خصم شهر من راتب معلمة الأقصر.. والمعلمة: لم أعلم أن قص شعر الطالبتين جريمة كبرى

[شريف حسن .]

صرح زكريا عبد الفتاح ساسي، وكيل أول وزارة التربية والتعليم بالأقصر، بأنه تقرر معاقبة إيمان أبو بكر كيلاني، المعلمة التي قصّت شعر طالبتين رفضتا ارتداء الحجاب، بخصم شهر من مرتبها.

كما نقل مدير المدرسة والمُعلمة إلى مقر إدارة القرنة، لحين انتهاء التحقيقات فى الواقعة، مع توصية من وكيل الوزارة باستبعادها من مدرسة الحدادين الابتدائية المشتركة التابعة لإدارة القرنة التعليمية غرب الأقصر.

ورفْع القرار إلى الدكتور عزت سعد، محافظ الأقصر لاعتماده.

وتبين من تحقيقات لجنة التحقيق في الواقعة بادارة القرنة أن المُعلمة قامت بقص ما يقرب من 7 سم، من شعرالطالبتين، منى بربش الراوي، وعلا منصور قاسم. وبالفعل اعترفت المعلمة بذلك.

وقالت، في تصريحات للأهرام، أنها "لم تكن تعلم أن قص شعر التلميذتين جريمة كبرى الى هذا الحد". مستطردة أن "الأمر كان في اطار التهديد، الا أن تلميذا أخرج مقصا من حقيبته، وطالبها هو وزملاؤه بتنفيذ التهديد".

وأضافت موضحة أنها "اضطرت للحفاظ على هيبتها أمامهم فقط". وأكدت أنها لم تتوقع كل ردود الفعل هذه، مشيرة الى "دور الاعلام سيء النية في تضخيم المشكلة".

مصدر الخبر هنـــــــــــــاااااااااااااااااااا

[نانا هوبة]

اقسم بالله لو كنت مكان امهم لكنت جبت راسها بلاطه و اعرف احساسها هيكون ايه و هنعرف ساعتها جريمه و لا لأ
لما المعلمه غبيه و لا تحسن التفكير و تقدير عواقب قراراتها امال هتعلم العيال ايه
و نقول التعليم متخلف ليه ؟؟

[هويدااحمد76]

الامر مرفوض
انا بطلع البنات المشاغبات الى الاخصائية الاجتماعية
وجدت فى شنطة طالبة بالصف السادس الابتدائى علبة مكياج كاملة
وارسلتها الى الاخصائية فقالت ان خالتى اديتها لى الصبح وقالت لى اديها لامك ولما قلنا لها هنبعت لخالتك وامك نسألهم دلوقتى بكت وحبت على ايدى وقالت لى ارجوكى يا مس انا عاوزة اقعد معاكى لوحدنا احترمت رغبتها وقلت للاخصائية والمدير سيبوا الموضوع ده وانا هخلصه وقبلوا رأيى والله حسيت ان البنت فى ورطة خصوصا انى مش بعرف ظروفها لانى متعينة فى بلد غير بلدى
والله بكيت لما سمعت ظروف البنت وخصوصاً لما سألت زميلة لى من نفس بلد البنت عرفت ان ابو البنت مات فى حادثة وامها تزوجت وسابتهم واختها الكبيرة بتشتغل فى محل مكياج وملابس فى البندر علشان تصرف على اخواتها وبتبيع ادوات المكياج لسيدات البلد بأسعار رخيصة وام بنت زميلتها فى اعدادى طلبت من اختها علبة مكياج فاعطتها لاختها دى علشان توصلها للست وعدت عليها وهيه رايحة المدرسة لقتها مش موجودة قلت لها ما قولتيش ليه للمدير قالت لاء علشان اختى ما تزعلش
وبقينا اصحاب انا والبنت وانا وزميلاتى بالمدرسة بقوا يشتروا ملابس واشياء من اختها كمساعدة ولان اسعارها حلوة وجاجاتها كويسة

[sherenkishk]

لو بنتها واتعمل معاها كدة كانت حتوافق وبعدين دول طلبة فى ابتدائى يعنى متهيقلى ان الحجاب فى السن دة مش اجبارى رغم ان فى اعتقادى ان البنات خرجوا من بيتهم يعنى أهلهم مبسوطين بيهم كدة طبعا اللى عملته المدرسة دة مرفوض تماما لانى موافقش لبناتى يتعمل فيهم ويتهانوا كدة

[reem_a]

المشاركة الأصلية كتبت بواسطة هويدااحمد76

الامر مرفوض
انا بطلع البنات المشاغبات الى الاخصائية الاجتماعية
وجدت فى شنطة طالبة بالصف السادس الابتدائى علبة مكياج كاملة
وارسلتها الى الاخصائية فقالت ان خالتى اديتها لى الصبح وقالت لى اديها لامك ولما قلنا لها هنبعت لخالتك وامك نسألهم دلوقتى بكت وحبت على ايدى وقالت لى ارجوكى يا مس انا عاوزة اقعد معاكى لوحدنا احترمت رغبتها وقلت للاخصائية والمدير سيبوا الموضوع ده وانا هخلصه وقبلوا رأيى والله حسيت ان البنت فى ورطة خصوصا انى مش بعرف ظروفها لانى متعينة فى بلد غير بلدى
والله بكيت لما سمعت ظروف البنت وخصوصاً لما سألت زميلة لى من نفس بلد البنت عرفت ان ابو البنت مات فى حادثة وامها تزوجت وسابتهم واختها الكبيرة بتشتغل فى محل مكياج وملابس فى البندر علشان تصرف على اخواتها وبتبيع ادوات المكياج لسيدات البلد بأسعار رخيصة وام بنت زميلتها فى اعدادى طلبت من اختها علبة مكياج فاعطتها لاختها دى علشان توصلها للست وعدت عليها وهيه رايحة المدرسة لقتها مش موجودة قلت لها ما قولتيش ليه للمدير قالت لاء علشان اختى ما تزعلش
وبقينا اصحاب انا والبنت وانا وزميلاتى بالمدرسة بقوا يشتروا ملابس واشياء من اختها كمساعدة ولان اسعارها حلوة وجاجاتها كويسة

ربنا يباركلك

[shosho_muslima2000]

يعني هي تحط نفسها مكان امهات البنات لو كانت بنتها رجعلت لها شعرها مقصوص مكانتش هتزعل ولا كانت هتقول للمس برافو عليكي!!!!!!!!!!!!!!!!!!