هام جدااااا يخص كل المدريسين والموجهين وأيضا التلاميذ عامة **(خاص بالامتحانات)**

[lotfy_eid]

أولا:-أنا طالب فى الصف الثالث الاعدادى وكان عندى طلب أنا ومجموعة من زملائى و هو :-
أن احنا بنرجو من جميع الموجهين الذين يقومون بوضع الامتحان أن يرؤفوا بنا فأكيد كل حضراتكم عرفين حالة مادة الدراسات ومدى صعوبتها وخاصة الجغرافيا لأن احنا بجد عندنا أرقام كتير أوى وأسماء دول كتير أوى والمشكلة أن احنا بنحفظها فى وقت كبير ومش أكتر من أسبوع بالضبط ونكون نسينها لأننا بنكون حفظنا غيرها دة طبعا غير الخمس دول اللى فى الوحدة الثانية والله احنا كان نفسنا يشيلوا الخمس دول اللى كل احصائياتهم عام 2009\2007 وأكيد اتغيرت ويجيبوا بدلها مصر وهى مصر بلدنا ومن المهم أن ندرس كل شئ عنها
فى النهاية احنابنطلب من حضرتكم وأنتم بتضعوا الامتحان أنه تكون حالة الامتحان كويسة احنامش بنطلب امتحان**سهلخالص**ولا** صعبجدا**احنابنطلب امتحان متوسط يعنى فى (المعقول)
ياريت كل تلميذ يقرأ هذا الموضوع ومتفق معنا أو شايف أن الكلام دة حقيقى أو حتى مهم يسيب تعليق ولو حتى كلمة واحدة
أرجوكم ساعدونا

[Emad 97]

معاككككككككككككك هو فعلا الدراسات صعبة بالاضافة الى ان الترم قليل وبيكون الامتحان طويل وبنكون قلقلين وخايفين والمنهج طويللللللللللللللللللللللللللللللللللللللللللللللل لللللللللللللللللللللللللللللللللللل

[lotfy_eid]

معقول يا جماعة مادة الدراسات مفيش حد بيشتكى منها
110 مشاهدة ومفيش غير تعليق واحد
اذا نأسف للسادة الموجهين على الازعاج
وياريت حضراتكم تحطوا امتحان صعب جدا لأن مفيش حد بيشتكى من مادة الدراسات زى ما حضرتكم شايفين مفيش غير تعليق واحد

[محمود الدويحي]

طبعا المادة صعبه جدا وانا اتحدى اللى حط المادة العلميه لو كان حافظ الارقام لسبب واحد ان ابناء الغلابه حقل تجارب واولاد البهوات بيتعلمو فى مدارس دوليه فين مصر من مادة الدراسات

[lotfy_eid]

عندك حق مفيش حد يقدر يحفظ كل الارقام دى غير اذا كان كمبيوتر بقى
حتى الان 125 مشاهدة ومفيش غير تعليقين فقط
شئ غريب جدا

[أ/ محمد رجب]

ياعم علي عهدتي لا تهتم بالأرقام الا النسب المئوية فقط وبالتوفيق انشالله والامتحان هيكون في متناول الطالب المتوسط

[ahmed wama]

المشاركة الأصلية كتبت بواسطة lotfy_eid

أولا:-أنا طالب فى الصف الثالث الاعدادى وكان عندى طلب أنا ومجموعة من زملائى و هو :-

المشاركة الأصلية كتبت بواسطة lotfy_eid

أن احنا بنرجو من جميع الموجهين الذين يقومون بوضع الامتحان أن يرؤفوا بنا فأكيد كل حضراتكم عرفين حالة مادة الدراسات ومدى صعوبتها وخاصة الجغرافيا لأن احنا بجد عندنا أرقام كتير أوى وأسماء دول كتير أوى والمشكلة أن احنا بنحفظها فى وقت كبير ومش أكتر من أسبوع بالضبط ونكون نسينها لأننا بنكون حفظنا غيرها دة طبعا غير الخمس دول اللى فى الوحدة الثانية والله احنا كان نفسنا يشيلوا الخمس دول اللى كل احصائياتهم عام 2009\2007 وأكيد اتغيرت ويجيبوا بدلها مصر وهى مصر بلدنا ومن المهم أن ندرس كل شئ عنها
فى النهاية احنابنطلب من حضرتكم وأنتم بتضعوا الامتحان أنه تكون حالة الامتحان كويسة احنامش بنطلب امتحان**سهلخالص**ولا** صعبجدا**احنابنطلب امتحان متوسط يعنى فى (المعقول)
ياريت كل تلميذ يقرأ هذا الموضوع ومتفق معنا أو شايف أن الكلام دة حقيقى أو حتى مهم يسيب تعليق ولو حتى كلمة واحدة
أرجوكم ساعدونا

أنا معكم و أؤيدكم فى ما قلتم

[lotfy_eid]

جيد شئ جميل
بس كانت فين مشاركاتكم من بدرى ياجماعة
أن قلت أن المادة بالنسبة لى وأصحابى صعبة وبتتنسى بسرعة
لكن ما لقيت حد قال أن المادة صعبة
بصراحة أن كنت مستعجب

[lotfy_eid]

المشاركة الأصلية كتبت بواسطة أ/ محمد رجب

ياعم علي عهدتي لا تهتم بالأرقام الا النسب المئوية فقط وبالتوفيق انشالله والامتحان هيكون في متناول الطالب المتوسط

بس يا أستاذى الفاضل فى جميع المحافظات فيه أرقام ومش بس كده
(دة مفيش امتحان بيخلى من الارقام)
احنا مش معترضين على الارقام بس يحضروا رقم انتاج أول الدول حتى
و انشاء الله يكون الامتحان معقول

[العبد الخاضع لله]

فعلا انا رأى من رأى lotfy_eid يجيبوا احصائيات اولى الدول بس بس احنا فى الدقهلية ولا حياة لمن تنادى والترم قصير وحاجه تقرف فعلا عموما ربنا يستر

[lotfy_eid]

أحنا مش بنتكلم عن محافظة واحدة فقط
بس بجد ربنا معاكم فى الدقهلية
أنا رأى انكم تنقلوا من المحافظة دى خالص

[العبد الخاضع لله]

ههههههههههه شوفت امتحان العربى الترم الى فات دا الى ضايعنى

شوفت العقاقير ووضعوا مش عارف هما ليه بيقرفونا دا احنا حتى المحافظة الوحيدة الى مش بتجيب سؤال اختيارى فى العربى

[العبد الخاضع لله]

لكن ربنا يستر وربنا يوفقنا الترم ده

[محمد دراسات]

احب اولا اعرفك بنفسى انا الاستاذ محمد مصطفى الشهير بمحمد دراسات في المنتدى مدرس بالحامول بدرس المادة منذ خمس سنين وبقولك انت طالب ممتاز والله عندك حق في كل كلمة فعلا المنهج في حشو كتير والوقت قصير وانا بضم صوتى لك وارجوا من الله التوفيق لكم جميعا

[كامل على]

المصرين بيشتكو من الدرسات وانا معاهم