|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
12-08-2014, 04:00 PM
|
|||
|
|||
افضل طريقة لمذاكرة العربي للحصول علي اعلي درجة
بسم الله الرحمن الرحيم
تكملة للسلسلة البسيطة المتواضعة اللي بحاول اعملها عشان افيد الناس بتجربتي في الثانوية العامة الموضوع ده هيكون عن مادة العربي  المادة اللي طلعت عين الطلبة كلهم عشان كبيرة جدا ومبتتذاكرش  بس بأذن الله الموضوع ده هيلخصلكوا المشاكل وحلها في العربي نبدأ بأول سؤال في الامتحان وهو التعبير انا عايزك من دلوقت لحد يوم الامتحان تكتب حوالي 5-10 مواضيع من نفسك تختارهم من امتحانات السنين السابقة عشان تاخد اعلي درجة لازم تبقي الورقتين والا التلاتة اللي هتكتب فيهم الموضوع منظمين اولا : الافكار- علي الاقل 7,8 افكار عشان تاخد درجة الافكار(3 تقريبا علي ما اتذكر) ثانيا الموضوع: هيتقسم علي فقرات كل فقرة بتبدي من ربع الصفحة وتنتهي في اخر ربع يعني هنسيب مسافة شوية قبل مانبدأ كل فقرة نحط نقطة في اخر كل فقرة نحاول نخلي الافكار مترتبة ومنظمة علي قد مانقدر حط ايات واستشهادات من ابيات شعر او امثلة انت حافظها علي قد ماتقدر ابدأ بخاتمة من تأليفك انت تهيأ بيها للموضوع بتاعك (ماتحفظش اي خاتمة ابدا ابدا ابدا  )يعني لو عن التعليم اكتب اهميته عن الصحة اكتب حكمتين تبدأ بيهم وهكذا عايزك تحافظ علي قواعد الاملاء علي قد ماتقدر علامات تنصيص لازم في الامثلة والاستشهادات فواصل بين الجمل نقطتين فوق بعض بعد كل كلمة قال في الاحاديث وبأذن الله تضمن انك ماتنقصش اكتر من درجة او نص في التعبير (نادرا نادرا نادرا ان حد يقفل التعبير وبتبقي حظوظ - لان ماحدش معصوم من الخطأ) بالنسبة للتعبير الابداعي المدرس هيقولك تعمل ايه وبأذن الله درجته مضمونة بنسبة 100% فامتقلقش ثانيا : تاني سؤال وهو القصة والقراءة ازاي تذاكرهم ؟ بالنسبة للقراءة اقرأ الدرس مرتين اول مرة سريعة وتاني مرة بتمهل شوية وبعدين حل اسئل اسئلة اسئلة لحد شهر 4 (بعد كده هقولك هتعمل ايه بعدين ماتقلقش  )فيه اسئلة بتبقي اجابتها غير منطقية او اسئلة تحس انها برة الدرس او ملهاش اجابة ماتقلقش هيا كده عشان كده بقولك حل اسئلة لان المذاكرة في القراءة بالذات حاجه والحل حاجه تانية بالنسبة للقصة : تعتمد علي الحفظ بنسبة 99% مش مهم فيها الحل اوي بقدر انك تحفظ كويس وتعرف بيسأل فين بالظبط ركز علي الفصل ال9 في الجزء الاول كويس جدا وركز علي اخر فصلين في الجزء التاني كويس اوي ماشوفتش امتحان ماجاش منهم اسئلة تقريبا حاول تحفظلك كام حاجه من اللي بيقولهم عشان لازم تكتبهم في الاجابة زي مثلا ( هل كان متكلفا ام كان صادقا؟ كان متكلفا وصادقا معا) يعني بعض تعبيراته عشان تضمن الدرجة ماتنساش معاني الكلمات كتير جدا بس معلش مهمة جدا والمشكلة لما بتيجي اختياري بيبقي كل الاختيارات صح بنسبة كبيرة جدا وواحدة بس هيا اللي تناسب السياق بنسبة اكبر من الباقيين لو نسيت الاجابة حاول تألف اجابة تناسب السياق وتناسب شخصية طه حسين ومتنساش بعض تعبيراته عشان تبقي مقنع (  )مثلا: صف حال امه عند وفاة اخته ؟ (كانت جزعة وكانت فزعة احست الثكل وحزنت جدا لفراقها بشدة ) حاجه زي كده (واهو نص العمي والا العمي كله )ثالثا:الادب اسوأ فرع في العربي بمعني الكلمة لانه كل كلمة فيه حفظ لازم لازم تحفظ الادب من الاول ماتسيبهوش يومين من غير ماتفتحه هتنساه اكيد حاول تفرق بين المتشابهات بين المدارس وخواصها فيه حاجات مشتركة وفيه حاجات مختلفة اوعي تحاول تلخصه مابيتلخصش لان كل كلمة فيه حفظ الابيات احفظ اول بيت من مجموعة الابيات الاستشهاد اللي بتبقي تحت الخواص وظروف النشأة وما الي