لا للظلم و الرأسمالية

[لا للظلم]

دلوقتى يا جماعة فى موضوع مهم جدا
احنا بيتلعب بينا من الحكومة فى التنسيق ازاى
-أولا نسبة النجاح السنة دى قلت صح ؟
-ثانيا المجاميع السنة دى قلت عن السنة اللى فاتت؟
ازاى بقى المجاميع السنة دى أزيد من السنة اللى فاتت و بنسبة كبيــرة
-دلوقتى مسئولين وزارة التربية و التعليم و التعليم العالى بيستغلوا حالة غياب الرقابة اللى شغالة فى البلد دلوقتى و إن الناس مشغولة فى الأحداث
فيعملوا ايه بقى عشان يشغلوا الجامعات الخاصة و ياخدوا نسبهم يقوموا مقللين أعداد المقبولين فى الكليات قال ايه عشان الجودة و يقوموا ماليين الجامعات الخاصة أكتر من طاقتها كمان هههههههه عشان الجودة برده
بينشروا الأعداد المقبولة على أنها نفس أرقام السنة اللى قبليها عشان
و أنا هحكيلكوا قصة حقيقة أنا فى كلية من كليات القمة باعتراف الدكاترة عندنا إن أعداد الدفعات الجديدة بقى حوالى 650 طالب مع العلم أن دفعتى كانت حوالى 1600 ده غير 400 من ***يات تانية و الذى منه كنا 2000 يعنى العدد بقى الربع فى ظرف 4 سنين.
أنا اللى لفت نظرى أن الجرايد كلها كانت بتقول المجاميع هتقل من 2 ل 4 %
بس صدمت انهاردة لما لقيتها زادت
و ده بيكشفلكوا القصة كلها أن الجرايد كانت بتحسب على الأعداد القديمة و اللى الحكومة علناها دلوقتى
يا جماعة احنا بنتعرض لحملة تزوير من الطراز الأول هدفها تشغيل الجامعات الخاصة
و للأسف إن الحكومة مش هدفها تقليل الأعداد عشان الجودة ده عشان يقللوا التكلفة و ياخدوا عمولات من الخاص. أنا صعبان بس عليا اخويا و بقية جيله اللى بيجبروهم يروحوا الخاص اللى مصاريفه دلوقتى بكل بجاحة ممكن توصل 55 ألف جنيه فى السنة و فى الآخر ايه النتيجة؟؟؟؟؟؟

[kimo antimoo]

فعلا هذا الكلام صحيح وحسبنا الله ونعم الوكيل

[dr\villa]

انت متأكد انك في كليه قمه ؟

اولا تقليل الاعداد ده بيبقي بناء علي طلب من النقابه .. يعني مثلا نقيب الاطباء هو اللي طالب ان الاعداد تتخفض و انا شايف ان ده للصالح العام و منطقي جدا

ثانيا الكليات الخاصه كده كده داخله في التنسيق وليها عدد معين من الطلبه بغض النظر واخده من كام

ثالثا لو دخلت علي اي موقع بيجيب الترتيب هتلاقي ان هي هي اعداد السنه اللي فاتت و ان اللي جايب 94 % علمي رياضه ترتيبه ال 17 الف وشويه !

[rana rory]

انت صح لان السنه اللى فاتت خدوا مرحله اولى 30 الف لكن السنادى 18 بس
يبقى الباقى دول يتمسحوا فى سنه ؟
والله حسبى الله و نعم الوكيل فيهم لان دول عمرهم ما هيتغيروا
و لو على الاعداد ف السنادى اللى جايبين فوق 95 علمى علوم 24 الف
السنه اللى فاتت كانوا 33 الف يبقى الفرق دا مش المفروض ينزل التنسيق !!!!!!!!!!!

[Asa7be Wawa]

ده حقيقي على فكره