|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
01-10-2012, 10:00 PM
|
||||
|
||||
يوم هندسي
هناك حيث لا مكان للهزار
"هندسة القاهره" كان عندي النهارده محاضرات من 8:30 لحد 5:15 ولأول مره هيبقى عندي سكشن رسم يعني كان عندي قبل كدا شرح النهارده اول مره هنرسم فواخد معايا المسطره والرول ودي أكتر حاجه بكرهها اليوم ال اشيلهم فيها روحت حضرت محاضرة ميكانيكا ثم ستراكتشر " تحليل منشآت هندسيه" وفي آخر المحاضره دخل عندنا واحد اسمه د/حسن ودا على ما فهمت يبقى نائب رئيس مستشفى القصر العيني وقالنا اننا محتاجين متبرعين بالدم عشان في اطفال في مستشفى ابو الريش عندهم سرطان دم مش لاقيينلهم دم خالص وهيموتوا فعلياً لو ماتنقلهمش دم بيني وبينكم انا مكنتش ناوي اتبرع بس حسيته عمل انساني قولت مفيش مانع روحت ف البريك اتبرع بالدم كان في الفناء نفسه عادي وسط الدنيا انا كنت ناوي اتبرع وبعد كدا افطر اكل كريب او سندويتش عشان اقدر اقف ع حيلي المهم روحت اتبرع وبدأت وشغال وعادي مفيش أي دوخه وقربت اخلص الكيس وانا زي الفل بردو عادي المهم مره واحده كدا حسيت ان عيني بترف وفي لحظه حسيت ان شريط حياتي كله بيمر قدامي بس بسرعه رهيبه وموعتش بالدنيا الا ومره واحده وانا بفتح عيني وقميصي كله دم ودراعي كله دم والدكاتره كلهم جنبي ويقوليلي ايه اخبارك؟. فانا مش فاهم ايه ال حصل بقولهم مش عارف واسال دكتور حسن هو ف ايه يقولي متخافش مفيش حاجه وكل ما اجي اقوم ميرضاش بس بعد فتره قومت لقيت نفسي مش قادر اقف اصلا دي كانت تاني مره ف حياتي افقد الوعي المره الاولى كنت طفل فمش فاكرها المهم انا لسه عندي محاضرتين رسم روحت بالعافيه للكافتريا عشان اشتري أي حاجه تسندني روحت اشتريت وكلت وشربت وحسيت اني بقيت طبيعي بس مجرد ما وصلت لقاعة المحاضرة او السكشن لقيت نفسي مش قادر اقف ع حيلي قعدت ف المحاضره وانا حاسس ان وشي بيطلع منه حراره رهيبه وان الجو برد جدا وكان المفروض اني ماحضرش بدل ما اتعب بس مفيش بد قدامي لازم احضر الرسم المهم حضرت الشرح وانا مش مركز خالص وكل ال يشوفني يقولي عامل ايه دلوقتي؟ طب ممشتش ليه؟. المهم جيت ع وقت الرسم العملي مش قادر قولت للدكتور وشرحتله ظروفي قالي يعني انت لسه فاقد الوعي لحد دلوقتي؟ قولتله لا بس دايخ قالي طب اشرب ميه وتعالى ارسم  هاااار اسود ياجدعان يادكتور مش هقدر قالي روح بس اششرب ميه وتعالى فمشيت لحد الكولدير وشربت وانا مش قادر امشي اصلا ورجعت بس مش قادر روحت خدت مسطرتي والرول والشنطه وقولت ال يحصل يحصل راح الدكتور قاللي طيب اتفضل بس سيب اسمك روحت طلعتله الاي دي نفسه وقولتله اتفضل نقل اسمي براحته وعطاني الاي دي وبعدين سيبت الكليه وروحت امشي اركب مواصله لميدان الجيزه فوانا بركب السواق مش حاسس بال انا فيه وبيقولي ما تمشي يا باش مهندس وانا مش هتعب نفسي وارد عليه اكيد قولتله طيب اوك وركبت المهم نزلت الميدان وركبت مواصله لاكتوبر وانا ماشي ف الشارع وفاقد تركيزي خالص رجلي نزلت من على الرصيف اتقلبت قلبه زي الفل والغريبه ان النهارده كل ال يمشي جنبي يبص عليا وكأنّ ف حاجه ظاهره ع وشي مع اني بصيت ف المرايا لما وصلت محستش بحاجه " هو انا اصلا مكنتش حاسس بحاجه خالص "وانا تحت البيت واحد شافني فبيقولي "هندسه؟" قولتله اه بصوت واطي راح قالي ربنا يوفقك وابتسم كدا قولت ف نفسي مانت مش حاسس بال بيحصلنا هناك وانتهى اليوم دا على كدا عشان يتضاف للأيام المؤلمه بجد ال عشتها ف الكليه دي وتستمر المعاناه ..... 
|
|
#2
01-10-2012, 10:17 PM
|
||||
|
||||
|
ربنا معاك ويوفقك وتتطلع منها على خير وبتقدير كويس ان شاء الله
__________________
|
|
#3
01-10-2012, 10:25 PM
|
|||
|
|||
|
السلام عليكم .. الحمد لله انها جت ع اد كدا .. كفاية ان حضرتك كنت بتعمل عمل خير .. بس بلاش نقول الايام المؤلمة ... الايام تنتمي للدهر .. عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) رواه البخاري ومسلم .. و هار اسود برضو ..
