حالتى النفسية متدنية مخنوق جدا والسبب.... امتحان ساهل

[ابانوب ايليا]

اهلا بكم جميعا اخوتى الاعضاء وكل عام وانتم بخير بمناسبة اقتراب المولد النبوى الشريف
.
.
.
.

انا طالب فى 2 ثانوى و مشكلتى عويصة دائما تتكرر فى الامتحانات ومش اول مرة تحصل معايا

انا عندى مشكلة انى ادخل الامتحان احل وتمام وبعد مااخلص ابدأ اراجع وبعد مااطلع من اللجنة اكتشف انى غلطت غلطة غبية سواء كان الامتحان صعب او سهل انا مش عارف ليه كده بيحصل معايا.

انهاردة كان يوم مشئوم بالنسبة لى وكان يختلف عن كل اللى كان بيحصل معايا فى الامتحانات اللى مرت

انهاردة كان عندى امتحان جبر وكان غاية فى التفاهة لدرجة انه بعد 10 دقايق من استلام ورقة الاسئلة 95% من الطلاب طلعوا من اللجان منهم الطلاب الاوائل برضه وانا حبيت استنى شوية واراجع اكتر واكتر علشان اضمن الدرجة النهائية وبعد ماراجعت وتمام طلعت من اللجنة وكنت مبسوط ولقيت نفسى حليت صح فى كل الاسئلة وفجأة وانا براجع مع زملائى !!!

اكتشفت غلطة ولو كان حمار بيمتحن مكانى مكانش غلطها ودى حتكلفنى درجة واصبت بحالة نفسية رهيبة مش عارف اطلع منها خالص وانا معايا امتحان ميكانيكا يوم الاربع ومليش نفس اذاكر

انا حالتى النفسية اتدمرت نهائيا..... انا مش عارف اعمل ايه؟

ساعدونى اطلع من الحالة اللى انا فيها

[lonlykid]

كل خطا هو بمثابه تجربه عظيمه يمر بها الانسان فمن اهم اساليب تعلم الرياضيات هو اسلوب المحاوله والخطا واكبر علماء الرياضيات وجد خطا فى بعض نضرياتهم مدام انت عملت اللى عليك سيب الباقى على ربنا ودايما والدتى كانت بتصبرنى تقولى اللى بيجيب 100 فى 100 ممكن يكون ربنا مش مديله مهارات فى حياته العلميه ومش مديله مهارات فى حيات العمليه زى حب الناس والقبول كل واحد عنده امكانيات تختلف عن التانى وتوهله يبقى ناجح