خبر محزن لكل معلمى المواد الفلسفية

[مستر محمود فتحى سليمان]

قد علمت من مصادر موثوق منها من داخل وزارة التربية والتعليم انهم سوف يدمجون مادتى علم النفس والفلسفة فى كتاب واحد وستكون مادة واحدة يدرسها مدرسين المادتين وليس مادتين منفصلين وهذا يدل على مدى تهميش هذة المواد وهذا تهميش ايضا لنا كمدرسين مواد فلسفية أرجوا التأكد من ذلك
: angry:

[alijandro]

مين قالك كدا ؟
اصلا في النظام الجديد المادة اتقسمت .. يعني 2 ثانوي بياخدوا فلسفة ومنطق في سنة وحدة نصف الترم الاول فلسفة والنصف الثاني علم نفس بالتبادل ... دا غير ان منهجي علم النفس والفلسفة صعب يندمجوا الا اذا حصل تغيرات كبيره في المنهج .

[mode moon]

ده انتصار كبير للعلم لان المادتين المفروض يتلغوا خالص من التعليم في التوقيت ده في البلد
مرة واحدة اتكلموا الحق وابعدوا عن السبوبة واكل العيش
وبلاش منطق التفكشية ده البلد بتمر بمرحلة صعبة ... اتقوا الله

[مستر محمود فتحى سليمان]

الاستاذ الى بيقول المفروض المادتين يتلغوا من التعليم انا مش هاقدر ارد عليك لان ممكن ردى يبقى فية غلط بس اللى سيادتك متعرفهوش ان مادة علم النفس فى البلاد المتقدمة اساسيةوفى كل المراحل لانهم مش جاهلين اهمية علم النفس زيك طالما ما تعرفشى اية هو علم النفس واهميته اية ياريت تسكت ومتفتيش
بالنسبة للفلسفة لو انت شايف انها ملهاش لازمة اقدر اقولك انت تيجى اية جنب سقراط او افلاطزن او ارسطو علشان هما ياكدوا الفلسفة ويتعبوا فبها وانت تيجى تقول مالهاش لزمة
اتقى ربنا انت واسكت طالما مش عارف ومن قال لا اعرف فقد افتى

[أ/ تامر صفوت]

اولآ جميعآ نحترم الرأي والرأي الاخر دون غلط في اي شخص
غير ان القرار هذا ليس صحيح ولا اكيد حتي الان
واتمني ان توصل رايك بدرجة اقل حده يا mode moon

[محمد فسوكة]

يا استاذي الفاضل انت مبسوط اوي بالغاء المواد الفلسفية / لازم تعرف ان الاديب نجيب محفوظ حاصل علي ليسانس اداب قسم الفلسفة/ وانتي بتقول تتلغي

[محمد فسوكة]

ومع خالص احترامي دا هزيمة للعلم بس يمكن انتصار لبعض العقول الضعيفة

[محمد رضوان علي]

أكدت* ‬وزارة التربية والتعليم أنه لن يتم زيادة عدد مواد الثانوية العامة الي* ‬9* ‬مواد* . ‬وأوضح د*. ‬محمد السروجي المتحدث باسم الوزارة أنه تم اقرار النظام الجديد للثانوية العامة الذي سيطبق علي الملتحقين بالصف الثالث الثانوي العام القادم* ‬2014*/‬2013* ‬ويضم* ‬6* ‬مواد في كل شعبة مقسمة كالتالي*. ‬ثلاث مواد اساسية لكل الشعب وهي* (‬العربي والانجليزي واللغة الأجنبية الثانية* ‬،* ‬وثلاث مواد تخصصية في شعبة العلمي علوم وهي* (‬الكيمياء والفيزياء والأحياء*) ‬وفي شعبة العلمي رياضة يدرس الطلاب* ‬3* ‬مواد تخصصية وهي* (‬الكيمياء والفيزياء والرياضة* ‬2*) . ‬وفي الشعبة الأدبية يدرس الطلاب جغرافيا وتاريخ ويختار الطلاب المادة الثالثة التخصصية من بين مادتي علم النفس او الفلسفة والمنطق*. ‬وأكد السروجي انه لن يتم احتساب أعمال سنة في مجموع هذه المواد* . ‬وأضاف انه تقرر ألا تضاف مادتا الاقتصاد والاحصاء والجيولوجيا الي المجموع علي ان يقوم الطلاب بامتحانها في المدرسة نهاية العام بعيدا عن امتحانات الثانوية العامة* . ‬وقد تظاهر العشرات من طلاب الثانوية العامة امام الوزارة امس* ‬اعتراضا علي النظام الجديد*.‬

[احمد عصام 125]

الى السيد مستر محمود فتحي ايران اول حاجة عملتها عشان تقوي من تعليمها انها الغت المادتين دول وقوت من الرياضيات والفيزياء عشان تنتج علماء وبعدين هي بتفكر ترجع المواد ده الى التعليم مرة اخرى

[مستر محمود فتحى سليمان]

لا تعليق
دى وجهة نظرك بس لو انت شايف كدا يبقى يقفلوا اقسام علم النفس والفلسفة من كليات التربية والاداب بالمرة والحاج محمد مرسى يتنازل عن الدكتوراة الفخرية اللى واخدها فى الفلسفة وبعد كدا يلغوها من المدارس

[وسام*]

فهو بالفعل محزن ونرجو ألا يتحقق بالفعل
لأن ليس كل من يحب أن يدرس الفلسفة يقبل علم النفس والعكس
وهناك الكثير ممن كانوا فى القسم العلمى يفضلون اختيار مادة علم النفس كمادة أدبية بدلاً من الفلسفة

إن من درس الفلسفة علم أهميتها وفائدتها ولمس ذلك فى طريقة نظرته للأمور وغيرها

بالنهاية لا يمكن أن نقلل من شأن أى علوم من العلوم ويجب احترامها جميعاً

[مستر محمود فتحى سليمان]

ربنا يباركلك ياوسام