رسالة ..ارجو عدم حذفها

[farewell]

السلام عليكم ورجمة الله وبركاته
دى شوية اسئلة لناس معينة فى المنتدى عارفين نفسهم
ارجو من مشرفى المنتدى عدم حذفها رغم انى عارفة انها فى المكان الغلط .بس معلش استحملوها يوم واحد بس وبعدين امسحوها واقفلوا حسابى لو عايزين

احساسكم ايه لما شايفين دكاترة الجامعة وعلماء الازهر والمهندسين والدكاترة بيت***وا ويتقال عليهم ارهابيين ؟؟
احساسكم ايه لما لواء جيش طالع يقول هنمنع صلاة الفجر ؟؟
احساسكم ايه لما بتسمعوا قنوات الاعلام اللى كان بيشوه ثوار 25 يناير وبينقل احداث غلط وطلع قال ان قناة الجزيرة ارهابية ؟؟ وقتها كنتوا بتصدقوا مين ؟؟ الجزيرة الارهابية الصهيونية ولا قنوات التلفزيون المصرى ؟؟

احساسكم ايه لما بتستمع قنوات الفلول وتقرا الجرايد الى كانت بتقول ان خالد سعيد كان مدمن بانجو وبلع لفافة كبيرة ومع ذلك بتصدق ؟؟

احساسكم ايه لما بتسمعوا لميس اللى كانت فى حملة جمال مبارك ؟؟ ولا عمرو المنافق الكبير ؟؟ ولا مرتضى منصور اللى اخلاقوا عالية اوى؟؟ ولا محمود سعد اللى وزير الاعلام نفسه قال انه كان بياخد 7 مليون وكمان قطاع حكومى مش قنوات خاصة ؟؟

احساسكم ايه لما انتوا قاعدين شمتانين فى اخواتكم اللى بيموتوا وهما ساجدين وبتقولوا عليهم اارهابيين؟؟

احساسكم ايه لما كنتوا بتقول على جبهة الانقاذ حلوة وامورة والاسلامين بيقولوا انهم منافقين وانتوا مش بتصدقوهم ودوقتى انتوا بتقولوا على البرادعى عميل وعلى حمدين انه بيتخابر مع دولة اجنبية ؟؟

ولا ممدوح حمزة اللى قال قدام الكل انه لازم نقضى على الاسلام السياسى ؟؟ عارفين يعنى ايه الكلمة دى؟؟ يعنى هما مش عايزين شرع الله يا مسلمين..مش عايزين يكون الاسلام ديانة الدولة مش عايزين التشريعات الاسلامية بس طبعا كله بييجى بالهداوة مش مرة واحده كده.

احساسكم ايه وانتوا بتنقلوا اخبار وانتوا عارفين انها كدابة وبتشوهوا صورة ناس كانت بتصلى قدام العالم كله فى الليل فى الوقت اللى حضرتك نايم ولا على بالك وفى الاخر يت***وا ويتقال عليهم بلطجية وارهابيين ؟؟

احساسكم ايه لما انتوا عارفين ان الشرطة بتحرق فى الكنايس علشان تلبسها فيهم وانتوا بتصدقوا اى حاجة مدام واحد لابس مدنى يبقى على طول ارهابى واخوان؟؟


مش دى الشرطة اللى ***ت ثوار 25 يناير وما بعدها وكنتوا بتقولوا علبها وحشة؟؟
مش ده الجيش اللى جورج اسحق قال انه هيقطع ايدها ؟؟

ممكن تقوولولى مين هما نظام مبارك؟؟ مبارك وجمال وعلاء والعادلى ؟؟؟ هما دول دولة مبارك؟؟

فين تهانى ؟ فين الاعلاميين ؟؟ فين الشرطة ؟؟ فين وكلاء النيابة اللى بيتعينوا بالكوسة ؟؟ فين القضاء الشامخ ؟؟ فين وفين وفين ؟؟

والله العظيم واالله العظيم والله العظيم معظم قريتنا ناس بتاعة ربنا وملتحية وحفظة قران ومات من عندنا حتى الان 3 شباب زى الورد ..وفى كنيسة فى البلد وعدد المسيحين لا يتعدى 200 واحد فى البلد كلها ومع ذلك مفيش طوبة اترمت عليها بالعكس الشيوخ فى الجوامع كانوا بيقولوا للمسلمين خلوا بالكوا من كنيسة البلد ..اوعى حد برة البلد يولعها اللى تمسكوه هيعمل حاجة فى الكنيسة هاتوا عند السوق (( سوق البلد )) واحنا نديله العلقة اللى هيا



ده مش كلامى كله لسة فيه كتيييييييييييييييير.بس عارفة ان اللى فى دماغه حاجة عمره ما هييغيرها وده ليه ؟؟ لانكوا بتثقوا فى اعلامنا الشامخ اللى مصور اسلحة ويقول بتاعة الاخوان واللى مصور ناس تحت المنصة ويقولوا ان الاخوان ***وهم واللى مصورين مدنيين ماسكين اسلحة ويقولوا انهم اخوان واللى واللى واللى
ارجوا عدم حذف الموضوع وفيه بقية ان شاء الله

[مسلمة متفائلة]

وعليكم السلام ورحمة الله وبركاته

ماتقلقيش .. الموضوع هيتحذف

وهيقولوا كمان عليكي إخوان!!

عايزة أقول حاجة أنا كمان قبل ما يتحذف الموضوع

إحساسكوا إيه لما تشوفوا الصور دي؟

ده في مصر على فكرة مش في بورما

حسبنا الله ونعم الوكيل

[farewell]

عايزاهم يقولوا ايه على مجموعه خونة ارهابيين عملاء تجار دين بلطجية شوية منهم من حماس وشوية من سوريا وشوية من فنزويلا ؟؟

[farewell]

هما عايزين يصوروا للناس ان كل دول اخوان
والقضية قضيه اخوان ومحمد مرسى

الموضوع اكبر من كده بكتير

والله العظيم انا لا اخوان ولا سلفيين ولا حاجة
انا واحده مسلمة طلعت اتظاهر فى محافظتى اللى ولا قناة من قنواتنا الشريفة جابت عنهم نص كلمة
مسيرة فظيعة كبيرة جدا كنت خايفة وانا ماسكة ايد اخويا بدال ما اتوه ولا حاجة لانها كانت فى مركز بعيد عننا خالص ولولا ماما منهارة وخايفة علينا كنا كملنا مع الناس الشريفة دى ..
ملحوظة
اخويا ارهابى خطير جدا..معيد فى كلية شريعة وقانون جامعه الازهر الاول على كليته وحافظ القران الكريم
ومعاه سلاح ار بى جى وقنبلة مستوردة