مشكلة حمدين

[حميد بدوى]

مشكلة حمدين
انه لسه بيحلم بالكرسى
ومصدق نفسه
وسامع الناس بتردد أسمه
وعامل فيها مصرى أصلى
وهمه الاول والاخير
هو الغلبان والفقير
وطول عمره بيحلم بالتغيير
وبيدعوا للنزول للتحرير
فى اليوم مرتين
والمشكلة كمان أننا عملين مصدقين
وعشان كدا هو
بيتكلم بلسان ملايين المصريين
مصر بتقولك
أنها مش محتاجة رئيس يا حمدين
مصر محتاجة ناس مخلصين
الشعب خلاص قال كلمته واختار مرسى
والانتخابات خلصت
والله العظيم خلصت
بس انت شكلك بتنسى
جلا من لا يسهو
مشكلتك أنك مجنون بالكرسى
ونفسك تتعاد الانتخابات من جديد
انا بقولك دا حلم بعيد
ومرسى جاى بالصناديق
ولو أنت بتحب مصر بجد
لازم تساعد فى البناء مش فى الهد
ومحروق أبو الكرسى
أنا مش هاخاف من حد
أنا بقول كلمة حق
أنا نفسى حمدين
يعارض عشان مصر
مش عشان يقعد فى القصر
مكان مرسى
وربنا يشفى

الشاعر
عبد الحميد بدوى