لا حول ولا قوة الا بالله

[ḂařĦồḿa]

بسم الله الرحمن الرحيم

انا طالب فى 3 ثانوى و كنت جايب فى 2 ثانوى 91.46 و دخلت علمى رياضه و قولت هشد حيلى لما جبت النتيجه لقيتها 88.78 فى السنتين بشوف الدرجات لقيت الرياضه 48 و الفيزياء 49 و الانجليزى 24.5 و العربى 21 مع العلم ان انا مش شاطر فى العربى فا كنت حاططلوا درجات المستوى و علم النفس 29 من 50 انا هيجيلى سكته قلبيه انا مستقبلى ضاع بسبب حتة مادة معفنه و لا ليها اى لازمه و بسال ناسس جايبه 98 و انا بكون اعلى منهم فى الفيزياء و الرياضه انا دلوقتى ندمان انى مخدتش اقتصاد و احصاء شوفتوا حرقة الدم اللى انا فيها و كده انا هخش هندسسة خاصه بس انا فعلا مستوايه مش وحش فى المواد العلميه مع العلم ان انا مستوى رياضه و جبت 10

[yumi salem]

لا حول ولا قوة الا بالله
فعلا مستواك حلو اوى فى المواد العلمية
قدر الله و ما شاء فعل و اكيد اللى هتدخلوا فيه الخير ليك

[Esam Sami2013]

لآ حول ولا قوة الا بالله

الاقتصاد والاحصاء عندنا كلنا قفلناه

ربنا يوفقك يارب

[ḂařĦồḿa]

الحمد لله على كل شئ انا مقتنع ان طالما ان تعبت ربنا مش هيضيع تعبى و ممكن اتفوق فى هندسه خاصه و اعرف اتعامل بسس اقسم بالله انا مستوايا اعلى من ناس كتير فى هندسه و اهو ادينى مدخلتش بسبب ماده ملهاش لازمه خالص فى هندسه فا انا معزور انى اخش خاصه عشان انا عارف زمايلى اللى فى حكومه مضايقين من خاصه بس حط نفسك مكانى

[*moon*]

قدر الله وماشاء فعل
ممكن تعمل تظلم ف العربى وعلم النفس لو ممكن يكون ليك فيهم درجات
وربنا ييسرلك اللى فيه الخير

[N E X T]

حسبى الله و نعم الوكيل
علم النفس ضيع منى طب

[zanzona]

فعلا درجات علم النفس السنة دى وحشة
بس اعمل تظلم مقارنة بباقى الدرجات اكيد ده مش مستواك

[ḂařĦồḿa]

ان شاء الله هعمل و ربنا يسهل

[صعب اديك الامان]

قول الحمد لله على كل حال دا نصيب

[eng ahmed nassar]

انت محسسنى ان الخاص وحش يا بنى انا كنت جايب 94.1 وكنت جايب هندسة طاقة وحولت لهندسة العاشر لانه افضل من الحكومى ميت مرة

[shikoreta ahmed]

ياجماعه معلش كنت عاوزه اعرف معاد تقديم التظلمات امتا بظبط

[احمد على2013]

توجهى للمديرية التابعة لها لمعرفة رقم الحساب اللى هتسددى فى رسوم التظلم ثم تعطى الايصال فى شئون الطلبة المديرية وهيعطوكى طلب مطبوع تكتبى فيه بياناتك والمواد اللى هتتظلمى فيها وهيحددوا لكى يوم تذهبى فيه الى الكنترول اللى تابع ليكى للاطلاع على صورة من ورق الاجابة وكتابة ملاحظاتك على التصحيح لانى السنة اللى فاتت عملت تظلم وهى دى الاجراءات

[اسراء سمير00]

اكيد خير ان شاء الله
الحمد لله علي كل حال
" ان الله لايضيع اجر من احسن عملا "
توكل علي الله وسبها علي ربنا
محدش عارف الخير فين

[ehabelsapa]

دا بسبب التعليم الفاشل

روح يبنى واتكل على الله وخش خاص ودا قدرك بقى وقول الحمد لله

[ḂařĦồḿa]

شكراا يا جماعه ليكوا و انا شكلى هقدم فى جامعة مصر للعلوم و التكنولوجيا بس لسه هشوف الالمانيه اد ايه مصاريفها يعنى هتبقى ليا اكتر من 33 الف ولا ايه و هشوف كده لكن والدى بيقولى ابعد عن المعاهد و الاكاديميات عشان فى بلدنا ديه تفرق اوى كلمة جامعه عن كلمة معهد و ربنا يقدم اللى فيه الخير