امتحان فى مستوى الطالب الحمار !!!!!!

[salvazero]

بسم الله الرحمن الرحيم

النهاردة هون الفرنساوى شوية على اللى حصل فى التفاضل لانى بصراحة كنت لسة متأثر بس الحمد لله الامتحان بحق ربنا سهل فعلا سهل وواضح واسهل من السنة اللى فاتت يعنى نحمد ربنا واعتقد ان الشكوى فردية لان الامتحان محطوط للمزاكرين بس وفى النهاية الامتحان فى مستوى الطالب الحمار فى نظرى شاركونى الرأى .

[ابراهيم حافظ]

..........الامتحاااااااااااااااااان فعلالالا سهل وفى مستووووى الطالب المتوسط بس الحمااااااااااااااار حماااااار

[salvazero]

ههههههههههه شكرا على ردك الحلو

[Dr.Salma]

لا يا اخى الامتحان ملعوب فيه جامد
بس انت اكيد في نقط كتير مش واخد بالك منها
يا ريت تراجع الامتحان مع استاذك كويس وبعدين احكم ؟؟؟

[ممدوح الملاى]

الامتحان سهل جدااااااااااااااااااااااااااااااااااااااااااااااا

[هشام عبدالمنعم]

لاالامحتان سهل جداً

[salvazero]

المشاركة الأصلية كتبت بواسطة ملكة الشرق

لا يا اخى الامتحان ملعوب فيه جامد
بس انت اكيد في نقط كتير مش واخد بالك منها
يا ريت تراجع الامتحان مع استاذك كويس وبعدين احكم ؟؟؟

نموزج الاجابة اللى فى الموقع حليت زيو بالظبط وعلى كل حال مش انا بس اللى بقول سهل ده الكل الامتحان سهل فعلا

[kmy2008]

ازاى حمار و مذاكر فى نفس الوقت !!!
الامتحان عا يز طالب مذاكر كويس ومن اول السنة ومن الورق الاصلى ومش من مذكرة التوقعات .....اقصد مذكرة ليلة الامتحان!!!!

[Mo'MeN 1]

كل اللى بيقول الامتحان سهل جدا ده....هيجيب درجة عادية .....طبعا الامتحان متوسط بنسبة مية فى المية ولا صعب ولا سهل.....ومش مرتبطة باى نموذج اجابة فى اى حتة....اللى بيصححوا ليهم تصحيح اخر لكل ورقة....انت سيبها لربنا وهو يحلها.....

[Rien]

امتحان دون المستوى !!
مكانش باقى غير انهم يحطوا نموذج الاجابة
ومسيو خالد معاك حق الامتحان للطالب اللى مذاكر من اول السنة مش من مذكرة توقعات
لانه بالرغم من انه خرج برا كل التوقعات بس الاسئلة كلها سهلة جدا ومش فيها اى حاجة صعبة الحمد لله (( نفس اللى حصل ف العربى ))
ودى احلى حاجة عشان حسستنا بقيمة التعب بتاع طول السنة
وفرقت بين اللى بيذاكر طول السنة واللى بيقرا ليلة الامتحان
الحمد لله بس كان ممكن مستوى الامتحان يكون اعلى شوية وبردو كان هايبقى مقبول
والحوار اللى كان ف الامتحان موجود ف كتاب المدرسة اللى ماحدش بيبص فيه ولا انا بصراحة :D
بس انا كنت عملته مع المسيو ف الفصل
وموضوع طلب الوظيفة ده سهل اوىى الحمد لله انا كتبت الاتنين
---
فيه حاجة بقى لسة قارياها دلوقتى حالا من الجمهورية
---
الإسكندرية مجدي زعتر:
أكد معظم طلاب الثانوية العامة "المرحلة الأولي" بالإسكندرية أن أسئلة مادة اللغة الفرنسية جاءت للطالب المتوسط.
قال فتح الله مصطفي وعمرو عاطف من مدرسة العقول المستنيرة وحسام طارق من مدرسة حسن عباس حلمي وآية متولي ودينا رجب من رابعة العدوية أن الامتحان في مجمله جيد باستثناء سؤال الوثيقة خاصة في جزء أكمل الذي كان محتاجاً لتفكير طويل وكذلك سؤال ماذا تعبر الجمل حيث تضمنت بعض الجمل الغامضة.. ولم يوضح عماذا تعبر.
أشار حسام حسن ومحمود السيد وأحمد عيد ووليد أحمد ومحمد سامي وعبدالله عبدالعال إلي أن أغلب الاسئلة جاء أعلي من الطالب المتوسط.
---
بيهزروا مش كدة :D:D ؟؟!!

[bendari]

إلي السادة الأفاضل
لا تنسوا أننا أمام منهج يدرس لمده سنتين فقط والطالب غير مطالب بمثل هذه الأمور المختلف عليها
أنا عندي رأي أرجوا الجميع المشاركة
لابد أن نطالب بتغير منهج اللغة الفرنسيه
ألا تعلموا أننا أمام منهج منذ عام 1990 هل هذا يعقل ؟
أما الإنجليزي تغير حوالي 6 مرات
أرجوا من المنتدي أن يطرح هذه الفكرة للتصويت

[OssO_92]

فعلا الامتحان سهل جدا بالنسبة لامتحان السنة اللي فاتت اللي كان "مدعكة للطلبة"
عشان انا كنت مرعوب جدا .. ومدي للفرنساوي اكتر من حقه
وانا ما غلطتش غير في اخر واحدة في ماذا تعبر .. عملتها "joie" .. مش عارف بقى ها يعملوها صح ولا ايه
بس طبعا الحمد لله .. انا كنت مدي لنفسي اني انقص 5 درجات في الفرنساوي
وصدق الله عز وجل حينما قال " ان الله لا يضيع اجر من احسن عملا"
بس بلاش كلمة "حمار" يا salvazero لأن اللي ها يقرا كدا ها يحس ان الامتحان هايف لدرجة ان اللي مش مزاكر حاجة يخش يقفله ..
ودا طبعا مش صحيح
ومشكوووووور ع الموضوع

[OssO_92]

المشاركة الأصلية كتبت بواسطة bendari

إلي السادة الأفاضل
لا تنسوا أننا أمام منهج يدرس لمده سنتين فقط والطالب غير مطالب بمثل هذه الأمور المختلف عليها
أنا عندي رأي أرجوا الجميع المشاركة
لابد أن نطالب بتغير منهج اللغة الفرنسيه
ألا تعلموا أننا أمام منهج منذ عام 1990 هل هذا يعقل ؟
أما الإنجليزي تغير حوالي 6 مرات
أرجوا من المنتدي أن يطرح هذه الفكرة للتصويت

ما تقلقش يا bandari ..
معظم المدرسين قالولي أن دي آخر سنة لمنهج en francais aussi
والسنة الجاية ها يحطو منهج جديد .. للدفعة اللي زودوا عليها ستة ابتدائي