اللى عاوز يشتكى الموجه بتاعه يشتكيه لمين ؟

[منار على]

بصراحه ياجماعه انا مخنوقه جدا من الموجهه بتاعتى بس مش عارفه بجد اشتكيها لمين
موجهتى دى بقى عيبها انها طيبه اى حد يعيطلها ويشتكى ليها ظروف الحياه تصدقه و تيجى على الغلبانين اللى زى حالاتى باعتبارهم لسه فاضيين لسه متجوزوش على اساس ان مش كلنا مدرسين زى بعض ومش واخده بالها ان اللى بتعمله دا بتظلم طرف تانى مالوش علاقه اصلا وبصراحه انا اتخنقت منها اخر حاجه واللى عملته بقى انها جت شيلتنى انا 20 حصه مع العلم انى بشتغل من 6 سنين وجابت واحده لسه بعقد مكملتش 3 شهور وشيلتها 16 حصه وحجتها بقى انها متجوزه وعندها طفلين وضغطها بيوطى فى الحصه وقالتلى ان ربنا هيجعله فى ميزان حسناتى وهتدعيلى وكمان انى اقدم منها ب6 سنين والمفروض انى اشيل تالته وانها مينفعش تشيل تالته
طب انا زمبى ايه يعنى انتى جايبه واحده بعقد وشغاله من 3 شهور وجايباها كلى المدرسه وانا اقدم منها 6 سنين ومنتدبه بره بلدى يومين وبركب 6 مواصلات اليومين دول وتشيليها هى 16 وانا 20 كمان دى اكبر منى سنا ب7 سنين ومنهج 3 اسهل المناهج ونتيجه تالته طبعا 100 فلميه وكلنا عارفين ليه ؟
ومش كدا وبس دا كمان التوجيه مدخل 3 بعقد كلى بلدى ومن اماكنى قريبه نهايتهم مواصله واحده وهى عارفه دا كويس جدا وانا لسه متعلقه يومين فى مكان بعيد جدا
لا واللى يغيظ بقى انها ماشيه ومقتنعه ان دا حق ربنا وانها كدا مظلمتنيش خالص
هل هى كدا مظلمتنيش خالص زى ماهى فاهمه ؟ ولو كانت ظلمتنى اشتكيها لمين غير التوجيه لانى عارفه انى مش هاخد حاجه ؟؟؟؟؟؟؟؟؟؟؟؟؟

اه نسيت اقولكوا انها قبل كدا ردت عليا رد بصراحه عمرى ماهانساه مره كنت بقولها ازاى مدرسه بعقد تشيل 16 ومدرسنا الاول يشيل 20 قالتلى معلهش اصلها مدلعه

ملحوظه بقى
اللى يغيظك بقى انى اول مااشتغلت اشتغلت فى مكان بعيد 3 مواصلات وبعدها بسنه فضلت منتدبه وكنت شايله 24 ومره 26 واقل حاجه كانت 16 من سنتين يعنى 16 دى مطلتهاش غير بعد 4 سنين ودخلت 7 مدارس خلال ال6 سنين دول واللى متعينين جداد لسه بقى واخدين على الراحه ومش عاوزين يشتغلوا اصلا دول عاوزينك انت اللى تشتالهم حصصهم على اعتبار انك مشبعتش بهدله لا وكمان الموجهه معاهم بصراحه نفسى اوى اروح للموجه العام واقوله هو انت عاطى تعليمات للموجهين انهم يدلعوا الجداد على حساب القدام طب اشمعنى لما كنا مكانهم ملقيناش حد يدلعنا وكنا بناخد فوق دماغنا وساكتين كمان يعنى بجد من المستفز جدا انك تتبهدل كدا وفى الاخر تشوف 3 بعقد داخلين بلدك قبلك وكمان داخلين بشروطهم والموجهين مدلعينهم على حسابك وانت لسه مدخلتش بلدك كلى لا ومش عاوزين الواحد يسافر ويسيب البلد

[الاستاذ- علاء]

السلام عليكم

مدرس العقد نصابه القانونى 24 حصه
ممكن تشتكى للموجه الاول بالادارة التعليمية اللى انتى تبعها .... او للموجه العام بالمديرية ...
او حضرتك ريحى نفسك واعملى اجازه نصف اجر ( والنصاب سيصبح النصف ) لحد ما ربنا يسهلها

[منار على]

للاسف انا عارفه ان التوجيه مش هينصفنى لان شكلها متوصى عليها فعشان كدا انا عاوزه اشتكى الموجهه بتاعتى بعيد عن التوجيه بس فين بقى هو دا السؤال ؟؟؟؟
كمان موضوع نص اجر دا غير متاح اطلاقا ولا اى حد هيوافق عليه لان فيه عجز
كمان فيه واحد زميلى قالى انى مينفعش اشتكيها عشان هى مدتنيش اكتر من نصابى القانونى لانه 21 حصه بس فيه تانى قالى ينفع مدام هى ادتك 20 فى وجود واحده عقد نصابها زى ماقلت حضرتك 24 وادتها هى 16 والصراحه انا مش عارفه مين الصح

[mhmd76]

النيابة الادارية

[Abbadi]