ذلك اهم حاجه تحفظ كل كلمة بعد كلمة "لأن" او "بسبب" لان بيسأل فيها دايما اخترع اسئلة وانت بتذاكر الدرس عشان هوا هيخترعلك اسئلة واجابتها عندك وانت مش حاسس مهم جدا جدا جدا تذاكره من كتاب المدرسة وبأذن الله ماتقلقش بس ماتسيبوش يومين تلاتة من غير ماتفتحه رابعا البلاغة: بالنسبالي اسهل فروع العربي تخلص كلها في حصتين ويمكن حصة واحدة بس لازم تقرأ الابيات اللي مديهالك وتكون فاهمها كويس جدا جدا جدا قبل ماتجاوب اي حاجه هيجيبلك سؤال من القديم (طلع محسن بديعي او لون بياني ) وهيجيبلك سؤال من الجديد اجابتها كلها واحدة زي مثلا الموسيقي الداخلية : هتقوله علي طول بدون تفكير نابعة من حسن اختيار الالفاظ وروعة التصوير والخيال والمحسنات البديعية مثل الجناس (اديله مثال) التصريع (اديله اول بيت لو فيه ) وهكذا الوجدان والافكار وكده وهيجيبلك سؤال ايحاء يعني يجيبلك كلمة ويقولك توحي بأيه حاول تشوف معناها ايه والشاعر يقصد ايه بمعناها ده وبيرمي لايه مثلا "الموج عالي" ويقولك بماذا توحي كلمة "عالي".؟ في الحالة دي هشوف ايه السياق اللي اتقالت فيه الكلمة وبترمي لايه مثلا ممكن يكون بيتكلم عن المصاعب اللي بتواجه الانسان (زي السنة بتاعتي 2014) ساعتها هقوله يوحي بشدة المصاعب هافترض ان فيه كلمة ماعرفتش اجيب ايحاؤها خالص اعمل ايه؟ بص بسيطة هنكتبلة توحي بشدة + شعور الشاعر ومعني الكلمة يعني مثلا الشاعر حزين هكتبله شدة الحزن فرحان شدة الفرح وهكذا وبأذن الله تاخد درجتها او نصها علي الاقل في اسوأ الاحوال خامسا النصوص: اهم حاجه في النص التعليق والمعاني احفظ تعليق النص اول بأول وركز فيه لان لازم بنسبة 100% هيجيب سؤال فيه مواطن الجمال معظمها انت بتبقي عارف تطلعها من كتر ماتعودت علي الحاجات دي طباق جناس تصريع الكلام ده كله محفوظ وماتضيعش وقتك فيه عايزك تفتح النص طلع المواطن الجمالية اللي فيه علي قد ماتقدر وبعدين ابتدي بص علي مواطن الجمال اللي تلاقي نفسك ماطلعتوش او حليته غلط ده اللي تحفظة وتذاكره اما الباقي ماتضيعش وقتك فيه النصوص كتير وطويلة ومتعبة جدا ركزوا فيها كويس جدا وبالذات في الايحائات عشان الرخامة بتبقي فيها بالنسبة لسؤال مواطن الجمال لانه برضه لازم يجيبلك ايحاء بنسبة 100%في اي نص سادسا النحو : في اول السنة عايزك تحل بنسبة 80% وتذاكره بنسبة 20% لحد شهر 5 هتراجع القواعد اللي حضرتك المفروض ملخصها بعكس النسبة يعني 20% حل و 80% مذاكرة ومراجعة علي القواعد عشان بتتنسي وبأذن الله هتقفلوه بسهولة فيه قواعد كتير مابتبقاش في كتاب المدرسة او الخارجي او اي كتاب المفروض المدرس بتاعك يكون جايبلك القواعد دي زي مثلا بخاصة وخصوصا والحاجات دي تعرب ايه وما بعدها ايه ثم وثمة ايه ومابعدهم يعرب ايه ؟ وهكذا لو فيه اي استفسار انا موجود ويارب ماكونش نسيت اي حاجه فيه انا كنت بذاكر من كتاب الاضواء كتاب محترم وحلو جدا وانصحكوا برضه بكتاب الامتحان شرح اما مراجعة عليكوا وعلي كتاب المعلم ضروري ضروري ضروري لانه فيه كل الامتحانات السابقة من 2001 تقريبا دور اول وتاني بتوزيعة الدرجات بالاجابات النموذجية وممتاز جدا بس مراجعة مش شرح اشوفكوا بخير ان شاء الله في الموضوع الجاي  وبالمناسبة انا جبت 76/80 في العربي الحمد لله (ماعرفش ليه؟ مع اني معنديش غير نص درجة في معني كلمة ) بس مافرقتش معايا عشان كنت واثق بنسبة 100% اني هخش الكلية اللي حاببها بأذن الله
__________________
فيسبوكي :D 
|
|
#2
12-08-2014, 04:09 PM
|
||||
|
||||
|
جزاك الله خيرااااااااااااا
__________________
أكبـــر نجــآح يمكــنك أن تحققـــه هو ان تعيــــش العــمر متفـــآئــل!
