ارتفاع الحد الأدنى للشعبة الهندسية عن العام الماضى.

medooo2000 · #1 22-07-2013, 08:21 AM

بسم الله الرحمن الرحيم

يا جماعة دلوقتى الحد الأدنى للشعبة الهندسية السنة اللى فاتت كان 385 والسنادى رغم أن المجاميع قلت عن السنه اللى فاتت, الحد الأدنى بقا 386 طيب ازاى؟ وهل ده بيأثر على المجموع اللى بتطلبه الكليات؟ يعنى السنه اللى فاتت هندسه اسكندرية أخدت من 96.4% مرحلة أولى, هل مع أرتفاع الحد الأدنى هتزيد عن كده ؟!

وكنت عايز أعرف الحد الأدنى ده بيتحسب بناءا على ايه؟ الأعداد اللى عايزنها ولا المجاميع ولا ايه بالظبط, وشكرا.

qqqqq25 · #2 22-07-2013, 08:29 AM

والله أنا زيى زيك عايز أفهم اللغز ده

Lyonenyo · #3 22-07-2013, 08:37 AM

واضح ان درجات علمي رياضة كانت عالية مش منخفضة ولا حاجة !

medooo2000 · #4 22-07-2013, 08:39 AM

يعنى أنت تفتكر أن مجاميع طلاب علمى رياضه أرتفعت عن السنه اللى فاتت ؟! وبناء على كده الحد الأدنى زاد ؟!

qqqqq25 · #5 22-07-2013, 08:40 AM

هل ده كان كله مثلا كلام جرائد

medooo2000 · #6 22-07-2013, 08:44 AM

لأ الحد الأدنى الرسمى لعلمى رياضة معتمدا رسميا دلوقتى ومكتوب فى موقع التنسيق !

the king11 · #7 22-07-2013, 09:02 AM

مجاميع علم رياضة فعلا مرتفعة عن علوم و ادبى وارتفاع الحد الادنى للمرحلة الاولى بسبب كدة للأسف اتوقع الحد الادنى لهندسة مش هينزل خالص دة لو معليش كمان بس لكليات علوم هينزل

medooo2000 · #8 22-07-2013, 09:12 AM

اقتباس:

المشاركة الأصلية كتبت بواسطة the king11

مجاميع علم رياضة فعلا مرتفعة عن علوم و ادبى وارتفاع الحد الادنى للمرحلة الاولى بسبب كدة للأسف اتوقع الحد الادنى لهندسة مش هينزل خالص دة لو معليش كمان بس لكليات علوم هينزل

يعنى كده هندسة اسكندرية هتاخد أكتر من السنه اللى فاتت؟! معقول؟

osamaelzan · #9 22-07-2013, 09:20 AM

هندسة ايه اللى زادت ؟؟؟؟!!!!!
الحد الادنى السنة اللى فاتت كانت 387.5
السنة دى 386 ويمكن تقل ل 385
بطلوا فتى

the king11 · #10 22-07-2013, 09:23 AM

اقتباس:

المشاركة الأصلية كتبت بواسطة medooo2000

يعنى كده هندسة اسكندرية هتاخد أكتر من السنه اللى فاتت؟! معقول؟

ربنا يستر علينا كلنا

medooo2000 · #11 22-07-2013, 09:38 AM

اقتباس:

المشاركة الأصلية كتبت بواسطة osamaelzan

هندسة ايه اللى زادت ؟؟؟؟!!!!!
الحد الادنى السنة اللى فاتت كانت 387.5
السنة دى 386 ويمكن تقل ل 385
بطلوا فتى

انت قصدك الحد الأدنى لكلية الهندسة اللى هيا كانت هندسه أسوان, لكن فى حاسبات ومعلومات. عموما أنا قصدى الشعبة الهندسيه

مش هندسه بس.

osamaelzan · #12 22-07-2013, 09:41 AM

اقتباس:

المشاركة الأصلية كتبت بواسطة medooo2000

انت قصدك الحد الأدنى لكلية الهندسة اللى هيا كانت هندسه أسوان, لكن فى حاسبات ومعلومات. عموما أنا قصدى الشعبة الهندسيه

مش هندسه بس.

حبيب قلبى الحاسبات هاتبقى مرحلة تاني ودى هايبقى الحد الادنى للهندسة بسسسس

medooo2000 · #13 22-07-2013, 09:48 AM

شوف حتى بتاع السنه اللى فاتت https://tansik.egypt.gov.eg/application/LimitE2012.htm

Markkonii · #14 22-07-2013, 10:11 AM

لا اولاًُ اعتقد الحد الادنى للمرحلة الاولى ملهوش دعوة بالنتيجة هو بياخد نسبة من الناجحين مش اكتر ، و كمان المجاميع مش زياده عن السنة اللى فاتت، لا العكس المجاميع قلت، السنة اللى فاتت اللى جايبين فوق 385 (ودخلوا مرحلة اولى) 20 الف ، و اللى ازيد عن 387.5 (ودخلوا هندسة) 18 الف ، السنة دى اللى دخلوا مرحلة اولى بس 17 الف ، اكيد حضرتك ملاحظ النسب مختلفة تماماً و ملهاش دعوة بالنتيجة.

qqqqq25 · #15 22-07-2013, 10:13 AM

طيب ياترى الجامعات والمعاهد الخاصة هتزيد عن 88.5%