شئ مهم حب اطرحه عليكم بخصوص الكادر والمعلم المساعد

[حسام احمد طه]

انا عاوز استفسر علي حاجه مهمه احنا دلوقتي معلم ولا لسه معتبرينا معلم مساعد وخدوا في بالكم شي مهم انه لحد الان لم ياتي لنا بدل الاعتماد بتاع الكادر معي اني انا امتحنته عام 2009 ونجحت فيه يعني احنا لسه في نظرهم لغايه دلوقتي معلم مساعد لانه لو كانا اتنقلنا لمعلم لكانت اتعدلت الحوافز في الكادر انا الكارته بتاعتي لغايه دلوقتي مقسمه كالاتي حوافز 25% و كادر 50% و حوافز اداء اضافي 125% يعني اجمالي 200% المفروض بعد ما نتحول للمعلم تتغير التركيبه دي صح هي فعلا برضو هتكون مجموعها 200% بس بس يبقبي التغير كالاتي حوفز 25%و كادر 50% وبدل اعتماد 50% وحوافز اداء ضافي 75% ولمجوع برضو 200% يعني التغير الي بين المعلم الساعد والمعلم في الكارته بس يعني بياخدوا من حافز الاداء ال 125% بياخد منوا 50% وبينزلوها في خانه بدل الاعتماد ويبقي حافز الاداء 75% يعني الفرق هو عند المعلم في بدل اعتماد اما المعلم المساعد لايوجد بدل اعتماد ومع ذلك مجموع كل الحوافز 200% لهم وخلي بالك في حاجه كمان انوا لما ينزل بدل اعتماد لينا المرتب هيقل بس حاجه بسيطه جدا ليه قولي ليه اقلكم انا ليه لان الكادر وبدل الاعتماد بيتحسب علي اساي السنه السابقه يعني بالنسبه للمعلم المساعد 50% بتوع الكادر فقط هي الي بتحسب علي اساسي السنه السابقه 219 اما المعلم فالنسبه بتزيد معاه 50% كادر و50% بدل اعتماد يعني النسبه عنده اكبر من المعلم المساعد اما عند المعلم المساعد باقي الحوافز 25% وحافز الاداء 125% دا بيحسب علي اساسي السنه الحاليه اما بالنسبه للمعلم 25% وحافز الاداء 75% اي النسبه قلت فلازم يحصل فرق في المبلغ الاجمالي وبيكون المبلغ الاكثر لصالح المعلم المساعد لانه نسبه الي بيحسب علي السنه السابقه اقل من المعلم لانه نسبه الي بيحسب علي السنه السابقه اكتر منه وطول ما الكارته بتاعتنا مفيهاش بدل اعتماد يبقي لغايه دلوقتي احنا في نظرهم معلم مساعد وطبعا طبقا للمنشور بتاع ال50% الجديد بتاع شهر اكتوبر وشهر يناير المعلم المساعد ليس له في هذه الزياده ياريت لو حد عنده اي كلام مخالف لذلك يريد عليا علشان عاوزين ناخد خطوه ايجابيه في هذا الموضوع لو صدق احساسي واحساس معظم المعلمين انهم خارج التغطيه في الكادر المعلون لازم نكتب شكاوي الي شيخ الازهر مباشره نبعتله بالفاكس بالبريد نروح المشيخه نتصرف المهم منسبش حقنا انا عن نفسي ناوي انا وكل زمايلي في المعهد لو حصل الي خايفين منه هنكتب شكوه موجه لشيخ الازهر ونمضي فيها كلنا ونبتعها بالفاكس ومرفق معاها كل المستندات التي تثبت حقنا وهي صوره نجاح الكادر وصوره من كارته المرتب وصوره من الؤهل التربوي يعني كل الشروط المطلوبه لتحويلنا الي معلم علشان يبقي بعد كده ملهمش حجه والسلام عليكم ورحمه الله وبركاته يارب منش تقلت عليكم ولا طولت عليكم انا حبيت افكر معاكم بصوت عالي شويه بس بدل ما اتجن

[رمضان رميو]

مين قلك كده احنا دلوقتى بناخذ كادر 75% +125حافز اداء يعنى200% تمام بعد امتحان الكادر هناخد كادر200%+75حافزاداء يعنى المجموع 275% مثل نظرائنا فى التربية والتعليم والله اعلم

[حسام احمد طه]

مين الي قال الكلام دا راجع الكارته بتاعتك كويس وشوف مفردات مرتبك كويس واقراها بعنايه هتلاقي كلامي هو الي صح ولاحظ انا بتكلم علي تعاقد 2006 وتم تثبيته في 29\9\2011 وخريج تربيه ونجح في الكادر الي تم امتحانه عام2009 وعلي الدرجه الثالثه التخصصيه

[امى عائشة]

فعلا كلامك مظبوط بس انا وزمايلى رحنا المنطقة وسالنا عند لجنة الكادر موجودة فى الدور الثامن و طلع القرار و كشوف الاسماء و سلمها للمهيات امام عينى انا و زمايلى و الباشا قالنا انها حتصرف من شهر 12 بعد زعيق وصوت عالى اسال على القرار( 25) بتاريخ 5/8/2012وعلى فكرة يصرف الكادر اعتبارا من 29/9/2011 وانا معاية صورة من القرار بس مش عارفة انزلة و بعض الاسماء الموجودة فى الكشوف وياريت الكل يروح يسال علشان يتصرف

[ايهاب احمد على]

يا ريت لو حد معاه صورة القرار 25 لسنة 2012 ينزله رسالة الى كل الزملاء ومشرفى المنتدى

[احمد طلعت انجليزى]

فى حاجة اهم حاجة بالنسبة لنا
هو اننا بعد ضم المدة حايحسبولنا الزيادة على الاساسى المجرد يعنى اقدم واحد فينا حايزيد 10 جنيه
ياناس فوقوا لازم وقفة حرام عليكم