|
|
#3
12-08-2014, 05:14 PM
|
|||
|
|||
|
جزاااااااك الله كل خير علي النصايح التحفه دي
انا بس عندي استفسار صغير.....ازااااااااي بتكتب 3 صفحات تعبير نجيب الكلام دا كله ازااااااي؟؟؟؟؟ وانت قولت اقتباس:
واخر حاجة بقي .....انت كنت شادد علي نفسك في المذاكرة في اول السنه ولا ايه ؟؟؟ عشان انا خايفه ابدأ جامد واتعب اخر السنه
__________________
مليش غيـــر ربــي ~
|
|
#4
12-08-2014, 05:47 PM
|
|||
|
|||
|
اقتباس:
انا عن نفسي كتبت تقريبا صفحة ونص الحكاية ان كتر الاستشهادات بتريحك وكمان انك تصيغيها بطريقة تخلي الكلام يبقي كتير زي طه حسين كده لما بيوصف حاجات ملهاش لزمة في نص صفحة واه نسيت الفقرات في التعبير ماتعديش اربع خمس سطور في شهر اربعة بعد نصه كده هنبطل حل هنراجع بس قراءة قراءة وهكذا لحد نص خمسة اسلوب المذاكرة في كل المواد بيتغير بيبقي عبارة عن قراءة سريعة بالعين في كل المواد اي حل في الفترة دي او كتابة بالايد تضيع وقت وهيضيعك اخر حاجه برضه انا كنت شادد كويس جدا في شهر ١٠-١١-١٢ وبعدين رخيت في ١-٢-٣ ورجعت شديت تاني في ٤ وخمسة شديت جامد جدا نصيحة ماتخليش نفسك في اي حاجه وماتعملهاش وفي نفس الوقت ذاكري كويس جدا
__________________
فيسبوكي :D
|
|
#5
12-08-2014, 06:21 PM
|
||||
|
||||
|
مشكوووووووور خيو
__________________
|
|
#6
14-08-2014, 09:14 PM
|
|||
|
|||
|
اقتباس:
بس عندى استفساار صغير فى القصة المفرووض اذاكر المداخل الضرورية والمقدمة وكلمة المؤلف و لا ادخل على الفصل الاول علطول ؟؟
__________________
آلَسِـعٌآدٍة فُـيِ مًکْآنِيِنِ ” ،،، قُلَبًٌ قُآنِعٌ بًآلَعٌطِآء وٌَ نِفُـسِـٌ مًطِمًئنِة بًآلَقُضًـآء
|
|
#7
14-08-2014, 09:38 PM
|
||||
|
||||
|
شكرا يا بش مهندس ع النصايح
|
|
#8
15-08-2014, 11:18 AM
|
|||
|
|||
|
اقتباس:
هيا ماجاتش قبل كده في والا امتحان بس المدرس بتاعي كان كاتب كام سؤال منها في الملزمة بتاعته ذاكري الجزء اللي هوا بتاع المداخل الضرورية بس وماتذاكيرهوش اوي لان الحاجات دي عمرها ماجت وركزي كويس في القصة
__________________
فيسبوكي :D
|
|
#9
15-08-2014, 09:10 PM
|
||||
|
||||
|
شكرااااااااااااااااااااااااااااا
جزاك الله كل خير
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:52 PM.
