شمس المعارف الكبرى

[مريم عمر عادل]

السلام عليكم ورحمة الله وبركاتة

طبعا كلنا عارفين كتاب شمس المعارف الكبرى ( اوعو تكونوا مش عارفينه )

علي العموم ده كتاب قديم جدا لكاتب من الشيوخ المسلمين ( او بيقولو عليه كده )

الكتاب ده بيتكلم عن الشعوذه والسحر ةالاسود و فيه تعويذات كتير و طرق اعمال ......الخ

انا مره كنت قاعده علي النت ببحث عن كتاب معين لانيس منصور ( ما اختكوا بتاعت كتب والحاجات دي)

لقيت بصدفة تحذيرات كتير من الكتاب ده وانا كنت لسه مش عرفاه

دخلت علي الموضوع لقيت مكتوب ان مش المفروض حد يقرا الكتاب ده لانه خطير جدا

و مكتوب قصص لناس اضرة منه و اهم التحذرات كانت هي

متقراش اول اربع صفح من الكتاب عشان مش يطلعلك حارس الكتاب

لو قريت الكتاب يبقا تكملو لاخرو عشان مش تجنن

و كان فيه تعويذه في الكتاب قالوا مش تقرها عشان ما تتازيش


طبع انا مش مقتنعه بالكلام ده و متهورة شويتين رحت قلت لاختي انا ححمل الكتاب ( هزار يعني )

لقيتها بتقولي انتي مجنونة و مش عارفة ايه

رحت محمله الكتاب عشان اثبتلها ان مفيش حاجة حتحصلي ( ونسخة الاصلية كمان)

و عملت كل حاجة قالو متعملهاش

و عادي جدا محصليش حاجة لغاية دلوقتي

بالعكس ده انا اكتشفت كمان ان كل الي مكتوب في الكتاب ده عبط و هبل ملوش اي اساس من الصحة


انتوا ايه رائيكوا في الموضوع ده هل فعلا في حاجة اسمها سحر اسود

و هل فعلا الكتب الي زي دي بتبقا صح

و انت من الي بيقتنعوا بالكلام ده ولا لاء

انا عن نفسي مش مقتنعه بحاجة اسمها السحر

[THE CodeR]

"
قال الله تعالي في كتابه العزيز (من سورة البقرة الاية 102):
"وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَارِّينَ بِهِ مِنْ أَحَدٍ إِلاَّ بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاقٍ وَلَبِئْسَ مَا شَرَوْا بِهِ أَنفُسَهُمْ لَوْ كَانُواْ يَعْلَمُونَ ." صدق عز من قائل
السحر موجود ........لكن الله اعلم ما مصدره و من هم اهله الان
ليس اكيداً ان يكون هذا الكتاب هو حامل لهذا السحر
يعني اعرضي علينا ما قرأت منه لعلنا نصل إلي تأكيد كلمة من كلماته

[BaNZeR]

زي ما قال احمد
السحر موجود والدجل موجود

لكن حوار التعويذات والكلام ده فاكس طبعاً
على الاقل مع الناس اللى ملهاش علاقة بالسحر زيينا كدا

[راجى طاعة الرحمن]

السحر مذكور فى القرآن يعنى موجود

وفعلاً الناس اللى بتبقى كاتبة الحاجات دى بتبقى فعلاً سحرة

ربنا يحفظنا

[الأستاذة / أم أمل]

السحر مذكور فى القرآن لكن كان موجود زمان بكثرة أما فهو نادر لانه بيتطلب طقوس خاصة مش اى احد يقدر عليه

لكن موجود

[sasaatwa]

بشكرك علي شجاعتك والحمد لله ان محصلش حاجه

[عبد الله الرفاعي]

بداية كدا
ربنا يجعل كلامنا خفيف عليهم
وبعدين ياأختى الفاضلة أحب أذكرك فقط بأنه لا يجوز لنا القراءة فى هذه الكتب كمسلمين لأن ذلك يقع تحت باب تعلم السحر وتعلم السحر كفر والعياذ بالله
والله يقول في كتابه العظيم عن الملكين: وَمَا يُعَلِّمَانِ مِنْ أَحَدٍ حَتَّى يَقُولَا إِنَّمَا نَحْنُ فِتْنَةٌ فَلَا تَكْفُرْ، فدل على أن تعلم السحر والعمل به كفر، فيجب على أهل الإسلام أن يحاربوا الكتب التي تعلم السحر والتنجيم، وأن يتلفوها أينما كانت. هذا هو الواجب، ولا يجوز لطالب العلم ولا غيره أن يقرأها أو يتعلم ما فيها، وغير طالب العلم كذلك ليس له أن يقرأها ولا أن يتعلم مما فيها، ولا أن يقرها؛ لأنها تفضي إلى الكفر بالله، فالواجب إتلافها أينما كانت.

