مستخسرة مجموعى :(

[doniaanawbs]

انا المفروض انى ادبى وجبت 91.46
كان نفسى اخش السن بس شكلى كده مش هلحقها مع العلم انى جايبه 48 فى الانجلش
وكنت عايزة استغل الدرجه دى بس مستخسرة ادخل تجارة او اداب انجلش

افيدونى من فضلكو مستقبلى كله ممكن يقف على نصيحه تنصحهالى :'(

[mohamed oun]

يعني ايه مستخسرة؟ هو المجموع ده فلوس؟ هتستفيدي ايه بالمجموع اصلا بعد كدة؟ ادخلي اللي انتي عايزاه حتى لو بياخد 50% !!

[doniaanawbs]

المشاركة الأصلية كتبت بواسطة mohamed oun

يعني ايه مستخسرة؟ هو المجموع ده فلوس؟ هتستفيدي ايه بالمجموع اصلا بعد كدة؟ ادخلي اللي انتي عايزاه حتى لو بياخد 50% !!

ماهو اللى انا عايزاه مش هعرف ادخله خلاص اللى هو السن

ومش لاقيه بديل

[mohamed oun]

المشاركة الأصلية كتبت بواسطة doniaanawbs

ماهو اللى انا عايزاه مش هعرف ادخله خلاص اللى هو السن

ومش لاقيه بديل

لسه التنسيق منزلش
ولو ربنا مقدرش شوفي البدائل واختاري اكتر حاجة مناسبة ومتبصيش عالمجموع

[doniaanawbs]

يارب يارب الواحد تعب خلاص

[Muhammad Mahmoud]

لا هتلحقيها ان شاء الله انا ال محتار جايب 93% ومش هلحق اقتصاد

[momom2]

لا هتلحقي ألسن مستريحة كمان لو مالحقتيش لا قدر الله يبقي عليكي وعلي تربية

[Nurhan Diab]

والله انتي نفس حالتي بالظبط
انا جايبه 91.95%
وبرده نفسي في السن اوي وحاسه ان التنسيق مش هينزل في ادبي وحتي لو نزل مش هجيبها برده
ومش عايزة ادخل تربية مبحبهاش وبرده تجاره قليلة اوي ع مجموعي
حاسه اني تعبت ع الفاضي :*

[doniaanawbs]

المشاركة الأصلية كتبت بواسطة Muhammad Mahmoud

لا هتلحقيها ان شاء الله انا ال محتار جايب 93% ومش هلحق اقتصاد

بجد ؟ ازاى عرفت منين ؟ بجد محتاجه اتطمن
وعلى فكره انت مجموعك ممكن يدخلك اعلام كويسه وتخصصاتها كتيره ولو مش عايزة السن برضه كويسه ربنا معاك ومع كل المحتارين

[doniaanawbs]

المشاركة الأصلية كتبت بواسطة momom2

لا هتلحقي ألسن مستريحة كمان لو مالحقتيش لا قدر الله يبقي عليكي وعلي تربية

لا تربيه لاء حرااااااام

بس بجد عايزة حد يطمنى على اى اساس اقدر اخش السن مستريحة

[doniaanawbs]

المشاركة الأصلية كتبت بواسطة Nurhan Diab

والله انتي نفس حالتي بالظبط
انا جايبه 91.95%
وبرده نفسي في السن اوي وحاسه ان التنسيق مش هينزل في ادبي وحتي لو نزل مش هجيبها برده
ومش عايزة ادخل تربية مبحبهاش وبرده تجاره قليلة اوي ع مجموعي
حاسه اني تعبت ع الفاضي :*

يارب التنسيق ينزل يا نورهان يارب عشان نلحق ندخلها انا هتشرد لو مدخلتها انا لا عايزة تجاره ولا تربيه ولا اداب مش قبلاهم ومعتقدش انى هستريح فيهم

[Nurhan Diab]

ربنا يستر انا عماله اتعصب ع خلق الله وقرفت الناس عندي في البيت
انتي منين يا دنيا

[mora adel]

ع فكره تربيه انجليزى حلوه جدااا لو مش لحقتى السن انا بردو جايبه 91.95 وادبى وان شاء الله هدخل تربيه انجليزى وتجاره انجليزى حلوه بردو اوى مش تبصى ليها ع انها اقل لا بس فرصتها كويسه لو اجتهدتى فيها وجيبتى تقديرات بتشتغلى فى بنوك وشركات فى ناس بتاخد السن وبتقعد ومش بتلاقى شغل بس زى مابقولك انتى لو مش لحقتى السن ادخلى تربيه انجليزى تجاره انجليزى اداب انجليزى الكليات دى كويسه جدا وفرصتها بتبقى كويسه

[doniaanawbs]

المشاركة الأصلية كتبت بواسطة nurhan diab

ربنا يستر انا عماله اتعصب ع خلق الله وقرفت الناس عندي في البيت
انتي منين يا دنيا

وانا كمان مش طايقة نقسى

انا من القاهره وانتى ؟

[doniaanawbs]

المشاركة الأصلية كتبت بواسطة mora adel

ع فكره تربيه انجليزى حلوه جدااا لو مش لحقتى السن انا بردو جايبه 91.95 وادبى وان شاء الله هدخل تربيه انجليزى وتجاره انجليزى حلوه بردو اوى مش تبصى ليها ع انها اقل لا بس فرصتها كويسه لو اجتهدتى فيها وجيبتى تقديرات بتشتغلى فى بنوك وشركات فى ناس بتاخد السن وبتقعد ومش بتلاقى شغل بس زى مابقولك انتى لو مش لحقتى السن ادخلى تربيه انجليزى تجاره انجليزى اداب انجليزى الكليات دى كويسه جدا وفرصتها بتبقى كويسه

كلامك صح بس ده مايمنعش من انى لازم ابقى داخله حاجه انا قبلاها اداب وتربية هطلع مدرسة وتجاره انا ماليش فى الرياضة اساسا