و ف الآخر لو كل واحد احتسب كل خطوة بيمشيها للكلية و كل حرف بيكتبه انها لاجل الله و لنُصرته هيهون عليه كتير و هيبقا ف ميزان حسناته و هيحس بحلاوة تعامله مع ربنا .. مش زي ناس متتعدش بتبقي رايحة لاغراض دنيئة و حسبنا الله
__________________
(وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ)
صبراً يا نفسي , معنا الله..صبراً يا نفسي فطريقي من نيران :: إلا الحبيب .. يا عُبَّـاد الصليب ::
|
|
#4
01-10-2012, 10:53 PM
|
||||
|
||||
|
لا صراحة طمنتنى وقااااااال ايه انا كنت عايز اروح حملة التبرع بد يوم الثلاثاء الجاى
هو المشكلة الى كنت خايفة منها ان طبيعتى بيجلى هبوط بسهولة خصوصا لما ببقى وخدة دوا الحساسية ومش عارفه ايه السبب بصراحة المهم  هو انا لازم املى كيس كامل يعنى انا قلقت بس بجد نفسى اتبرع بس كلامك قلنلى انا لو وقعت من طولى حتبقى مشكلة علشان ف ىالبيت هنا مش بيرضه موضوع التبرع دة  وبعديييييييييييييييييييييييين 
__________________
ودعاً وارجو ان ذكرتونى فاذكرونى بخير ,دعواتكم ........... افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#5
02-10-2012, 12:01 AM
|
||||
|
||||
|
الحمد لله.......جت سليمة
|
|
#6
02-10-2012, 12:22 AM
|
||||
|
||||
|
الف سلامة عليك يا احمد ... طمني عليك ... انا معرفش الحكاية دي خالص والله الا بالصدفة وانا داخل كده !!!
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life 
|
|
#7
02-10-2012, 02:48 AM
|
||||
|
||||
|
هههههههههههههههههه معنديش اى حاجه اقولها على اليوم ده غير ربنا يوفقك
 ده ايام امتحانات الثانويه ارحم من العذاب ده
__________________
|
|
#8
02-10-2012, 11:20 AM
|
|||
|
|||
|
الحمد لله ع مابلاك ....ربنا يوفقك
__________________
استمع لكثيرين.............وتكلم مع قليلين
|
|
#11
03-10-2012, 09:59 AM
|
|||
|
|||
|
ألف لا بأس عليگ
وربنا يتقبّل منگ ؛ لأنّگ أنقذت إنسان من الموتْ وربنا بيقول { ومَن أحياها فكأنّما أحيا الناسَ جميعاً } ربنا معاگ ^^ *
__________________
اللهمَّ إنْ لم أكنْ أهلا لأنْ أبلغَ رحمتَكَ؛ فإنَّ رحمتَكَ أهلٌ أنْ تبلغَني. رحمتُكَ وَسِعَتْ كلَّ شيءٍ، وأنا شَيْءٌ، فلتسَعْنِي رحمتُكَ، يا أرحمَ الرَّاحمينَ! وَالهَجْرُ أقْتَلُ لي مِمّا أُراقِبُهُ .. أنَا الغَريقُ فَما خَوْفي منَ البَلَلِ !
|
|
#13
03-10-2012, 03:58 PM
|
||||
|
||||
|
اقتباس:
انت مكتبتش مشاركه ف الموضوع ده خالص
__________________
<( If You Can Dream It ,, You Can Do It )>
|
|
#15
04-10-2012, 12:44 AM
|
||||||||||
|
||||||||||
|
اقتباس:
شكراً ع دعوتك الغاليه اقتباس:
جملة الأيام المؤلمه متبوعه ب " ال عشتها ف الكليه " أي ان اعتراضي على الكليه مش على الايام واظن ان هي مفهومه كدا الكلمه بمعناها في نفس قائلها وليس بمعناها في نفسها ومعناها جلي وهي طالعه مني والحمدلله على كل شيء اولاً واخيراً وشكرا ع مشاركتك اختي العزيزه اقتباس:
لما تحبي تعملي اي حاجه بقى ابقي اسأليني وانا اطمنك ع طول من تجاربي السابقه اقتباس:
اقتباس:
اقتباس:
اقتباس:
اقتباس:
الحمدلله ع كل حال اقتباس:
يارب ويوفقك ويوفق الجميع اقتباس:
يارب ومعاك يا خَلود يا كبير
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:59 AM.
