قصيدة : يحرم عزايا عليكى

[شاعر الجروح]

يحرم عزاكى عليا

..........................

كلام كتير جوايا وساكن فيا

عمرك ما حتسمعى ولا حتحسى بيا

حرقتى دمى وجيبتى الأمراض ليا

عملتى كل شئ علشان تقضى عليا

مش حقبل منك دموع ولا حعيش فى تمثيليه

انتى ممثله كبيره أو أعظم روائيه

حسبى الله ونعم الوكيل ويحرم عزاكى عليا

..............................................

تمثيل عليا ومثلتى .. قلبى الطيب فيه كسرتى

كل قوانين السماح عديتيها ولقوانين الظلم وضعتى

هونت عليكى كتير ... خليتينى للحزن أسير

من النهارده حدعى عليكى ربى الكبير

ربنا ينتقم ويخلصلى منك

ربنا يرحمنى ويبعدنى عنك

.........................................

عمرك ما حسيتى ولا حتحسى بأى شئ

قلبك ظالم والناس بتظهره برئ

شهادة زور وسرقه وقتل وحريق

الله يلعنك ويلعن بحرك اللى فيه انا غريق

....................................

قاتله مخادعه معدومه من الضمير

تقتلى الإنسان وتنسى أى خير

خسيسه ورخيصه تمنك حقير

كفايه ربنا عليكى يحاسبك حساب كبير

.......................................

كان قلبى بيقول انك ضحيه

طلعتى بطلة أحقر تمثيليه

طلعتى بتجنى عليا

سرقتى حتى إحساسى وقتلتى فيا

حسبى الله ونعم الوكيل ويحرم عزاكى عليا

................................................

,,, شاعر الجروح ,,,

[مـــــلك]

أخي الكريم
كلماتك وأحساسك برغم قساوتة
إلا أنه رائع جداً
تستطيع أن تنتقل من كلمه إلى كلمه برشاقه موسيقيه عاليه
تشبه كثيراً في اسلوب كتابتك المبدع سيلفانو
سلمت يداك
في أنتظار كل ما هو جديد من أعمالك
في حفظ الرحمن

[شاعر الجروح]

المشاركة الأصلية كتبت بواسطة كنارة الحب الحزينة

أخي الكريم
كلماتك وأحساسك برغم قساوتة
إلا أنه رائع جداً
تستطيع أن تنتقل من كلمه إلى كلمه برشاقه موسيقيه عاليه
تشبه كثيراً في اسلوب كتابتك المبدع سيلفانو
سلمت يداك
في أنتظار كل ما هو جديد من أعمالك
في حفظ الرحمن

الله يكرمك يارب
متشكر كتير اوى
أعتقد انى أرجح انك قارئه فى اساليب النقد الى حد كبير
او متذوقه للنقد بطريقه سلسه
تشبيهك يشرفنى كثيراً
تقبلى وافر التقدير