[مريم عمر عادل]

المشاركة الأصلية كتبت بواسطة the coder

"
قال الله تعالي في كتابه العزيز (من سورة البقرة الاية 102):
"وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَارِّينَ بِهِ مِنْ أَحَدٍ إِلاَّ بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاقٍ وَلَبِئْسَ مَا شَرَوْا بِهِ أَنفُسَهُمْ لَوْ كَانُواْ يَعْلَمُونَ ." صدق عز من قائل
السحر موجود ........لكن الله اعلم ما مصدره و من هم اهله الان
ليس اكيداً ان يكون هذا الكتاب هو حامل لهذا السحر
يعني اعرضي علينا ما قرأت منه لعلنا نصل إلي تأكيد كلمة من كلماته

صدق لله العظيم

السحر موجود اه لكن كان موجود لغاية القرون الوسطي و بعد كده لا

الان في القرون الوسطي كان الشاطين والملائكة بيظهروا للناس علي هيئة بشر و كان في سحر اسود

حقيقي لكن بعد كده ربنا امر الملايكة و منع الشياطين انهم يظهروا للبشر وكمان منع السحر

تقريبا يعني علي علي حسب معلوماتي المتواضعه و لو في غلط ياريت حد يصححهولي

فاعتقد ان السحر كان موجود زمان لكن دلوقتي لا

اما بالنسبة للكتاب فكان مكتوب فية حاجات عبيطة اوي

زي لو عاوز امورك تتصلح مع شريك حياتك مش عارفة تجيب حتة قماش حرير و وترسم عليها نجمة في وسط

مربع و تكتب فيها لله 33 مره و حرف الدال 33مره

و حاجات كتير زي كده

و تعويذه كانت مكتوبة في الكتاب كلها كلام عبيط و مش مفهوم

قالوا الي حيقرئها حتحصلوا حاجة وحشة و انا قريتها و مش حصلي حاجة

دليل علي ان الكتاب مش سحر ولا حاجة

و شكرا علي مرورك الكريم

[مريم عمر عادل]

المشاركة الأصلية كتبت بواسطة banzer

زي ما قال احمد
السحر موجود والدجل موجود

لكن حوار التعويذات والكلام ده فاكس طبعاً
على الاقل مع الناس اللى ملهاش علاقة بالسحر زيينا كدا

طب السحر وقلنا ممكن يكون موجود و ممكن يكون انقرض لكن ايه الدجل يعني حضرتك مقتنع مثلا

بالمس طب ده مش سحر ده دجل طب ما التعويذات هي السحر و لا ايه

و شكرا علي مرورك العطر نورت الموضوع يا فندم

[مريم عمر عادل]

المشاركة الأصلية كتبت بواسطة mr.reader

السحر مذكور فى القرآن يعنى موجود

وفعلاً الناس اللى بتبقى كاتبة الحاجات دى بتبقى فعلاً سحرة

ربنا يحفظنا

السحر موجود في القران اه لكن مش موجود دلوقتي
و معتقدش يا فندم ان الناس دي بتبقا سحرة دول ناس عايزة تكسب فلوس وخلاص
من ورا الناس الي مقتنعة بكلام ده

ربنا يحفظنا جميعا يارب

شكرا علي مرورك العطر

[مريم عمر عادل]

المشاركة الأصلية كتبت بواسطة عبد الله الرفاعي

بداية كدا
ربنا يجعل كلامنا خفيف عليهم
وبعدين ياأختى الفاضلة أحب أذكرك فقط بأنه لا يجوز لنا القراءة فى هذه الكتب كمسلمين لأن ذلك يقع تحت باب تعلم السحر وتعلم السحر كفر والعياذ بالله
والله يقول في كتابه العظيم عن الملكين: وَمَا يُعَلِّمَانِ مِنْ أَحَدٍ حَتَّى يَقُولَا إِنَّمَا نَحْنُ فِتْنَةٌ فَلَا تَكْفُرْ، فدل على أن تعلم السحر والعمل به كفر، فيجب على أهل الإسلام أن يحاربوا الكتب التي تعلم السحر والتنجيم، وأن يتلفوها أينما كانت. هذا هو الواجب، ولا يجوز لطالب العلم ولا غيره أن يقرأها أو يتعلم ما فيها، وغير طالب العلم كذلك ليس له أن يقرأها ولا أن يتعلم مما فيها، ولا أن يقرها؛ لأنها تفضي إلى الكفر بالله، فالواجب إتلافها أينما كانت.

