يمكن !! ... " ليه ؟!! .. اصلها المقدمة"

[Ismael Ibraheem]

يمكن !! ... " ليه ؟!! .. اصلها المقدمة" ,,,,

نعود قليلا بالذاكرة لنستعيد أيام كنا فيها نستمتع بجعل الناس تخمن اى شئ ...

--- بابا ,, بابا ,,, إيه اللى فـ ايدى ؟؟
- مممم ... عروستك ؟!!!
--- لأ يا بابا !!

حينها كنا لنستدرج الضحيه الى حيث ننصب فخاخنا .. نستخدم الاسلوب الاقوى لدى اجهزة المخابرات والذى ولدنا به ... "التمويه" .. عادة كلمة ربما هى الكلمة الاشهر تاريخيا !!

--- يا بابا خمن بقى !!
- طيب هى لعبه من العابك ؟؟
--- ربما !!

و لأن ربما كلمة تندرج تحت بند اللغة العربية .. وحينها كنا نستخدم اللغة الاقرب لنطقنا حتى وان تطايرت بعض الاحرف ..
لذلك تم الاستقرار على "يمكن" .. و هى بكل بساطةالنعادل المعنوى و الموضوىعى لكمة ربما كى تتناسب مع حالنا ذلك الوقت ..

معنى الكلمة الغريب جعلها تستخدم كثيرا فى التمويه .. فلا هى اجابة صريحة بـ "نعم" ,, ولا هى نفيا مطلقا بـ "لأ" .. تحتمل الصواب و لا يدل معناها انها صواب ,, و تحتمل الخطأ ولا يعنى ذلك انها خطأ ,,
وقد تعنى الكلمة بين طياتها عن جهل قائلها لشئ ما أراد بها حفظ ماء وجهه !!

--- بقول لحضرتك ,, هو ميسى لسه بيعلب فى برشلونة ؟؟
- يمكن يا ابنى ,, اصلى مش متابع الفترة الأخيرة دى ..

فلا انت قلت ايوة وقمت بالهواية المفضلة لدينا -المصريين- "الفتى" .. ولا قلت لا .. و ساعتها برضو هتكون بتفتى !!
فى كلا الاجابتين حينما تتضح الحقيقة ويستعيد السائل اجابتك فحينها قد تكون اجابتك بالنسبة له خاطئة وتكون قد كذبت امامه ... او ان تكون اجابتك صحيحه وحينها تكون قد كذبت امام نفسك ...

لأن أصلا كلمة "يمكن" بتريح ... فانت كدا لم تكسب ولم تخسر ساعتها ...

ليه بقى سلسلة المقالات القادمة هيكون عنوانها " يمكن" ؟!!
يمكن لان انا مش كاتب مهارى .. و لو انت قررت حينها انى مش بعرف اكتب اكون ما خسرتش حاجة !!
يمكن لانك اجبرتنى على العونان دا من كتر ما اغلب المصريين بيقولوها !!
و يمكن ... لان البلد ماشيه فى طريق " يمكن.......... " و حط مكان النقط الكلمة المناسبة ,, انا شايف الانسب " يمكن نعدى !! " ...
أو يمكن .. لان كل شئ ممكن !!


............
باختصار " يمكن" هى مجموعه من المقالات الفلسفيه الاجتماعيه السياسيه ,, ناقدا وساخرا من بعض ما يحدث ,,
دورك فى حاجتين ,,, تقييم المقال و اهم حاجة التقييم السلبى ,, لانه هيدفعنى بعد كدا للايجابى ..
و غالبا هتكون المقاله اسبوعيه ..
و الاهم من كل دا .. نفسك تقرا ايه فى "يمكن" ؟؟ عايز اول مقاله عن ايه ؟؟؟ أصل اللى انت قريتها دى المقدمة !!!
[/size][/size][/size]

[معلم من الشرقية]

جزاك الله كل خير على مجهودك الجميل

[Ismael Ibraheem]

المشاركة الأصلية كتبت بواسطة معلم من الشرقية

جزاك الله كل خير على مجهودك الجميل

جزانا و إياكم ..
بس المشكلة ان المجهود دا هيضيع بجد لو محدش نقد !
بس واضح ان دا اسلوب المنتدى فى التعامل مع الكتاب الجدد ,, مش مشكلة !

[مـــــلك]

المشاركة الأصلية كتبت بواسطة ismael ibraheem

جزانا و إياكم ..
بس المشكلة ان المجهود دا هيضيع بجد لو محدش نقد !
بس واضح ان دا اسلوب المنتدى فى التعامل مع الكتاب الجدد ,, مش مشكلة !

ليه حضرتك بتقول كده
لا طبعاً احنا بنهتم بكل المواهب الجديده
وحضرتك نورتنا فعلا
بس متزعلش كده من اول مره
واكيد فيه كتير هايدخلوا ويعلقوا
بس اهم حاجه تتقبل النقد البناء بصدر رحب
في رعايه الله

[مريم السباعى.]

لالالالالالالالالا وسعلى بقا ايه الجمال دة بجد انا ميكن نادر لما بعلق الفترة دى بس اسلوب الكلاام يدل ان فى موهبة ستفرض نفسها بقوة
عندك الفكر الفلسفى جامد جدا وواضح قوى اينعم السرد الكثير يشعرنا اننا نتوه فى خريطة فلسفتك ولكن سرعان ما تصيغ الفكرة بسهولة ويسر بس كانك حبيت تعطى للفكرة نوع من التوشيق
استمر وربنا يوفقك من ابدا ع لابداع يارب