فرض الضرائب مهمة خبراء بدون عمل !

[استاذ مظلوم]

لا هم لهم هؤلاء الخبراء سوي فرض الضرائب علي شعب مصر

ضرائب تصاعدية

ضرائب محلية

ضرائب علي الصناعات الصغيرة

ضرائب علي كل شيئ حتي علي عجلة عم لطفي

ضرائب علي الهواء الذي نتنفسة

كل شيئ ضرائب ضرائب لعدم وجود فكر ولا تطوير بالفكر والعقلية المصرية


اخرها فرض ضرائب تصاعدية علي رواتب الموظفين بالدولة !

الناس تصرخ من قلة ذات اليد والرواتب الضعيفة والهزيلة والمسئولين والمالية لا هم لهم سوي فرض الضرائب علي شعب مصر

المزيع بقناة الجزيرة يسال غلط والاجابة تطمينية ان شعب مصر موافق علي الضرائب التصاعدية !!!!!

المزيع يقول للضيف ما رايك لو تم خصم 10 بالمئة ممن رواتبهم 5 الاف جنية بالشهر الضيف يرد والله حاجة جميلة

لا المزيع فاهم حاجة ولا الضيف والحمد لله المقصود بالضرائب التصاعدية ليس علي راتب الشهر الواحد لكن اجمالي الراتب في شهور السنة

تصدقوا إلي دخلة اقل من 20 الف في السنة تفرض علية ضريبة 10 بالمئة من راتبة ؟ يعني الشريحة الاكبر والفقيرة من شعب مصر

هي مطبقة بالفعل علينا كمدرسين احنا بنقول خفوا الضرائب ودول بيدورو ازاي يفرضوا الضرائب وبدئوا يفرضوا القوانين لذالك !!!

اصل الدماغ لو فيها جديد ولا فكر جديد ولا اهتمام بالمصانع المغلقة ولا الاهتمام بفرض ضرائب علي اصحاب الدخول الباهظة بالفعل

ولا الاهتمام بالمشاريع الصغيرة ولا الاهتمام بالزراعة والمزارع كان حالنا انصلح

انما الخبراء بتوعنا مفيش حاجة شغلة دماغهم هم والبنك الدولي غير فرض الضرائب علي بسطاء الشعب المصري والغلابة

وإلي ميفهمش ياعيني يصفق ويقول تطوير


بدل ما نطبق العدالة الاجتماعية الغائبة عن مصر والمصريين بنجري نفرض ضرائب علي الناس

وبعدين اي شعب متحضر بتفرض علية ضرائب مش لازم استفتاء علي هذاالقانون ولا قانون واطبع ووزع وخلاص وافرض علي الناس وبالعافية


مش عارفين نجيب يعني خبير اجنبي يمسكها عشان يفكر كويس ولا اية بس ؟

واحد متخلف من هؤلاء الخبراء يقولك فرض ضرائب علي الصناعات والمشاريع الصغيرة ومشاريع تحت السلم

بدل ما نشجع الصناعات الصغيرة بنفكر ازاي ندمرها ونطفش اصحابها ونقتل الناس بالضرائب

وبعدين ما مواضيع الضرائب هذة اثقلت كاهل الناس ايام مبارك نقوم نعود لها بكل بساطة وبتوحش اكبر واكثر

يعني مبدئيا الكادر ابو 100 بالمية راح يخصم منة 10 بالمئة

عايز تفرض ضرائب افرضها علي الشركات الكبري علي قناة السويس علي مواني الجمهورية علي القادمين من الخارج

انما انتم عمالين تنحروا في شعب مصر ضرائب الناس حتجيب منين يا عالم

لا وبيقولك القانون علي مكتب مرسي منتظر القلم بردة للتوقيع


ربنا يصبرنا والله

مفيش فايدة

حاجة تقرف وتحزن

!

[عاشق البلانكو الابيض]

من الاخر مش انت عاوز حد ادنى
خلاص هنعملك حد ادنى
وتاخده بايدك اليمين وترجعه بايدك الشمال
شكررا على الموضوع

[alnor]

خبراء مبارك السابقين اغلبهم هم نفس خبراء الرئيس مرسي بل نفس الوجوة وتشوفهم بالتليفزيون وتسمعهم بالراديو فعلا مكررين فالطبيعي نبقي علي نفس المنهج دووووووووووووووووووووون تغير

[استاذ مظلوم]

أشكركم للتواصل

الحل دائما ليس بفرض ضرائب علي الشعوب هناك الف طريق وطريق غير فرض الضرائب

بس نفكر شوية نتعب مخنا شوية

وشكرا