علمي علوم و لا علمي رياضة ؟؟؟

[keko123]

علمي علوم و لا علمي رياضة ؟؟؟ انا تعبت من كتر التفكير ,,, اختارت علمي علوم و في ناس قالتلي انت بتجازف و الأحياء صعبة في حفظها ( مع إني بحب الاحياء ) و قولت أختار رياضة 2 علشان أسهل بالنسبة لي , بس أنا نفسي أطلع طبيب و خايف أخش علمي علوم و ملحقش طب ,,,,, والله تعبت من كتر التفكير مش عارف أعمل ايه ,,,,, بعد لما شوفت التنسيق السنة اللي فاتت جالي إحباااط ,,,


الخلاصة : أنا بحب الأحياء بس الرياضة 2 أسهل ,,, أعمل ايه ؟؟

[EyadOsa]

ومين قالك إن الاحياء صعبة الجزء بتاع تالتة سهل جداً....وعلى العكس رياضة 2 صعبة جداً وامتحاناتها اصعب....ده غير ان التنسيق حينزل كتير السنة الجاية

[manio]

الموضوع أنا كماان حيراااان ييه خصوصا بعد النظام الجديد !!!!!!

[*تائبة فى رحاب الله*]

انا العكس بقى بحب الرياضيات جدا
بس هخش علمى علوم باذن الله وربنا يوفقنا
بس بيتهيالى نصلى استخآرة وربنا هيقدم اللى فيه الخير ان شاء الله

[EyadOsa]

المشاركة الأصلية كتبت بواسطة *تائبة فى رحاب الله*

انا العكس بقى بحب الرياضيات جدا
بس هخش علمى علوم باذن الله وربنا يوفقنا
بس بيتهيالى نصلى استخآرة وربنا هيقدم اللى فيه الخير ان شاء الله

.
.
.
وأنا زيك يا أختي والله بعشق الرياضيات ....بس مش شايف نفسي كمهندس وحلمي أكون دكتور

[عمرالبطاوى]

علمي رياضة وبس الرياضة دي مادة المتعة مش حفظ وصم زي الاحياء مع اني عارف ان رياضة 2 صعبة لكن ربنا يسترها معانا

[نسمة علاء الدين]

والله انا شاطرة و الحمد لله وباعمال السنة والدروس مش في كل المواد جبت 104 من 112 ومحتارة انا بعشق الرياضة 2 وعقدتي رياضة واحد يعني مثلاً قفلت الميكانيكا ونقصت نص في التفاضل وحساب المثلثات الحمد لله ونقصت في الجبر 1.75 بقى عندي احباط نوعاً ما وكنت خايفة ومتوترة انا بدرس الميكانيكا بس ربنا ستر وقلت خلاص علمي رياضة ونفسي اكون مهندسة ان شاء الله وعندي 16 شهادة في علوم الكمبيوتر والنت اول اما شوفت رياضة واحد الترم التاني كرهت نفسي والدنيا كلها وعجبتني الاحياء وقررت ان ادخل احياء ويا عيون يا صيدلة ولكن اهلي رفضوا وقالوا علمي رياضة لان احياء اصعب من رياضة2 وقالوا ان زمان اللي كان يفشل وعايز علمي يبقى رياضة واللي مجموعة عالي يدخل علوم فانا محتارة وعايزة اللي يفدني اعمل ايه وياريت تقولولي الكليات المتاحة من الشعبتين وكمان ايه اللي هندرسة في 3 ثانوي نظام جديد وربنا يكركمكوا

[man fanan]

ربنا يستر و نعدى على خير

[a7md elgad3]

علووووووووووووووووووم اساحبي

[عثاميثوا]

انا حيراااااااااااااان فى نفس المشكله

[mezo net]

مفيش أجمل من الرياضيات أنا هدخلها أن شاء الله

[Bent el pope]

انا من راى انكم تشوفوا اللى انتوا عايزينه واللى هتقدروا عليه لان انا لا حظت ان كلام الناس هو اللى بيحكمكم وده اكبر غلط وانتوا لو حطيتوا هدف قدامكم ومصمم عليه مستحيل حد هيقدر يوقفك او حتى يخليك عاجز على انك تعمل اللى نفسك فيه وصلى لربنا وارمى حملك عليه وهو مستحيل هيسيبك

ربنا معااااااااااااااكوا

[Bassant222]

انا عموما سديت ودنى عن كل اللى بيخوفونى واخترت حلمى اللى مش هتخلى عنه ومقررة من زمان انى رياضة ولسة لحد دلوقتى الحمد لله مفيش حاجة قدرت تحبطنى
الاحياء سهلة فى 3 ثانوى جدا التكاثر لذيذ وخدنا اغلبه فى 3 اعدادى واولى ثانوى هو بس بتوسع حبتين والدعامة والحركة حلو بردو هو فيه شوية حفظ بس مش صعب والباب التانى بتاع علم الوراثة ده بقى تحفه وكله فهم وتشغيل مخ وبردو خدنا جزء كبير منه فى تالتة
انا لما سلمونى كتاب الاحياء سنتين افتكرت ان ده مقرر علينا فتالتة فذاكرتهم لوحدى لحد ما اكتشفت انهم مش علينا يعنى لانى مكنتش باخد درس ومش بروح المدرسة وصدقنى الاحياء حلوة جدا متخافش منها
انت اختار اللى بتحبه وعندك هدف فيه عشان يبقى عندك دافع انما الرياضة مش سهلةة زى ما انت متخيل محتاجة حد عنده هدف انه يدخل هندسة ووهيشد فيها انما انت مش هتقدر تذاكر عشان هندسة وانت نفسك فى طلية طب فاختار اللى بتحبه وادخل علوم وسيبك من الكلام
اصلا التنسيق هينزل باذن الله وافتكر ان اللى دخلو طب مش احسن منك فحاجة ولا عقلهم وقدراتهم مش عندك ربنا خلقلك امكانيات زى ما خقلهم بالظبط فقوى ايمانك بربنا واستعين بيه وان شاء الله خير

[هدير الشرقاوى]

انا عندى نفس المشكله و نفسى ادخل هندسه بس بجد خايفه من الميكانيكا و كل الناس بتقول ان رياضه 2 صعبه فى الاسئله لكن الاحياء اسهل والله مش عارفه اخد قرار

[amir alromansia]

انا عندى مشكلة مش عارف احلها اذاى
انا بحب مذاكرة الرياضة وبعشقها بس مش ضامنها
والاحياء بتخنق من الحفظ بس حاسس لو داخلتها هضمنها بس انا بتخنق بسرعة