انا مكنتش بقراء الكتاب ده عشان عاوزة اتعلم السحر انا كنت عاوزه اثبت للناس كلها وقبلها نفسي ان

الجا جات دي كلها بتبقي كلام فارغ و ليس له اي اساس من الصحه

و انا مقتنعتش بالكلام الي فيه اطلاقا ولا حقتنع طول عمري بحاجات زي دي

و دي كانت اول مرة اقرء فيها متاب زي ده و اخر مره قريت فيها كتاب زي ده

و الحمد لله انا محافظة علي صلاتي و عارفة ربنا كويس والحمد لله

و شكرا علي نصيحتك الغالية اخي الفاضل

و شكرا علي مرورك العطر يا فندم

[عبد الله الرفاعي]

بارك الله فيكى أختى الفاضلة وزادك ثباتا ولكن بالنسبة لموضوع المس والالتباس من الجن فالحق تبارك وتعالى تكلم عن الذى يأكل الربا "كالذى يتخبطه الشيطان من المس " فمس الشيطان للإنسان ثابت ووارد منهم من وصف هذا المس بأنه الوساوس الشيطانيه ومنهم من وصف المس بأنه التباس الجنى لجسد الانسان أى حلوله فيه وفسروه كالتالى :
الجن مخلوق من النار وهى مادة خفيفة شفافة ودرجة الشفافيه فى عنصر مادة خلق الجن تجعلنا لا نراهم
أما الجنس البشرى فهو مصنوع من مادة طينية ثقيلة
فيستطيع الشفاف أن يحل بمادته فى المادة الثقيلة ويلتبس بها كما نقول فى لغتنا الدرارجة دا ركبه عفريت
وشبهه البعض عندما تضعى بعض من الماء (مادة شفافة) فى كوب به رمل (مادة ثقيلة) فمالذى يحدث ..............؟
إن الرمل هذه المادة الثقيلة تقوم بامتصاص الماء وهى المادة الشفافة .
ويبقى أن نقول أن الجن لا يسكن إلا البيوت الخربه والقلوب والنفوس تخرب كما تخرب البيوت وعمارها هو قراءة القرآن فمن نقول أنهم يلتبسهم الجن لو كان هذا صحيحا فما التبسهم الجن إلا لخراب قلوبهم ونفوسهم
دمت بخير وبارك الله فيك.

[Mr.Hani]

اقرأى قصة الملكين هاروت وماروت وانت تدركى ماهية السحر يا استاذة

[samar saad]

اكيد السحر مذكور فالقرأن وحاجه كلنا واثقين منها
لكن الحقيقة انا اول مرة اسمع عن الحكاية دى

[مريم عمر عادل]

المشاركة الأصلية كتبت بواسطة عبد الله الرفاعي

بارك الله فيكى أختى الفاضلة وزادك ثباتا ولكن بالنسبة لموضوع المس والالتباس من الجن فالحق تبارك وتعالى تكلم عن الذى يأكل الربا "كالذى يتخبطه الشيطان من المس " فمس الشيطان للإنسان ثابت ووارد منهم من وصف هذا المس بأنه الوساوس الشيطانيه ومنهم من وصف المس بأنه التباس الجنى لجسد الانسان أى حلوله فيه وفسروه كالتالى :
الجن مخلوق من النار وهى مادة خفيفة شفافة ودرجة الشفافيه فى عنصر مادة خلق الجن تجعلنا لا نراهم
أما الجنس البشرى فهو مصنوع من مادة طينية ثقيلة
فيستطيع الشفاف أن يحل بمادته فى المادة الثقيلة ويلتبس بها كما نقول فى لغتنا الدرارجة دا ركبه عفريت
وشبهه البعض عندما تضعى بعض من الماء (مادة شفافة) فى كوب به رمل (مادة ثقيلة) فمالذى يحدث ..............؟
إن الرمل هذه المادة الثقيلة تقوم بامتصاص الماء وهى المادة الشفافة .
ويبقى أن نقول أن الجن لا يسكن إلا البيوت الخربه والقلوب والنفوس تخرب كما تخرب البيوت وعمارها هو قراءة القرآن فمن نقول أنهم يلتبسهم الجن لو كان هذا صحيحا فما التبسهم الجن إلا لخراب قلوبهم ونفوسهم
دمت بخير وبارك الله فيك.

انا عن نفسي مش مقتنعة ابدا بالمس

الان الجن اقوام زينا مسلمين في منهم الكويس و في منهم العاصي

و لو كان المس ده صحيح يبقا ده ظلم الانسان و ربنا عمره ماكان ظالم

و اغلبها بتبقا امراض نفسية مع اقتناع الواحد بحكاية المس دي بيحصل كده

يعني مثلا كان في واحد مره بيقولوا انه عنده مس و كل ما يجو يطلعوه عند الشيخ

و يبتدي الشيخ يتكلم معاه و يقولة بتاذية ليه يقول اصلوا بني ادم و حش و معرفش ايه

و لما تيجي تكلم مع الشخص ده تلقية مقتنع فعلا من جواه انه شخص وحش

يعني هو من جواه عقلة الباطن هو الي بيعمل في نفسة كده و بياذي نفسه

زي الامراض النفسية الي المريض فيها بيحاول يجرح نفسه بحاجة او ياذي نفسه عشان هو كاره نفسة

مع اقتناع الشخص ده بالموضوع المس بيحاول عن طريق عقلة الباطن يبين انه ممسوس عشان هو انسان وحش

يعني عمرنا ما حنلقي واحد مش مقتنع بالموضوع ده و عنده فعلا مس


و شكرا علي مرورك حضرتك الكريم يافندم