خايف من السنة الجاية

[That Moment]

اهلا بكم اخوتى الاعضاء

انا حاليا فى 2 ثانوى والسنة تقريبا خلصت وده معناه اقتراب السنة المصيرية 3 ثانوى وخايف من حاجات كتير السنة الجاية منها.

1- انا محتار ادخل علمى علوم ولا علمى رياضة فأنا مش بحب الاحياء وفى نفس الوقت الرياضة 2 مش متخيل انى ادرسها اصلا ولكن الصراحة انا حلم حياتى طب او صيدلة وخايف انى ادخل علمى علوم واجيب مجموع ميدخلنيش طب او صيدلة فى حين انه من الممكن يدخلنى هندسه لأن بتبقى فرصة دخول الطب او الصيدلة ضعيفة لكن فى العلمى رياضة بتكون الفرصة اكبر لدخول هندسة لأن تنسيقها اقل شوية ولكن زى ماقلتلكم انا نفسى فى طب او صيدلة وخايف من الموضوع ده.

2-اما المشكلة التانية اللى خايف منها السنة الجاية الامتحانات........ يعنى حاليا ان رغم انى لسه مدخلتش 3 ثانوى لكن كل مابتخيل نفسى فى امتحانات الثانوية العامة برتجف وقلبى بيقف من الخوف فلو انا دلوقتى خايف كده امال لما اروح السنة الجاية وامتحن حعمل ايه؟ الحاجات اللى بخاف منها لحظة الامتحانات هى مثلا انى انسى سؤال انا عارفه او ارتبك واكتب اجابة سؤال مكان التانى او اكتب اجابة غلط من غير قصد واضطر اشخبط او اكتب اجابة فى سؤال سهل واطلع من اللجنة اكتشف انى غلطت فيه وادى نفسى ب100 جزمة واقول ازاى اغلط فيه؟ (ملحوظة:بتحصل معايا كتير) وخايف انى مثلا الاقى معظم الاسئلة صعبة فأنهار او ممكن اصحى متأخر ويفوتنى الامتحان وهى دى الافكار اللى بتخلينى خايف من السنة الجاية وخايف كمان ان ده يؤثر على مذاكرتى واقعد افكر فيه كل شوية .

3- اما اخر حاجة محيرانى هى لما اذاكر المادة هل اذاكرها من مذكرات الاستاذ؟ طيب مش ممكن ييجى فى الامتحان سؤال ميكونش فى ورق الاستاذ بتاعى؟ فياريت الناس المجربة تقوللى لما اذاكر مثلا الادب فى اللغة العربية هل اذاكر ال س و ج من ورق الاستاذ ولاقراها من الكتاب بعدين اذاكر من ورق الاستاذ ؟



اسف لاطالتى .... تحياتى

[مريم السباعى.]

السلام عليكم ورحمة الله وبركاته
بص يسيدى اولا نورت المنتدى بين اخوتك وان شاء الله السنة الجاية تكون سنة جميلة يارب
اليك بعض الحاجات الى ان شاء الله ممكن تفيدك بحكم تجربتى يعنى
اولا بعغض النظر عن النظام السنة الجاية حيكون ازاى فى المواد وكدة
ففى حاجت عامة عايزك تاخد باللك منها
(اولا,>>>>مموضوع انك تخاف تغلط او تنسى ولا الكلام دة فعايزة اقوللك الموضوع دة اولا هو نصيب يعنى لو قدرك تغلط فى حاجاة بتغلط بس عن تجربة والله لو تاعب ومذاكر بجد ربنا مش حيضعيك0وتجربة صغيرة انا كنت مذاكرة الاحياءكويس قوى والفزياء برضه بس مش زى الاحياء ومع ذللك بعد محليك امتحان الفزياء قلت دة حيتقفل الامتحان مياه وحليت الاحياء قلت لو نجحت نعمة ورضا ومع ذللك جبت فى الاحياة اعلى من الفزياء قليت تقريبا درجة ونصف درجتين فى امتحان لو نجحت فى قلت كويس بس عشان تعبت فيها ربنا كافئنى بتعبى !!) يعنى انت اهم شئ تعمل الى عليك و الرهبة دى حتقل على قد محتحل امتحنات كتير بالورقة والقلم كل متحل مسائل وامتحانات اكتر كل ما الحاجات دى تقل اكتر)

