موزة لكل شاب وسوز لكل شابة0.

[ahmed ibrahem2]

أولا موزة هى البنت الجامدة والمقبولة فى لغة الشباب .



أما السوز ليه تعريفين

التعريف الأول بالنسبة لبنات شبرا الخيمة: هو الشاب اللى مسقط بنطلونه ومجلجل شعره ومقطع فى هدومه وعمال يشتم وشكله إستغفر الله العظيم يارب وشايل مطواه فى جيبه اللى ورا وموس فى بوقه .



التعريف الثانى : هو شاب محترم مايكونش يعرف بنات كتير ويكون مستشور شعره ومعاه موبايل أخر حاجة ويكون شيك أخر 43 حاجة زى الواد "أحمد إبراهيم كده "



طبعا ده مكنش موضوعى أنا بتكلم عن أخلاق أصبحت فى كامل الإنحطاط حيث كان هذا العيد للفرحة واللعب أصبح خروجة لكلا من " الموزة مع كل شاب والعكس "


حتى كانت صلاة العيد هى مأوى لهم ومفر من أهلهم حتى يتم الإتفاق هيخروجوا إزاى وهيروحوا فين وطبعا أمن مكان هو " الفسطاط / مرركب لوحدهم على النيل / أو الحديقة الدولية / أو الكورنيش / أو حمام بيتهم . وغيرهم الكثير من الأماكن التى لايمكن حصرها .



ومن الغريب عندما تفاجأ الموزة بوابل من الشباب مع السوز بتاعها تقولك " عادى ! أستلقط كام نمرة كده من ورا المدهول اللى معايا ده ينفعونى فى الأزمات "


طبعا أنا مش كاره البنات ولا ضدهم ولكنى بتكلم على فئة معينة تركت الأخلاق ونظرت إلى طريق الظلام الكل يبحث فيه عن شئ ليتمسك به مهما كان حتى ولو كان هذا الشئ هو الشيطان نفسه "




أما عن التحرشات التى حدثت فكانت فى الحقيقة تقل عن عيد الفطر ومن الواضح إن فى شباب تعبت من كتر المعاكسة وطول اليوم " إنتى يابت / إنتى ياقمر أكللك منين يابطة / أه لو كنا فى توكتوك . وكتير من اللى بنسمعه .وغير الكثير من الكلام الجارح الذى يؤثر على نفسية الفتاة زى " إنتى ياقصيرة / ياطويلة ياهبلة / إيه كوز الدره اللى ماشى ده

/ عود كبيريت ماشى ماتيجى وأنا أولعك / مانجة ماشية أعصررر"



وطبعا كلامى ده مش عام عشان أنا عارف الأذكية كتيرررررررر وخاصة على المنتديات يطلع واحد ويقولك هو إنت قصدك على مين بالظبط ! يعنى هاكون قصدى عليك هو أنا أعرفك أصلا ولو قصدى عليك ياريت تغير من نفسك شوية او تغيرى من نفسك .




طبعا كلامى يتكلم عن شئ مفقود فى وسط شباب هذا الجيل الصغير ويا الكبير وهو الأخلاق .

الأخلاق التى نسينا أنها جزء من الإنسان جزء قلبيا ظاهرا يعمل لإرتقاء هذا الإنسان إلى أفضل المراكز وأفضل المستويات من حسن الخلق .

الأخلاق ........ الأخلاق ...........الأخلاق ............الأخلاق.........الأخلاق.....

لينظر الجميع إلى هذه الكلمة التى أصبحت جزءا مفقودا فى مجتمعنا .

وأحب أختم كلامى بكل سنة وإنتم طيبين .

الأدب عنوان الكمال, يرفع الوضيع الى درجة الرفيع, ويعلو بالعامة الى مرتبة الخاصة
, وبالخدم الى مصاف الامراء.