مفيش علاوة دورية لتعيين 1 / 7

[mr hima]

احنا هنا في الشرقية ادارة منيا القمح لقيت موظف الماهيات بيعمل تعديل علي المرتب قولت اشوف لقيته بيزود العلاوة الدورية للمعلم تعيين 1 / 3 و المعلم المساعد تعيين 1 / 5 اما احنا تعيين 1 / 7 قالي مالكوش مجتش في المذكرة روحت علي الادارة وسألت قالي جه لنا 3 قرارات قرار لتعيين 1 / 3 وقرار للمعلم المساعد اما تعيين 1 / 7 ده في بداية السنة المالية فملوش علاوة دورية السنة
معني كده ان اساسي المعلم المساعد هيكون اعلي من أساسي المعلم
يعني براءة وهي دي الدولة
ياريت لو اي محافظة تانية هتاخد العلاوة حد يقول لنا

[هشام الضبع]

بالفعل أول علاوة دورية للمعينين 7/2011 حتكون أول يوليو 2013
وده على أساس إنهم مبيحسبوش فترة 6 الأشهر الأولى لأنها فترة اختبار .

[المستر أبو هبه]

أنا تقدمت بشكوى الى وزير التربية والتعليم ورئيس النيابة الادارية علشان الموضوع ده ولازم كل واحد يعمل اللى أنا عملته وميسكتش

[mr hima]

المشاركة الأصلية كتبت بواسطة المستر أبو هبه

أنا تقدمت بشكوى الى وزير التربية والتعليم ورئيس النيابة الادارية علشان الموضوع ده ولازم كل واحد يعمل اللى أنا عملته وميسكتش

مضمون الشكوى ايه لو سمحت وازاي ابعتها

[الأمير محمد السيد حمودة]

ياريت يا جماعة نتعاون مع بعض ونعمل شكوى جماعية بذلك ونوصل مشكلتنا للمسؤلين والرجاء التواصل مع بعضنا فى ذلك الموضوع
فبالفعل عندنا فى محافظة المنوفية تعيين 1|7 لا ياخذ العلاوة الدورية وبذلك يقل راتبنا عن من تم تعينهم فى 1|3 بحوالى 15 جنيه تقريبا فى الشهر
اما عن اننا سناخذ هذه العلاوة فى بداية يوليو 2013 فليس لى علمى بذلك

[مصطفي ابوطلب]

بسم الله الرحمن الرحيم اخوانى الاعزاء العلاوة الدورية يستحقها كل من اتم سنة مالية يعنى لو تعيين 1/7/2011/كانوا 30/6/2011 كانوا اخدوا العلاوة الدورية لكن لسة ناقصهم يوم على السنة يبقى يستنوا السنة المالية الجديدة تمام فى حاجة تانى انتوا ناسيين ان تتعيين 1/3/2011 دول معلم مساعد من 2008 اما تعيين 1/7/2011 فهؤلاء معلم مساعد من 2009 احنا يا جماعة الافضل نفكر فى ضم سنوات التعاقد اللى هضيع هدر وسيبك من 4 جنيةعلاوة دورية لان 3 سنوات لو ضمناهم هناخد 3 علاوات دورية يعنى12 جنية على الاساسى وده مضمون اكتر شكرا واسف على الاطالة

[amrmohamad]

كلام تهريج يعنى اساسى المعلم المساعد اعلى من اساسى المعلم

[mr hima]

لازم نقدم شكوى جماعية لوزير التربية والتعليم ياريت اي حد يكتب لنا مضمون الشكوى عشان تبقي شكوى موحدة كل واحد منا يكتب الشكوى ويبعتها بنفسه عشان الشكاوي تكون كثيرة عندهم

[حمادة1981]

في كفرالشيخ تم اضافة علاوة دورية لتعين7/1

[mr hima]

بناء علي ايه يا استاذ حمادة واتأكد وقول لنا الخبر المظبوط

[حمادة1981]

ادارة سيدي سالم محافظة كفرالشيخ اعطت علاوة دورية لتعين 7/1 وانا متأكد جدآ

[الأمير محمد السيد حمودة]

يا أستاذ مصطفى انا اخصائى اجتماعى تعيين 1|7|2011 وكنت اخصائى مساعد من 2008 ولكنى لم ادخل امتحان الاكاديمية مع تعيين 1|3 لاننى لم اكن معى دبلومة تربوى ولم تضاف لى العلاوة الدورية ويقل راتبلى عن زملائى تعيين 1|3 بمبلغ 15 جنيه

[اسياا]

ايه الحل ؟؟؟؟؟؟؟؟؟؟؟؟؟؟