ثانيا>>>>>> بنسبة لعلمى ولا ادبى
اولا موضوع نسبة تدخل الكلية ضعيفة ولالا اركنه على جنب دلوقتى اهم شئ شوف المواد الى تقدر تذاكرها كويس الاول
بتقول العلمى مشكلتك الاحياء طب هل انت شفتها قريتها ؟! حاول اقرى تانى براحة او حتى روح عند اى مدس وخلى يديلك فكرة عن المنهج وشوف
وبنسبة لرياضة 2 ليه مش متخيل انك تدرسها مع ان فى رئى الرياضة دى متعه سؤاء 1 او اتنين محتاجة بس يكون حد حببها بجد ومدرس شاطر
ولازم تسال نفسك سؤال مهم هل لو دخلت هندسة حبقا مش مبسوط او او مش راكبة عليا ولا عادى بس صيدلة افضل؟
لان ناس كتير دخلو هندسة وندمو علفكرة او صديله وندمو لانهم كانو دخلينها كدة عشان اسمها كليات قمة لكن مش عن حب ولا رغبة فمنجحوش فيها بقدر المطلوب وبتالى اثر على شغلهم
اسال نفسك وشوف لو لا انت مش حببها خالص وحاسس مش راكبة عليك يبقى انسها وكرز فى علمى لا كان الجواب التانى يبقى استخير ربنا كدة واعمل الى قلته فوق وحاول شوف اى مدرس فى مادة الاحياء والرياضة يعقد معاك انش اء الله بفلوس يديلك فكرة عن المنهج وخط سيره ماشى ازاى

ثالثا >>>> حاجة مهمة جدااااااااااااا
ياريت لو اى مادة مستواك واقع فيها زى الانجليزى لازم تشتغل على نفسك جامد جدااااااااااااا فى الصيف قواعد وكلمات ترجمة كويس قوى ونحو العربى ولو حتدخل علمى رياضةشوف نفسك برضه فى الرياضة 1 ورجعها لان الرياضة تراكمية

رابعاواخيرا>>> لازم تعرف وتكون على يقيقن ان الثانوى شم صعب كمواد لا صعب لان التوتر الى الطلاب واهليهم والناس حطينهم فى بيهول الموضوع فهم شئ تتعامل مع الموضوع بهدوء اعصاب وحزم فى نفس ا
واهم شئ
التنظييييييييييييييييييييييييييييييييييييييييييييي يييييييييييم
نظم ورق الشرح اول باول ومواعيد الحصص ايه الى لخصته ازول باول غياب من حصة مستحيل
وتاجيل مذكرة مستحيل خلص مذاكرة وهيص لكن اياك فى الثانوى تاجل مذاكرة حصة وحدة بس
وايك تتهاون فى موضوع تاجيل دة تضيع والايام حتعدى بيك وتلاقى نفسك هوب الامتحان كمان شهر وانت فى الضياع
استعين بالله جدا واجتنب المعاصى فى السنادى بذات لان الشيطان مش حيسيبك مرة مخنوق من المذاكرة مرة مش طايق مرة مش عارف ايه اهمشئ قبل متدخل تذاكر حط شنطة دة بره فيها كل الخنقة وكل الضيق الشغل شغل
الينك دة حتلاقى فى موضعات هايلة للمذاكرة متجمعة من هنا فى المنتدى اتمنى تطلع عليها
http://www.thanwya.com/vb/showthread.php?t=471761

اسفة على اطالتى بس اتمنى اكون افدتك وربنا يوفقكم يارب واحنا تحت امركم فى اى شئ

[amir alromansia]

شكرا كتير يا اخت مريم
الموضوع فادنى كتيير
لان يعتبر انا نفس المشكلة بردوا
جزاكى الله خيرا

[That Moment]

الف شكر انت ادتينى دفعة معنوية كبيرة

[مريم السباعى.]

المشاركة الأصلية كتبت بواسطة amir alromansia

شكرا كتير يا اخت مريم
الموضوع فادنى كتيير
لان يعتبر انا نفس المشكلة بردوا
جزاكى الله خيرا

المشاركة الأصلية كتبت بواسطة that moment

الف شكر انت ادتينى دفعة معنوية كبيرة

ربنا يبارك فيكم ومفيش داعى لشكر انتو اخوتنا وياما احنا كتبنا هنا وكنا قلقنين برضه بس انشءا الله تعدى السنادى بسلام وتحقوقوا كل الى تتمنوه يارب واحنا تحت امركم فى اى شئ