اول ايام لجنة الكويت بمصر؟

[mando2free]

عايزين نعرف من الاخوة والاخوات اللى كان عندهم امتحان النهاردة :
ماذا تم وكيفية الامتحان(نوعية الاسءلة)؟
هل فية فرصة تانية لمن لم يقدم من قبل؟
كيفية التقديم (ان قبلو طلبات جديدة)؟

وترجعوا يارب كلكم موفقين
وشكرا

[m.medhat ramadan]

ياريت فعلااااااااا التعاون مع يعضنا البعض

[prof76]

السلام عليكم ورحمة الله وبركاته
انا هقولكم اخر الاخبار نقلا عن عن بعض الاخوة
اولا فعلا اللجنة بدات النهاردة فى المقابلات لبعض المواد وفعلا اتصلت بناس من اللى كانوا مقدمين على المسابقة اللى نزلت فى اخر شهر 12 ومن التخصصات دى الفرنساوى - الانجليزى- الاحياء-رياضيات(اناث)
وفى تخصصات لسة مبدأوش فيها زى الديكور والتربية البدنية والموسيقى وبالنسبة بقى لتقديم الورق للناس اللى مش قدمت فى شهر 12 فى تخصصات قبلوا منهم الورق خارج المقابلة ودى اللى فيها عجز او ناس مقدمة قليل تقريبا زى الفرنساوى والاحياء لكن باقى التخصصات زى الانجليزى والرياضيات اكتفوا بالكشوف اللى معاهم اصلا ..............
ارجو انى اكون قدرت افيدكوا وربنا يوفقكوا كلكوا يارب وييسرلكوا كل عسير يارب

[المحب49]

ربنا يوفق الجميع

[محمدحلاوية]

ممكن حديعرفنا نوعية الاسئلة في الرياضيات

[ابو المازن]

انا قدمت فى المسابقة ومحدش اتصل بيا تخصص احياء اعمل اية افيدونى وامتى اخر لجنة الاختيار محدش معاة تليفون نستفسر منة

[بحراوية من دمنهور]

المشاركة الأصلية كتبت بواسطة prof76

السلام عليكم ورحمة الله وبركاته
انا هقولكم اخر الاخبار نقلا عن عن بعض الاخوة
اولا فعلا اللجنة بدات النهاردة فى المقابلات لبعض المواد وفعلا اتصلت بناس من اللى كانوا مقدمين على المسابقة اللى نزلت فى اخر شهر 12 ومن التخصصات دى الفرنساوى - الانجليزى- الاحياء-رياضيات(اناث)
وفى تخصصات لسة مبدأوش فيها زى الديكور والتربية البدنية والموسيقى وبالنسبة بقى لتقديم الورق للناس اللى مش قدمت فى شهر 12 فى تخصصات قبلوا منهم الورق خارج المقابلة ودى اللى فيها عجز او ناس مقدمة قليل تقريبا زى الفرنساوى والاحياء لكن باقى التخصصات زى الانجليزى والرياضيات اكتفوا بالكشوف اللى معاهم اصلا ..............
ارجو انى اكون قدرت افيدكوا وربنا يوفقكوا كلكوا يارب وييسرلكوا كل عسير يارب

انا بعت اوراقى فى شهر 1 ويارب تكون وصلت لانهم متصلوش لحد الان وياريت للى عارف رقم السفارة يقولوهلنا جزاه الله كل خير وشكرا على اى اخبار مفيدة ويارب التوفيق للجميع

[مسيو محمود تهامى]

انا تخصصى فرنسى لوسمحتوا حد يفدنى لو انا ذهبت الى السفارة الكويتية غدا ممكن يقبلونى ولا ايه وايه هو عنوان السفارة وايه الاوراق المطلوبة حد يفدنى وجزاكم الله خيرا

[مصطفى محمود خلف]

يا مسيو محمود هم ممكن يقابلوك وخد معاك أوراقك وهيقوموا بتسجيل اسمك عندهم فى ناس سجلت أسماءه وقدموا امبارح قدام عيني والله العطظيم هذا ما أقولو لك صحيح هتاخد معاك صور شخصية صورتين او صورة وشهادة الكلية وشهادة الخبرة وكشف درجات الأربع سنين فى الكلية مكتوب فيه أسماء المواد بالدرجات وشهادة الميلاد وصورة جواز السفر وصورة البطاقة يعنى كل حاجة بس بالله عليك شوف اسمىهناك أنا اسمى حمدى المتولى وامتحنت امبارح وسمعت ان اسمى اتعلق هناك امام باب العقودات بالله عليك لاتنسى ياصاحبى

[مصطفى محمود خلف]

فندق سفير فى الدقى فى ميان المساحة بجوار بيتزا هت وماكدونالز اركب المترو وانزل الدقى هو جمب محطة المترو بحوالى 200او300متر وبالتوفيق

[مسيو محمود تهامى]

ميرسى جدا يا مسيو مصطفى وان شاء الله انا هروح بكره واسالك على اسمك وان شاء الله خير
بس فيه مشكلة عندى ان جواز السفر مجاهز هو وشهاده الخبرة ممكن ياخدوا منىالورقالموجود وبعد يومين اكمل الباقى

[مهند؟]

اريد ان اعرف كم سيكون المرتب الشهرى بعد ضم المده اساسى 241
دفعة 2005

[esaac_yousef]

ياجماعة الى يقدر يروح هناك مباشرة يكون افضل وربنا يوفق الجميع

[esaac_yousef]

العنوان فندق سفير بميدان المساحة بالدقى وخدوا اوراقكم فى بعض التخصصات بيخدوا منهم الورق هناك وبيقابلوهم والله الموفق

[منى عربى]

يا جماعه نفسى اعرف بيقبلوا اوراق الحاسب الالى اناث ولا لا يا ريت حد يسالى ويرد علينا فى المنتدى ضرورى وجزاكم الله كل خير على التعاون الجميل