تكتبي طلب الي مدير المدرسة مع توضيح تاريخ التعيين الخاص بك وكذلك المدرس الموجودة معك بنفس المدرسة وتاريخ التعيين ومن الممكن ناظر المدرسة ان يعطيها الحصص الاكثر وهذا من حقة لانك الاقدم تاخذي الحصص الاقل بدون تدخل التوجية واذا رفض يرفع الطلب الي الادارة التعليمية ومدير الادارة يحول الطلب للتوجيه ولابد ان يكون معك صورة من الطلب لان ذلك سوف يدين ناظر المدرسة في الاول فالتوجيه بذلك يخدم علي حساب الناظر وسوف تجدي ان التوجيه قال هذا الكلام شفوي ولم يكتب في الزيارة لان هذا سوف يدينه

[Abbadi]

ومن الممكن ان تقومي باعطاء الخطاب رقم صادر من المدرسة وبعد ذلك الي مدير المديرية وسوف تجدي ناظر المدرسة سوف يحل المشكلة من المدرسة نفسها لانها هذه مسؤليته الاولي وبالتوفيق ان شاء الله

[منار على]

[QUOTE=Abbadi;5132581]تكتبي طلب الي مدير المدرسة مع توضيح تاريخ التعيين الخاص بك وكذلك المدرس الموجودة معك بنفس المدرسة وتاريخ التعيين ومن الممكن ناظر المدرسة ان يعطيها الحصص الاكثر وهذا من حقة لانك الاقدم تاخذي الحصص الاقل بدون تدخل التوجية واذا رفض يرفع الطلب الي الادارة التعليمية ومدير الادارة يحول الطلب للتوجيه ولابد ان يكون معك صورة من الطلب لان ذلك سوف يدين ناظر المدرسة في الاول فالتوجيه بذلك يخدم علي حساب الناظر وسوف تجدي ان التوجيه قال هذا الكلام شفوي ولم يكتب في الزيارة لان هذا سوف يدي

لا دى كاتبه دا فى دفتر الزيارات وقايله لمدرس الجدول انه كمان يضيفلى اربع حصص زياده وطبعا كلنا مضينا على الزياره

[كلمتين وبس]

بالله عليكي لو وصلتي لنتيجة عرفيني عشان انا مشكلتي نفس مشكلتك تماما ومش عارف اعمل ايه؟


لا يبخلي عليا بالرد لاني فعلا خلاص حساس اني ممكن اعمل اي حاجة غلط معرفش هيا ايه؟

[حازم دهب]

يعنى الواحد لو اتجوز جدوله يقل .....انا هتجوز 4

[ghanem111]

تلغراف
الي وزير التربية التعليم بالقاهرة
استغيث بكم في رفع الظلم الواقع علي من قبل الموجة /............. وإلا ساعتصم بالمبني المدرسي حتي يتم رفع الظلم الواقع علي جربي وشوفي النتيجة

[هويدااحمد76]

ادخلى على موقع وزارة التربية والتعليم المصرية هتلاقى ايقونة الشكاوى ابعتى شكوتك وبياناتك للوزارة وربنا معاكى

[احمد1958]

اولا الموضوع من اصله خطأ علشان تجيب مدرسة وانت منتدبه يومين بره المدرسه كان اولى تكملك نصابك وترجعك اليومين بدل ما تجيب
حد جديد المهم الموضوع ده يدان فيه مدير المدرسه والموجه ومفيش حد ميتحاسبشى بس ابداى الشكوى من مدير الاداره الاول لان مدير الادارة هو اللى يحل الموضوع وان لم يكن اشتكى لوكيل الوزارة وهو يحول الموضوع للموجه العام وربنا يسهل كان املنا ان الثوره تغير حاجات كتير لكن والله ما يتغير شىء الا اذا غيرنا احنا انفسنا الاول

[منار على]

اصلا والله الواحد قرف من اللى بيشوفه فى البلد دى اى حد فى ايده سلطه مفكر انه خلاص بقى من حقه يعمل اى حاجه ويظلم براحته كمان اللى يغيظ انها اصلا مش حاسه انها ظالمانى وبتقولى انا كدا بنفذ عدل ربنا بجد حسبى الله ونعم الوكيل فيها وفى اللى زيها

[Mr Refaat]

السلام عليكم
مشكلتك بسيطة جدا
أولا استحملي الترم التانى لأنه خلاص تعتبر السنهة دي خلصت
ثانيا: اذا كنتى منتدبة جزئي القانون بيقول انتدابك بينتهي تلقائيا في شهر يوليو و تلغي انتدابك سواء بخطاب من التوجيه أو من تلقاء نفسك ما تروحيش المدرسة المنتدبة لها تانى و لو مش مصدقة كلامى أسألي الشئون القانونية عن تاريخ انتهاء الندب الجزئي و هل كلامى صحيح و لا له
ثالثا : نظرا لأنه يوجد من أحدث منكى في المدرسة فأذا جاء لكي انتداب أو نقل لا توقعي بالأمضاء علي هذا الخطاب أبدا حتى بالعلم لا توقعي و تشتكي في الشئون القانونية لأن الندب أو النقل للأحدث
أما بالنسبة لنصاب الحصص فأذا لم يكتمل نصاب الحصص للمعلم ينتدب الي مدرسة أخري بها عجز ليكمل نصابه و اذا كان هناك لا يوجد عجز بالمدارس الأخري فأن المدرس الأقدم بالمرسة هو الذي تكون حصصه أقل و الأحدث تكون حصصه أكثر
= هذا هو القانون و تستطيع أن تأخذ حقك اما عن طريق شكوي للشئون القانونية بالأدارة و اذا لم يتم انصافك فتشتكي في النيابة الأدارية
و أتمنى لكم التوفيق

[ابوحسناء7755]

الحل بسيط مادام المتزوجة بتاخذ حصص اقل شوفيلك عريس وريحى نفسك