|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
29-09-2012, 08:03 PM
|
||||
|
||||
اختـار شخصيتكـ من الميكـروباص ... ^ _ ^
ازيكـم كلكم عاملين ايه يارب تكونوا بخير امـا بعد ... بما ان القسم بقى كله طلبه ثانويه عامه زى حالاتى  فانا قولت تعاطفـا منـى  نقعد نضحك شويهو نخرج من هم الثانويه الهامه دى الموضوع عجبنـى فقولت انقله و الفكره ان كل واحد هيدخل ينقى شخصيتـه فـى الميكروباص  طبعا كلنا ركيبه ميكروباصات و نزاحم و نموت عمال مانلاقى كرسى ده طبعا لو لقينـا  فقولنـا انت انهى شخصيـه من دول و الموضوع ده للضحك فقط و عشان نتطلع من مود الثانويه شويه يلا ابتدوووووووووووووووووووا الشخصية الاولي: الست التخينة اللي واخدة مكانين : ودي بتلاقيها في كل ميكروباص ويبقي حظه وحش قوي اللي يركب جنبها بجد لانها بتكون كتلة لحم متوهجة وممكن دراعها يكون قد جسمك وياسلام بقي لو السواق ركب اربعات ورا تبقي مجزرة..وافضل مكان ليها جنب القزاز بلاش تقعد في النص عشان النفس وكمية الاكسجين المستهلكة في هذه الصفيحة الميكروباصية هيقل. الشخصية التانية: "وطي الكاسيت يا اسطي" : وده بيكون لما بسبب ديني او بسبب انه مصدع شوية وتعبان ومرهق من اليوم فمش فايق لام الاغاني اللي مشغلها السواق وطبعا بتكون اغاني عن الفقر والغلب والقرف بتاع الحياة عشان السواق يتمزج او بتكون اغاني عن المخدرات بانواعها او السكر والعربدة ساعات يعني اكيد مش هيفتحلك سيلين ديون . الشخصية التالتة: "علي الكاسيت يا اسطي " : وده طبعا بيكون عايز يعلي عشان بيألس علي ذوق السواق ويقعد يضحك علي اغانيه الهبلة او انه فعلا بيحب هذا النوع المتسرطن من الاغاني او انه عايز يهيس مع هذه الاغاني بس وغالبا بيكون معاه شلة كبيرة في الميكروباص بيشتغلوا السواق ويقولوله "ذوقك عالي يا اسطي" ويرد يقول "الله يكرمك " الشخصية الرابعة : اسطورة الشاب ذو السماعات في الودان : بيكون قاعد جنبك وحاطط السماعات في ودانه طول الطريق تقريبا وحتي ميسمعش اللي بينادي علي الاجرة اصلا الا اما حد يخبط عليه وبيشيل السماعات وهو مستاء جدا كأنه بيقول للي جنبه "عايز ايه اخلص ! " واول ميدفع الاجرة يجري علي السماعات بسرعة "اديني الحقنة بسرعة ارجوك انا عايزة الجرعة " وبيكون لبعض الناس والاطفال زي ما بيقول احمد خالد توفيق "اسطورة الرجل ذو السماعات في الودان " الشخصية الخامسة: الراجل العرقان بالقوي يا ابة يا ابة : وده بيكون عرقان لوحده من غير ما الشمس تلمسه اصلا وكأن جسمه بيتحجج اصلا وكانه هدية قرف للي جنبه بعتهاله الحر والدنيا مع بعض وتلاقي الفلوس ملزقة مطرح ايده عرق ومش هاكلمك بقي علي الريحة عشان لو بتاكل وانت بتقرا دلوقتي ولا حاجة الشخصية السادسة : براحة شوية يا اسطي : وبيكون متوتر طول الطريق من السرعة حتي ولو علي 90 بس ويقعد يهز في رجله كأن هو اللي سايق وطول الطريق استر يا رب استر يا رب يخلي اللي جنبه يتشاهد اساسا ويقع يتهز مكانه كأنه لابس نظارات ثري دي وبيشوف فيلم ويوطي ويقوم وينزل ويطلع ويقرفك في عيشتك الشخصية السابعة : بسرعة شوية يا اسطي : وطبعا بيرد الاسطي عليه "هي الدنيا هتطير ؟ " وده بيكون متوتر جدا زي اللي فات بس بيبص في الساعة كل 3 دقايق بيكون ميعاده فات او محاضرته فاتت من فترة وهو قاعد علي اعصابه ومش طايق شخصية "براحة شوية يا اسطي" وغالبا ما يحدث الصراع الكوني بي شخصيتين "بالراحة شوية يا اسطي" و "بسرعة شوية يا اسطي " وتكون النتيجة ان الاسطي بيقفش علي الاتنين الشخصية التامنة : الشخصيـه الدحاحة جدا : بتتهز طول الطريق وهي بتسمع المنهج كله كأننا في كتاب مش تعليم جامعي خالص وتروح تقفل الامتحان في خمس دقايق ولا تهتم بالجو المحيط حتي ولو في طائر رخ فوق الميكروباص او سوبر مان بيسلم علي بطريق ع الطريق هي مش هتنتبه برضه ولا تستغرب لان الدح واخد مكانه معاهاقوي والكتاب اهم صديق ليها دلوقتي الشخصية التاسعة : راجل بيشتم في الحكومة : وبيكون ماسك جرنان وتانيه مرتين كده ومركز علي مقالة معينة ويبدأ الحوار بضحكة سخرية وكلمة "شفت " ويديك صواريخ عن الحكومة بتاعتنا ويطلع عنيهم شتايم الشخصية العاشرة : الواد اللي عايز يتخانق: ده مجرد ما تبصله ممكن يقولك "ايه في حاجة ولا ايه ؟ اصلك بتبصلي يعني قوي " وده الاحسن تتجنبه الشخصية الحادية عشر: الراجل اللي في حاله: وده بيقعد جنب القزاز دايما ويبص برة الميكروباص ومالوش دعوة باللي جوة الا ساعة لم الاجرة الشخصية الثانية عشر : فيلسوف الميكروباص : وده بيقعد جنب السواق يقعد يناقشه في مشاكل الحياة او يفتي في حاجات عن المرور والرخص والكمين وكده واي قصص واي كلام بيتقال يا عم الحاج قدام واغلبها بتكون فشر واولها بيكون " انا قريبي لواء سابق وبيحكي ويقول .... الخ
__________________
 
|
|
#2
29-09-2012, 08:12 PM
|
||||
|
||||
اقتباس:
__________________
ودعاً وارجو ان ذكرتونى فاذكرونى بخير ,دعواتكم ........... افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#3
29-09-2012, 08:22 PM
|
|||
|
|||
|
أنا الراجل اللي ف حاله
*وده بيقعد جنب القزاز دايما ويبص برة الميكروباص ومالوش دعوة باللي جوة الا ساعة لم الاجرة بالظبط گده
__________________
اللهمَّ إنْ لم أكنْ أهلا لأنْ أبلغَ رحمتَكَ؛ فإنَّ رحمتَكَ أهلٌ أنْ تبلغَني. رحمتُكَ وَسِعَتْ كلَّ شيءٍ، وأنا شَيْءٌ، فلتسَعْنِي رحمتُكَ، يا أرحمَ الرَّاحمينَ! وَالهَجْرُ أقْتَلُ لي مِمّا أُراقِبُهُ .. أنَا الغَريقُ فَما خَوْفي منَ البَلَلِ !
|
|
#4
29-09-2012, 08:29 PM
|
||||
|
||||
|
هووووووووووب على جنب يا اسطى
انا وصلت خلاص موضوع جميل وعايزين كمان وكمان
|
|
#5
29-09-2012, 08:32 PM
|
|||
|
|||
|
اقتباس:
 بهزر أساحبي
__________________
اللهمَّ إنْ لم أكنْ أهلا لأنْ أبلغَ رحمتَكَ؛ فإنَّ رحمتَكَ أهلٌ أنْ تبلغَني. رحمتُكَ وَسِعَتْ كلَّ شيءٍ، وأنا شَيْءٌ، فلتسَعْنِي رحمتُكَ، يا أرحمَ الرَّاحمينَ! وَالهَجْرُ أقْتَلُ لي مِمّا أُراقِبُهُ .. أنَا الغَريقُ فَما خَوْفي منَ البَلَلِ !
