نصيحة ياجماعة أنا هتعاقد مع مدرسة فى قطر

[مصطفى محمود خلف]

بالله عليكم ياجماعة ماذا تنصحونى أنا هتعاقد ان شاء الله مع مدرسة فى قطر التابع لاحدى المكاتب التى تعمل فى مصر التعاقد على3500ريال قطرى مع العلم ان السكن على حساب المدرسة وتذاكر الطيران على حساب المدرسة وممكن أدى دروس اضافية فى نفس المدرسة يعنى لى ساعة اضافية والراتب كل عام بيزيد وانا دفعت 5000الاف ج للمكتب مع العلم ان بعد ما أوصل قطر وأشتغل ادفع كمان 2000ج بس يعنى السفرية كلها حوالى7الاف بتزكؤة الطيران بكله فما رأيكم وهى مدرسة خاصة وأنا مدرس فرنساوى حاصل على تقديرجيد جدا مع مرتبة الشرف الرابع على الدفعة 2007تفهنا الأشراف ميت غمر جامعة الأزهر

[Hassaan EL-NAKIB]

ممكن الله يكرمك إسم المكتب ده او عنوانه او رقم تليفونه الله يكرمك؟

[متعاقدون أزهريون]

ياريت اسم المكتب ورقم التليفون لو سمحت وجزاك الله خيرا

[محمدومعاذ]

ربنا يوفقك من الاخر كده احسن حاجة فى الموضوع ان السكن على المدرسة لان السكن للاعزب فى قطر يتراوح ما بين 1200 الى 1500 ريال قطرى وده السكن اللى احنا بنقول عليه معقول الى حد ما اما عن مستوى المعيشة والاكل والشرب فانتى مش هتصرف اقل من 2000 ريال لو انت معتدل فى انفاقك ومش مدخن يعنى هيتبقى معاك اخر الشهر 1500 ريال يعنى حوالى 2800 جنيه مصرى وموضوع الدروس ده ارزاق شوف انت بقى غربتك تساوى 2800 جنيه واطرح منهم المرتب اللى انت بتاخده هنا واذا كانت تساوى كده توكل على الله معلومة اخيرة المفروض ما حدش يسافر قطر للعمل كمدرس باقل من 12000 ريال شهريا

[أحمدمحمدالحفناوى]

المشاركة الأصلية كتبت بواسطة محمدومعاذ

ربنا يوفقك من الاخر كده احسن حاجة فى الموضوع ان السكن على المدرسة لان السكن للاعزب فى قطر يتراوح ما بين 1200 الى 1500 ريال قطرى وده السكن اللى احنا بنقول عليه معقول الى حد ما اما عن مستوى المعيشة والاكل والشرب فانتى مش هتصرف اقل من 2000 ريال لو انت معتدل فى انفاقك ومش مدخن يعنى هيتبقى معاك اخر الشهر 1500 ريال يعنى حوالى 2800 جنيه مصرى وموضوع الدروس ده ارزاق شوف انت بقى غربتك تساوى 2800 جنيه واطرح منهم المرتب اللى انت بتاخده هنا واذا كانت تساوى كده توكل على الله معلومة اخيرة المفروض ما حدش يسافر قطر للعمل كمدرس باقل من 12000 ريال شهريا

بارك الله فيك يا أستاذنا

[ركن الدين]

انا ان شاء الله كلمنونا ع مقابلة غدا لمدارس فى قطر ع الكلام ده الاحسن انى محضرش المقابلة

[محمدومعاذ]

لا يا اخى احضر المقابلة ولكن تفاوض معاهم وانا متأكد انهم لو لقيوا انك فاهم الوضع صح وهو ان مستوى المعيشة هناك مرتفع جدا جدا ممكن يوافقوا على شروطك ولو ما وافقوش انت مش خسران حاجة وكمان انا عايز انبه على شئ مهم جدا فى قطـــر وهو ان الدروس محرمة وصعب انك تعطى دروس

[باسم أبو فارس]

المشاركة الأصلية كتبت بواسطة محمدومعاذ

ربنا يوفقك من الاخر كده احسن حاجة فى الموضوع ان السكن على المدرسة لان السكن للاعزب فى قطر يتراوح ما بين 1200 الى 1500 ريال قطرى وده السكن اللى احنا بنقول عليه معقول الى حد ما اما عن مستوى المعيشة والاكل والشرب فانتى مش هتصرف اقل من 2000 ريال لو انت معتدل فى انفاقك ومش مدخن يعنى هيتبقى معاك اخر الشهر 1500 ريال يعنى حوالى 2800 جنيه مصرى وموضوع الدروس ده ارزاق شوف انت بقى غربتك تساوى 2800 جنيه واطرح منهم المرتب اللى انت بتاخده هنا واذا كانت تساوى كده توكل على الله معلومة اخيرة المفروض ما حدش يسافر قطر للعمل كمدرس باقل من 12000 ريال شهريا

كلامك سليم 100% وهو أدرى بظروفه يحسبها كويس بالورقة والقلم في حالة سفره وفي حالة عدم سفره ويقارن فكل شخص أعلم بظروفه

[باسم أبو فارس]

على فكرة المدارس المستقلة في قطر بتعلن عن احتياجاتها في الجرائد
ومرتباتها احيانا تصل إلى 15000 ريال

[m.m.m.m]

نتمنى نعرف طبيعة المقابلة والامتحانات منك تقريبا حضرتك بتتكلم عن مقابلات مكتب العنود وهل هي شركه موثوق فيها افيدونا يا اهل الرأي

[أ/ هشام العيسوى]

بالنسبة لما اعرفه فراتب 3500 ريال فى قطر قليل جدا لان مستوى المعيشة هناك مرتفع
وربنا يوفقك للصواب

[m.medhat ramadan]

بالتوفيق يااستاذ مصطفى ان شاء الله
هل هذا عمل لك مقابلة وامتحانات وخلافه ام كان التعاقد مباشر

[مصطفى محمود خلف]

التعاقد مباشرة من غير مقابلة

[عبده44]

المكتب ايه وايه عنوانه يا استاذ مصطفي

[ليل وشوق ونجوم]

توكل على الله زميلى العزيز وكما قال الامام الشافعى رحمه الله ( سافر تجد عوضا عما فارقت )
والدنيا تجارب وبأى حال هناك أحسن من هنا على الاقل للى فى مثل ظروفك العمرية.. وبالتوفيق ان شاء الله