للى استسلم للكليه اللى جاتلوا وفقد امل التحويل التحويل بعد سنه مش زى ما انتوا فاكرين

[واحده من الناس]

السلام عليكم ورحمه الله وبركاته

رساله لكل واحد استسلم للكليه اللى هو فيها وفقد امل فى التحويل .. التحويل بعد سنه مش زى ما انتوا فاكرين

ياجماعه حبيت اقولكوا معلومه معرفش تعرفوها ولا لأ وبعد كدا ليكوا حريه الاستسلام ام ثوره حتى النصر

المعروف ان اى حد بياخد سنه فى اى كليه فى اى جامعه وبعد كدا يقدر يحول للجامعه اللى هو عاوزها

لكن الموضوع دا ليه شروط ودول اللى اعرفهم والله اعلم فى ايه تانى :

1- لازم تكون ناجح نضيف فى بعض الكليات وبعض الكليات التانيه بتاخد التحويل بالتقدير وغالبا بيكون جيد جدا
لكن الامر دا مش هو المشكله ان شاء الله ربنا هيوفقنا جميعا ويعوضنا خير باذن الله .

2- المشكله الاكبر انك لازم من دلوقتى تكون عارف انك مهما جبت فى كليتك مش هيفرق معاك فى التحويل لجامعه تانيه حتى لو طالع الاول بتروح شايل المواد اللى انت مدرستهاش فى كليتك وزمايلك درسوها فى الجامعه التانيه لأن المناهج والمواد مش زى بعضها فى كل الجامعات ودا بيختلف من كليه لتانيه وانت وحظك بقى اذا كانت كليتك بتدرس زى الكليه اللى عاوز تحول ليها ولا لأ يعنى ممكن تكون ماده او اتنين او ممكن ميكونش خالص ولو كان فى 3 مواد مختلفين بتروح شايل السنه كلها ودا فى اسوأ الحالات . انا متأكده من المعلومه دى وزمايل اختى الى كانوا خدوا اعدادى فى بلاد تانيه وحولوا المنصوره كانوا شيلوهم مواد لما حولوا .

3- المشكله التالته ودى حاجه واحده قالتلى عليها بس انا مش متأكده انك لما بتحول من كليه لكليه بتخسر تقديرك يعنى بتروح بمقبول تقريبا لكن انا معتقدش والله اعلى واعلم .

حبيت اقولكوا بس علشان بعد كدا محدش يتصدم والحمد لله الذى لا يحمد على مكروه سواه الحمد لله رب العالمين .

دلوقتى ليكوا حريه الاختيار اذا كنتوا عاوزين تستسلمو ولا هتفضلوا وراها وتعملوا اللى عليكوا

وانا عن نفسى ان شاء الله املى فى ربنا كبير

استغفروا ربنا وادعوا الدعاء الحاجه الوحيد اللى ترد القدر

فوضت امرى ليك يارب

السلام عليكم

[sherouk mohamed]

طب نعمل ايه اذا كان مفيش تحويل اصلا . بجد حاجه تقرف نفسي الاقي حاه واحده عدله اتعملت لل
دفعه دي ؟؟؟؟؟؟!

[واحده من الناس]

ان شاء الله هيكون فيه
املنا فى ربنا كبير
الحمد لله على كل حال

[mohamed abo taha]

سيبوها على الله متتعبوش نفسكم على الفاضى الى مكتوب على الجبين لازم تشوفه العين

[واحده من الناس]

احنا مفوضين امرنا لربنا هو نعم المولى ونعم المصير
ربنا يوفقنا كلنا

[birana]

يا جماعه كتير جدا بيقولو ان فى تحويل ورقى حيبدا ان شاء الله يعنى لسه فى امل بلاش تعقدوا نفسكم
انا بابا راح مكتب تنسيق اليكس فى سموحه واتاكد بنفسه

[highlight]

واحد من الناس.............

انا عايزة دليل لو سمحتى على كلامك ده........انا مسمعتش ده من اى حد فى حياتى
يعنى ايه اخسر تقديرى و يعنى ايه اشيل مواد
هو المفروض عشان حد يحول من كلية لكلية تانية بعد سنة يكون جايب تقدير (فقط)

[واحده من الناس]

انزل اى كليه واسأل واتأكد بنفسك

[حنان ماهر]

معلش للرد على هذا الكلام للأسف كل تالكلام دة مالوش اى اساس من الصحة وأنا ارعف ناس كتير جدا حولت وبنفس التقدير وكل حاجة تمام ومافيش الكلام دة نهااائى

[حنان ماهر]

الى كل اللى فى المنتدى لازم كلنا نتصل بمكتب اليو م السابع عشان يحسوا بالموضوع و يعملو دى الارقام ياريت الكل يتصل تانى -37603628 02-0237603627 / 37603626 02

[واحده من الناس]

والله اتمنى الكلام ده يكون صحيح

انا سألت اكتر من شخص محول وقالولى الكلام ده

[واحده من الناس]

اسألى اى حد محول من هندسه بورسعيد لهندسه المنصوره وهو يقولك