جزاء من يمنع الغش

[سعيد حلمى]

كنت مراقب اليوم فى لجنة اللغة العربيه فى الشهادة الابتدائية فى مدينة السنطة
وكنت مانع الغش فى اللجنة ولكن مدرس موجود فى المعهد كل شويه يدخل ويوصينى على الطلاب ويجيب ورقة محلول فيها الاسئلة وانا ارفض ويطلع من الجنة وكل شويه يدخل ويحاول وانا ارفض لحد مايأس منى راح لوكيل اللجنة ووكيل اللجنة جالى اللجنة وحاول معايا وانا رفضت راح متعصب عليا وقالى تعالى معايا بره اللجنة فانا رفضت رايح مزعق وجايب بديل وقال لمساعد اللجنة دا خلية احتياطى فمنعا للمشاكل مساعد اللجنة حطنى احتياطى على طول والاسم الوحيد الى اتحط فى دفتر الملاحظة للجنة بكره انا ومحطوط احتياطى مش عارف اعمل ايه

[محمد على عبد النعيم]

مية مية ارتاح من وجع الدماغ

[أ/مصطفى محمود]

زي الفل كبر دماغك
انت عملت الصح لكن ماذا تفعل ان كان الغش منتشر كانتشار النار في الهشيم ليس في المعاهد
بل في عقول معظم شيوخ معاهد الازهر و وكلائه و نظاره بل و مدرسيه ، لا تعجب كثيرا فمن شب على شئ شاب عليه....الا من رحم ربي منهم و للأسف هم قلة في بحر لجي
عموما ...استمر على ما انت عليه عسى ان تربي نشأ ً جديدا ييعتز بثقته في نفسه..
هل تعلم عزيزي أن المادة الوحيدة التي لا تغشش في معهدي هي مادتي بفضل الله ..و يبحثون عني كل عام و لا يجدوني..

[سارة عبودة]

اثبت على ماانت عليه
بارك الله فيك وفى امثالك

[الكلاوى]

جزاك الله خيرا
اثبت علي موقفك
ان شاء الله الازهر هينضف من امثال هؤلاء

[العشرى1020]

بارك الله فيك واكثر من امثالك

[الفيلسوف]

حضرتك حاولت تغيير المنكر بيدك ولكنك فشلت فالمطلوب الآن تغييره بقلبك
ربنا يوفقك

[حسام صالح اسماعيل]

انت ياعزيزى على حق وهم على باطل فى زمن اصبح فيه الحق باطلا والباطل حقا
اعرف يا اخى انك تعانى الامرين من اجل منع الغش وما يسببه لك من ضغوط واحراجات تتهاوى امامها الجبال فنحن نعانى مثلك وهذا اسوأ ما فى الامتحانات وكويس ان هم ما اخلوا لك من اللجنه بحجة اثارة القلق فى اللجنة وما الى ذلك من حجج ودواعى لا اساس لها من الصحة وحسبنا الله ونعم الوكيل

[الأستاذ أحمد راشد]

السلام عليكم

أخى الفاضل لا يحق لأى أحد مهما كان ان يخرجك من اللجنة

ولو دى حصل بكل بساطة أطلب انه يخرجك رسمى

يعنى اية يكتب فى حضرتك مذكرة ويثبت فيها سبب اجراجك من اللجنة

وبكل بساطه خذ صورة من الشكوى وارفعها للتفتيش سيتم الضغط عليك بل سيصل الامر الى تهديدك

التزم الصمت وقول انت متمسك بالمذكرة

هتتحول للشؤون القانونية

لاحظ ان اى مذكرة فى الامتحانات لا يتم التحقيق فيها الا من الشؤون القانونية

يعنى مايجيش اتنين او تلاته من المنطقة ويمارسوا عليك اى ضغط

لما يجى هى حد غير الشؤون القانونية
قوله انت مش جهة تحقيق

ولا تتكلم معاهم ولا ترد على اى سؤال

طب ياعمنا الشؤون القانونية هطبخ الموضوع

عادى جدا
لو لم يستقر قلبك للمحقق من حقك الامتناع عن الاجابة بس لازم تحضر

وقوله حول المذكر للنيابة الادارية

وهناك ما بعرفوش وكيل وزارة من عامل العلطان هيتجازى

طلع وكيل النيابة معاهم

عادى جدا

بعد حفظ التحقيق اشتكى وكيل النيابة فى التفيش على النيابات

وهتاخد حقك

اه نسيت أقولك ان مذكرتك دى ممكن تاخد فى حدود سنه

فى ظل التأخير المتعمد من البعض

لا تيأس فانت على الحق

تحياتى

[mahmoud gabra]

بس دى اسمها بجاحة من اداريي المعهد اللى انت فيه ، والمفروض تخوف رئيس لجنتك وتهدده بينك وبينه بانك مش هتسكت هتلاقيه اتغير معاك تماما ، وحاول برضه مع زمايلك انكم تشدوا فى اللجان والابتسامه تملى وجوهكم وتبقوا فاكين خالص
انا النهارده العيال مخدوش كلمه واللى فى المعهد كانو مستغربين ان العيال مبسوطين فى اللجنه وفاكرينى مضبطهم هههههه وعلى فكرة اللجنه كلها حلت وكل ده بسبب حسن المعامله والابتسامه مع الجميع

[الجعدور]

اعمل فاكس للشيخ جعفر واشرح فيه ماحدث والمفروض لو انت عملت شغب او اثارة للطلاب فى اللجنة كان عمل مذكرة بذلك عشان يمنعك من اداء عملك ويهدر المال العام حيث انك ستأخذ أجر دون عمل وحسبى الله ونعم الوكيل

[sakr_isis]

وحسبى الله ونعم الوكيل

[rambo3]

ربنا معاك
وحسبى الله ونعم الوكيل فى زبانية الغش

[سعيد حلمى]

انا من اول ماشتغلت فى الازهر اشتغلت فى 4 معاهد 3 منهم دخلت فيهم لجنة واحده بس لحد مايعرفو ان انا مش بغشش
على طول يخلونى احتياطى فأنا واخد على كدة الواحد بيزعل اكتر من الناس الى بتحاول تتكلم معايا وعايزه تقنعنى ان انا الى غلط وهما الى صح وصلت لدرجة ان الادريات فى معهد فتيات وقفوا قدام اللجنة يدعو عليا حارام عليك وانتا ربنا ................ كلام كتير من ده والواحد حاس انه مكروه فى مكان عملة بس الحمد الله بحاول اثبت على المبدأ وربنا يعنا على كده

[محمودقنديل]

كبر دماغ يا كبير تولع