كيف تم تسريب اسئلة اللغة الانجليزية

[potta]

من والواقع المر اللى انا شايفة فى لجنة ديارب نجم " مدرسة انور السادات الثانوية العسكرية " كل طالب كان معاه اكتر من محمول بيسلمك واحد و انت فى اللجنة وبعد ساعه يقعد يعيط زى العيال الصغيرة ويعمل مشاكل داخل اللجنة وعاويز يروح دورة المياة وعرف سؤال الترجمة وغيرة طبعا كل طالب متفق مع مدرس انجليزى قريبة بقى ولا كان بياخد عنده درس او متطوع مش مشكلتى وهو فى دورة المياه يبلغ المدرس بالسؤال وياخد الاجابة ويطلع اللجنة زى الفل . مش كده وبس لقينا شوية شباب واقفين على اسطح المنازل الملاصق للجنة وجايبين ورقه كرتون كاتبين عليها بخط كبير اجابة الترجمة وزى الدش المتحرك بيلف يمينا ويسارا على عينك يا تاجر واخير البطيخة اتحركت" رئيس اللجنة " من مكانها بعد ما شافت المنظر ده وقالت للأمن اتحركوا قال الامن معنديش اوامر اخش بيوت الناس ودى الحلقه الثانية من مسلسل مهزلة الثانوية العامة . و الى حلقة قادمة بإذن الله تابعونا على موقع الثانوية العامة