور تتيسر ويلاقى كل شاب فرصته فى انه يعيش على تراب ارض وطنه فى عزه وكرامه

[شريف حسن .]

المشاركة الأصلية كتبت بواسطة بنات صالحات

يعتقد البعض ان الشاب المغترب فى نعيم لا والله يترك اهله وبلاده ويدفع دم قلبه علشان مرتب 2000 ريال نصفهم طعام صدقونى فعلا مرتب قليل وبكرامتى فى ارض بلادى ووسط اهلى يساوى كنوز الدنيا بس نتمنى ان الامور تتيسر ويلاقى كل شاب فرصته فى انه يعيش على تراب ارض وطنه فى عزه وكرامه

هيعملوا ايه بس

منهم لله اللى كانوا السبب

[clorecx]

ارجو متابعة الموضوع
جزاكم الله خيرا لو فى جديد عنه

[شريف حسن .]

المشاركة الأصلية كتبت بواسطة clorecx

ارجو متابعة الموضوع
جزاكم الله خيرا لو فى جديد عنه

هو ده اخر حاجة لو فى جديد

هنزله ان شاء الله

[بنات صالحات]

بلدنا من اجمل البلاد شعبها اطيب الشعوب خيرها وفير بس للاسف العيب فى النفوس الضعيفه نفسى يتحقق لشبابنا كل ما يتمنوه الشباب تعبت قبل ان يكون تعب بدنى تعب نفسى نفسه يحقق لبلاده كل ما هو خير لكن للاسف بنحطم كل حاجه فى شبابنا حتى اقل الاحلام هو مش طالب فيلا ولا عربيه ولا حتى فلوس عاوز وظيفه تحققله ابسط الامور انه يكون رب اسره فى بيت صغير بسيط بمرتب بسيط سيادة المحافظ انت فين شبابك بتموت من الحزن على انفسهم يا ريت يوصلك كلامى