أوشك البركان علي الأنفجار !!!

SoulAssass1n · #1 30-06-2008, 06:36 PM

يعني من الاخر الوزاره عباقره و طلبه الثانويه مبيفهموش حاجه و طالما ان الاقتصاد ممكن يعوض الاحصا .. يبقي الطالب يغور فستين داهيه .. كل طلبه المدرسه اللي امتحنت فيها محدش حل حاجه .. يعني من الاخر .. المخطط اللي عيزينو يتنفذ فينا هيتنفذ ..
الاهالي المطحونه و غلاء في كل مكان و الدروس الخصوصيه اللي طاحنه الاهالي و اسلوب التسبيط و طمر القدرات الللي في الطلبه لازم يتنفذ .. امال ناخد المعونه منين ؟ امال نفضل مطاطييت طول عمرنا ازاي ؟ المطلوب مننا اننا نفضل ساكتين و نستحمل طول حياتنا ؟ الشعب زي البركان .. خامد خامد بس في يوم هيجي مش هيعرفوا يسيطروا عليه!! طول ما احنا ساكتين طول ما هيتعمل فينا اكتر و اكتر .. مصر ترتيب مستوي التعليم فيها ال 500 علي العالم .. يعني مش ال 50 ولا ال 100 .. احنا بيتنفذ فينا مخططات الغرب .. يهدموا قدراتنا و يهدموا امالنا .. باإضافه للظروف اللي زي الطين اللي محدش قادر يسايرها .. بالإضافه للسرقه و النصب اللي انتشر في البلد .. هو المفروض ان احنا نسلم للواقع يعني ؟ الكلام مش عن مواد معينه النظام بيدمر فيها الطلبه .. بس الكلام عن اسلوب منظم في تدمير الطلبه .. و تدمير مجتمعاتنا .. عشان نسمح لاصحاب المعونات يتحكموا فينا .. انا طالب في الثانويه العامه .. ايقنت ان العمليه كلها لعب في لعب .. الكبار بيلعبوا بالصغار .. لازم تبيع ضميرك عشان توصل , بس ان شاء الله مش دا الطريق اللي ناوي امشي فيه.. بس المهم هم عايزين سمعه ابناء البلد تروح فين بعد كده ؟ فعلا حرام !! حرام اللي بيعملوه فينا .. الطلبه ابناء اصحاب الجاه ليهم كل الصلاحيات .. و الطالب اللي اهله عاديين المفروض يموت نفسه عشان يبقي حاجه و الطالب اللي اهله فقرا لازم يموت لانه عمره ما هيوصل لحاجه و ان وصل .. مجهوده هيتسرق .. يعني من الاخر النظام كله عباره عن قتل بطيء لنا ..
لاكن تطبيق نظام يشجع القدرات .. مش مسموح بيه .. يعني خليتو الواحد يكره البلد اللي اتولد فيه .. ممكن مش البلد بالظبت لاكن الواحد ضجر من النظام الحالي .. و قريب قريب جدا البركان هينفجر .. و ساعتها صاحب المعونه هيتدخل عشان يهدي الوضع .. بما ان النظام مش قادر يدير البلد بصوره صحيحه و لان الشعب كله رافضه .. و خطه من " النيل إلي الفرات " فعلا هتطبق لاكن لصالح " اكبر قوه رأس ماليه في العالم"و مفهوم اللي اقصده .. العرب كسالي .. العرب مصالحهم الشخصيه فوق الجميع .. العرب مبيحبوش غير نفسهم .. اخرتنا فين!!!

Ra2oF · #2 30-06-2008, 08:09 PM

سؤال بسألوا لنفسي كل مرة انا نفسي اسأل مبارك سؤال ::: هو ليه محاولش يطور و كان هيعمل الملاين العايزها ::: ليه مبيقناش زي اليابان الاضربت بقنبلة نووية و احنا كنا بخير و هما فاقوا و بقوا من الشمال المتقدم ::: ليه محاولش يطور :: ربنا كارمو ببلد مليانة بالخيرات و شعب من احسن شعوب العالم :::::::::: بس هنقول ايه غير حسبي الله و نعم الوكيل ::: و علي العموم بعد التنسيق لو مجاميع علمي رياضة منزلتش اكتر من 2 % بجد المفروض نعمل حاجة :::::: شكراا لك

gonog · #3 30-06-2008, 08:40 PM

اعتصام...أعتصام

Ra2oF · #4 30-06-2008, 08:47 PM

, و انا موافق ده انا اروح ابات تحت وزارة التربية و التعليم او عند المحافظة :::::::::::::::::@@:@:@:@: هي سييبة

الاستاذ على الدين يحيى · #5 30-06-2008, 09:30 PM

من داخل لجان التصحيح
الوزير كلامه فى وادى والتصحيح فى وادى آخر . وكله بيضحك على كله

SoulAssass1n · #6 30-06-2008, 11:31 PM

و الله هي اللعبه اللي عايزين يطبقوها علينا .. كل الناس حاسين بالأزمه .. بس محدش بيتكلم .. لقمه العيش اللي خلوها اقصي آمال الشعب هي السر ..يفضلوا ضاربين الشعب علي راسه و عمره ما يفوق .. و هم بالاسلوب دا بيلهوا الشعب عن القضيه الاصليه اللي المفروض يفكر فيه و عشان يحققوا اهدافهم ..جعلوا اشباع الحاجات الاوليه صعب عشان منطالبش او نفكر في الحاجات الثانويه و نفضل مطحونين .. اما حصل كلام عن إضراب هددوا الناس .. لان الناس بتخاف علي نفسها .. كلهم راحوا الشغل و نسوا ان هم كلهم لو كانوا يد واحده .. مكانوش هيقدروا يتخذوا اي إجراء معاهم .. الاضافه اللي ضافوها لمرتبات الموظفين الحكوميين عملتلهم ايه ؟! 50 جنيه ولا 80 جنيه .. هيعملولهم ايه مع غلاء في كل حاجه !! و الله الشعب المصري شعب طيب .. بس فعلا مبيعرش ازاي يبقي يد واحده في مواجه اي موقف .. او مبيعرفش طرق التغيير .. لقمه العيش اقصي آمالاه .. للاسف .. مبيعرفش يطلب حقه !!
ابتسموا !!!!! مصر ارض الديموقراطيه .. لك ان تفخر !!!! عبر عن رأيك زي ما انت عايز لان محدش هيسمعك .. بس لو جيت ناحيه حد من الاولياء " حاول تفهم " هتتنقل علي طول لجنه تحت الارض .. ترتاح فيها راحه الملوك .. و لك ان تتخيل ... " اعتقد كلكم فاهمين ايه اللي اقصده ...
مصر عايزه ايه من ابناءها ؟!!