|
|
#7
29-09-2012, 10:17 PM
|
||||
|
||||
|
اقتباس:
هى الشخصيه دى
اللى فحاله ف الميكروباس بطلع ايدى وراسى برا الشباك ان شا الله يموتوا بعض جواه ولا يهمنى نايس توبيك
__________________
<( If You Can Dream It ,, You Can Do It )>
|
|
#9
29-09-2012, 11:40 PM
|
||||
|
||||
|
هى كل الناس فى حالها ولا ايه
وانا كمان فى حالى بس الاصناف التانية دى بتيجى منين ؟؟ شكررا على الموضوع
__________________
|
|
#10
30-09-2012, 05:02 AM
|
||||
|
||||
|
اقتباس:
يا ربى على شخصيه الست الطخينه دى
ولو لمستها تقولك " ما المكان فاضى جنبك أهووو " وطبعا محتله الميكروباص وتلاقيها اطخن صوت فى الميكروباص : أطخن من صوتى انا شخصيا ولو اديتها الاجره عشان توصلها للسواق " هو كل شويه اجره اجره ما تلمهم مره واحده يا جدع " بجد شخصيه كيوت خالص  اما الفيلسوف فده فعلا بيحصل وتلاقيه بيهاود السواق فى أى كلمه يقولها وبيندمج مع السواق جدا وكانهم اخوات فالرضاعه ويقوله " عندك حق اسطى ، معلش هو حال البلد كده ، " نايس بجد يا مارك بيه
__________________
<( If You Can Dream It ,, You Can Do It )>
|
|
#11
30-09-2012, 05:09 AM
|
||||
|
||||
|
الشخصيه الثالثه عشر من وجهه نظرى
شخصيه الست العجوزه اللى تقولك امسكنى يبنى عشان اطلع وتمسكها وتقعدها وطول الطريق " الله يستر طريقك يا اسطى " " الله ينورلك بصيرتك " ع اساس انه رايح الامتحان ولو فيه عركه " معلش يبنى خليك فحالك " " ربنا يكفيك شر طريقك " والشخصيه دى من احلى احلى الشخصيات فالميكروباص لانها شخصيه طيبه جدا ولو تديها الاجره 100 مره ورا بعض ولا تشتكى وتقولك " كام يبنى 3 ولا 4 اصل السمع خلاص " ولو كان راجل يبقى هو ده المسلكاتى بتاع الميكروباص لو اى خناقه حصلت تلاقيه اول واحد " اهدوا يا جماعه " " دى لحظه شيطان " " ما تقول حاجه اسطى "
__________________
<( If You Can Dream It ,, You Can Do It )>
|
|
#12
30-09-2012, 05:17 AM
|
||||
|
||||
|
الشخصيه الرابعه عشـر
" الراجل العجوز المش طايق حد من الشباب " موقف : فى مره ركبت الميكروباص و قعدت و بعد شويه دقيقه و لا حاجه بدى للراجل الاجره فلاقيت راجل عجوز قدامى فاديتله الاجره بصلى باحتقار و اداها للسواق و بعد شويه واحده تانيه ركبت و اداتنى الاجره فباديها للراجل العجوز .. اوب و طلع فيا و قالى ماتلموا من بعض يا اخى مع شويه زغيق فيا  و انا اقوله لسه الست راكبه اعمل ايه طيب و بعد شويه ركب واحد كمان و ادانى الاجره .. اصلى كنت ف النص و الراجل العجوز قدام ما علينا فاخدت الاجره من الراجل الركب و اداتها للراجل العجوز و قعد يهزئنى كتير و اتقمص و مخدش منى و انا اقوله الراجل لسه راكب و هو مصر انه مش هياخد منى حاجه و بعد شويه لقيته نزل و مشى  بس كان شكلى ايه رائع و انا بتهزئق من الراجل كل شويه
__________________
|
|
#14
30-09-2012, 10:59 AM
|
||||
|
||||
|
شكـل كل الناس هنـا
من الناس البتقعد ف حالها انا بردو كده بقعد ف حالى لانى مش بكون فايق اتكلم مع حد عشان بيكون ورايا مشاوير و وقت بيضيع لكن لما بكون فايق برغى شويتين مع الجنبـى
__________________
|
|
#15
30-09-2012, 11:34 AM
|
||||
|
||||
|
انت نسيت بردو شخصية الشاب المعاكس
اللى بيركب الميكروباص لو فيه بنات بس  ودايما تلاقيه عامل نفسه شهم ويدفع لها الفلوس مع انها اصلا متعرفوش :P تلاقيه سيس كده وبيبص طول الطريق من تحت لتحت انا بقا من الشخصية اللى بشوف المكان الاول اللى هقعد فيه قبل مااركب لو مكان صغير مش بركب والتباع بيبقا علا اخره ومعارضة لحكاية الركوب اربعات .... نايس توبيك
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:09 PM.
