مشكلة واحدة تواجهنى فى الثانوية ارجو مساعدتى

[محمدابوعميرة]

السلام عليكم اخوانى انا فى الصف الاول الثانوى ومشكلتى ننى عندما لا استيع الاجابة على سؤال مثلا فى الرياضيات او الفيزياء او اى مادة اشعر اننى ليس لدى ذكاء كافى او اننى لا املك ذكاء
وعندما ارى اناس متفوقين اشعر انهم افضل ذكاءا منى ارجو المساعدة

[مسلمة متفائلة]

وعليكم السلام ورحمة الله وبركاته

في مقولة بتقول: "أن أبدو غبيّاً بينهم لمرة واحدة، خير لي من أن أبقى غبياً طوال عمري"

فمفيش أي مشكلة لو حضرتك مفهمتش مسألة أو ماحلتهاش من أول مرة .. ده مش عيب

استعن بالله .. وحاول تحلها تاني وتالت ورابع ..وأسأل أستاذ المادة ..

ولو ماعرفتهاش حل اللي بعدها وماتوقفش عند مسألة بعينها ..

والحل لمشكلة الرياضيات والفيزياء هو إنك تحل مسائل كتير عشان تتعود عليها

كل يوم لازم تحل حتى لو مسألتين .. خصوصًا إنهم عايزين مداومة .. لأنها حكاية أفكار مش أكتر

ودايمًا اللي مابيعرفش حاجة ويسأل عنها .. بتثبت عنده .. خصوصًا لو غلط فيها وصلحها بنفسه

فدي حاجة كويسة .. بس أهم حاجة مايكررش نفس الغلطة تاني

وبالنسبة للمتفوقين .. هما يعني مابقوش كده مرة واحدة .. ولا بقوا أذكيا من مسألة أو اتنين

هي حكاية بذل جهد ومداومة وعدم يأس واستعانة بالله أولًا وأخيرًا

وفقكم الله

[هتـــلر]

خدها منى حلقه فى ودانك الفيزيا والرياضه محتاجه اجتهاااد اكتر من ذكااء
الاول على المدرسه عندى حفيييظ و فهمه اضعف من حفظه بس عشان كان بيحل كتيير هو اه المساله يمكن كانت بتاخد معاه وقت شويه بس مع كتر الحل دماغه بقى فيها مخزون افكار كتيير و بقى يحل اسرع من اى حد
فالفكره زى ما قالتلك الاخت انك تحل كتيير مع نفسك و مش مهم لو حليت بطىء لو خلصت كل المسائل سرعة حلك هتزيد
و متحاولش تقاارن قدراتك بقدرات حد تانى عشان انت متعرفش انت احسن منه فى ايه و هيجيلك احباط و يمكن تحس بالحقط فابعد عن المقارنه واعرف انك برده مميز فى حاجات كتير
وربنا يوفقك

[محمدابوعميرة]

شكرا لكم لاكن انا لا اقصد انى لا استطيع الحل او الحفظ او الفهم لا بالعكس انا احفظ اى شىء بسرعة وسهولة تامة وحافظ قران والحمدلله لاكن اقصد يعنى انه يوجد شخص لا يقف امامه اى سؤال اى لا يخطىء

[هاوى إبداع]

المشاركة الأصلية كتبت بواسطة محمدابوعميرة

السلام عليكم اخوانى انا فى الصف الاول الثانوى ومشكلتى ننى عندما لا استيع الاجابة على سؤال مثلا فى الرياضيات او الفيزياء او اى مادة اشعر اننى ليس لدى ذكاء كافى او اننى لا املك ذكاء
وعندما ارى اناس متفوقين اشعر انهم افضل ذكاءا منى ارجو المساعدة

يؤسفني اني مش هقدر اقولك ع حل يامحمد

لانها اصلا مش مشكله

بس انت اهم حاجه تستمر متقفش

وان شاء الله نشوفك مهندس او دكتور كبير

بالتوفيق ..

[هتـــلر]

المشاركة الأصلية كتبت بواسطة محمدابوعميرة

شكرا لكم لاكن انا لا اقصد انى لا استطيع الحل او الحفظ او الفهم لا بالعكس انا احفظ اى شىء بسرعة وسهولة تامة وحافظ قران والحمدلله لاكن اقصد يعنى انه يوجد شخص لا يقف امامه اى سؤال اى لا يخطىء

مفيش انسان معصوم من الغلط
و عمرك ما هتتعلم غير لما تغلط
و الشخص اللى بتتكلم عنه انت متعرفش بيحل ازاى فى البيت اصل انت مش هتبقى معاه يعنى طول الوقت و مينفعش تحكم عليه على اساس كام سؤال فى الحصه ما يمكن يكون حلهم قبل كده فى البيت او المسائل فعلاً سهله بس انت مكنتش مركز باين
اهم حاجه بطل مقارنه و اعمل اللى عليك و بما ان شايف الحفظ عندك اقوى ادخل ادبى عشان رحم الله امرىء عرف قدر نفسه و مش لازم تدخل العلمى عشان خاطر كلام الناس

[مهاب احمد محمد]

انا عايز اوضح حاجة واحدة لا يوجد شئ يسمي متفوق او فاشل واقصد هنا ذكي او غبي كل حاجة بالاجتهاد وده في الدراسة اما علي مستوي العمل مش بينجح الذكي في العلم بينجح اللي عرف يستغل امكانيته احسن استغلال ولما وصل لحاجة ما بيتنازلش عنها