هند الحناوي ردًا على صفوت حجازي: ''اللي عندك قوله يا أسطى''

[عاشق البلانكو الابيض]

عقبت هند الحناوي، زوجة الفنان أحمد الفيشاوي، وصاحبة قضية النسب الشهيرة، على تصريحات الشيخ صفوت حجازي التي قال فيها إنه يمتلك أسرارا تتعلق بأزمة ''الفيشاوي وهند'' لن يحتملها أحد لو باح بها، بقولها: ''يا أسطى صفوت لو عندك سر عايز تكتمه ماكنتش هاتتكلم من أصله''.

وقالت ''الحناوي'' ردًا على ما نقله ''مصراوي''، في وقت سابق من تصريحات لـ''حجازي''، في تدوينات عبر حسابها على ''تويتر''، الاثنين: يا أسطي صفوت لو عندك سر عايز تكتمه ماكنتش هاتتكلم من أصله، و ياريت لو عندك حاجة تقولها أتفضل.. قلت لأحمد يذبح 60 ناقة أو يديك فلوسهم تذبحهم انت ده كان عشان يكفر عن إجهاض جنين عمره خمس شهور''.

وتابعت: ''بالنسبة لسؤالك عن أني لم أطلبك للشهادة كذاب كذاب يا اللي مسمي نفسك شيخ، وعلى فكرة ملف القضية موجود انت اللي مرحتش.. لو جبت سيرتي تاني هرفع عليك سب و تشهير والورق موجود والشهود موجودين يا راجل يا محترم''.

وكان الشيخ صفوت حجازي قد قال إنه يمتلك أسرارا تتعلق بأزمة الفنان أحمد الفيشاوي وزوجته هند الحناوي لن يحتملها أحد لو باح بها.

جاء ذلك ردًا على سؤال للإعلامي وائل الإبراشي، في حلقة برنامج ''العاشرة مساءً''، الاثنين، بأن الفنان فاروق الفيشاوي حمله مسئولية تدمير حياة ابنه ''أحمد'' بسبب فتاويه الخاصة بأزمته مع هند الحناوي، مضيفَا: ''أقول للفنان فاروق الفيشاوي.. أنا لم أدمر ابنك بفتاواي مثلما قلت، بل هديته هو وغيره من كان في محنته إلى الطريق الصحيح، ولن أكشف أسرارا تتعلق بالأعراض''.

وأضاف حجازي مهددا، '' أقسم بالله العظيم لو وقفت أمام القاضي وأدليت بشهادتي لكشفت أسراراً لا يمكن لأحد أن يحتملها، لكن الأمانة والدين والفتوى يُحتمون عليّ عدم البوح بها''.

واستطرد حجازي: '' أنا وكثير من المشايخ لدينا أسرارا كثيرة عن تلك الأزمة وغيرها من الأزمات المتشابهة، ومن المستحيل أن أٌفشيها يوما ما لأنني اؤتمنت عليها ولن أتحدث عنها مهما كانت الأسباب إلا لو طلب منى القاضي

وتساءل حجازي قائلا: ''لماذا لم تطلب السيدة هند الحناوي زوجة أحمد الفيشاوي والفنان أحمد الفيشاوي شهادتي حول الأزمة الشهيرة''.


المصدر

[magdymhdy]

يا شيخ اتقي الله وياريت تركز على قضايا الدين وتبعد عن مهاترات هذا الوسط العفن وكمان ياريت تبعد عن السياسة

[محمد محمود بدر]

ان مش عارف ده شيخ ازاى

[منى عز]

ياريت نتقى الله فى التعليق وان لحم العلماء مسموم واظن لن نسمح لهذا الوسط ان يدمر مشايخنا وكفايه تدمير بيوتنا من الاثارة التى تعرض من هذا الوسط وحسبا الله ونعم الوكيل

[Mr.Ahmed EL-hady]

كل اللي بيقولو عليهم مشايخ اليومين دول ملهمش غير في الفضايح والسب والقذف والصور العاريه!!!

ازاي واحد مسمي نفسه داعيه اسلامي يبقي كل كلامه سب وقذف وشتيمه مبنسمعاش من البلطجيه انفسهم في الشارع؟

عايزين شيخ قدوه في المعامله الحسنه زي الشعراوي رحمة الله عليه مش واحد بلطجي عامل نفسه شيخ والكلام ده عام وليس موجه لشخص بعينه... لأنهم كتير اوي اليويمن دول

اما صفوت حجازي قال قبل كده بالنص: نتستر علي فساد المجلس العسكري والجيش مقابل تسليم السلطه"
وكان يدعم هذه الفكره... التستر علي الفساد من مبادئ الشيخ!!!!
طيب ما كان من الاول يا عم الحج!! نتستر علي فساد مبارك مقابل تسليم السلطه!!! دي زي دي!

الانسان مبادئ... بعض الناس تغير مبادئها مع المصلحه

بصرف النظر عن هل المجلس العسكري كويس او وحش او فاسد او تسبب في قتل اي مصري او لأ.... الفكره نفسها غلط
ومخالفه للدين تماما
يعني انا لو مسكت حرامي ... اخد منه رشوه واستر عليه ولا يتحاكم وياخد جزاؤه؟

الناس دي بتقول اي كلام وخلاص وفاكرين نفسهم مشايخ عشان في ناس ماشيه وراهم وبتأيدهم تأيد اعمي

اما الفيشاوي او غيره لا يعنينا في شئ... خليهم يفضحو بعض هما الاتنين

ده فيديو الشيخ

[*طالبة حزينة *]

المشاركة الأصلية كتبت بواسطة منى عز

ياريت نتقى الله فى التعليق وان لحم العلماء مسموم واظن لن نسمح لهذا الوسط ان يدمر مشايخنا وكفايه تدمير بيوتنا من الاثارة التى تعرض من هذا الوسط وحسبا الله ونعم الوكيل

برافووووووووووو

فلنقل خيرا او لنصمت والا يبقى احنا عملنا زي الي بعترض عليه