مساعده فـ التظلمـ

[Ahmad ELSaied]

دلوقتى يا جماعه انا ف اللغه العربيه
ساقط و عاوزلى 3.5 درجه
عشان انجح فيها اجيب النص يعنى

هل فى امل لو عملت تظلم اخد الدرجات دى ؟

امل حتى لو 1% ؟

[Ahmed M. Fayez]

بص هو فيه أمل علشان هما هيلاقوك واقف علي 3 درجات ونص زي ما أنت قولت ممكن اللي بيكون بيصحح يرأف بيك ويديهملك في أى سؤال.

بس نصيحة خش دور تاني أحسن بقي.

[Ahmad ELSaied]

المشكله انى ساقط و بدور على اى حل اعدى ف ماده عشان ادخل الاتنين التانين دور تانى

[Ahmed M. Fayez]

انت تقصد بدل ما تعيد السنة يعني ؟

تعمل تظلم فيها علشان تدخل الإتنين التانيين دور تاني ؟

لو دة قصدك يبقي لو انتا قريب من درجة النجاح في المواد التانية اعمل تظلم في الثلاثة علشان ممكن يجيلك في واحدة بدل ما تضيع سنة من عمرك.

حتي لو خسرت 300 جنية مش مشكلة ، بس تبقي محاولة بدل ما تضيع سنة.

[EhabAmmar]

هوا اساساً امتحان الدور التانى امتى .... و هنلحق نقدم فى اى حاجه ولا لاء عد الدور التانى

[Ahmad ELSaied]

المشاركة الأصلية كتبت بواسطة ahmed m. Fayez

انت تقصد بدل ما تعيد السنة يعني ؟

تعمل تظلم فيها علشان تدخل الإتنين التانيين دور تاني ؟

لو دة قصدك يبقي لو انتا قريب من درجة النجاح في المواد التانية اعمل تظلم في الثلاثة علشان ممكن يجيلك في واحدة بدل ما تضيع سنة من عمرك.

حتي لو خسرت 300 جنية مش مشكلة ، بس تبقي محاولة بدل ما تضيع سنة.

انا ساقط فـ 3 مواد
و دا الى خلانى اعيد السنه
و مش عاوز اعدها بأى طريقه

المواد هيا عربى / فلسفه / علم نفس

فلسفه و علم نفس صعب جدا انا جايب فيهم 10.5 بعيد عن النص ب 8.5 درجه

العربى جايب 11.5 فاضلى 3.5 درجه و انجح فيه بالنص

فا بشوف لو فى امل لو عملت تظلم اخد ال 3.5 دول و انجح ف العربى
و ادخل فلسفه و علم نفس دور تانى
ولا مفيش امل

[Ahmed M. Fayez]

بص مكذبش عليك هو الأمل ضعيف في التظلم.

بس توكل علي الله وإعمل تظلم مقدامكش غير كدة.

أهي تبقي محاولة بدل ما تعيد السنة.

نجحت ماشي ، منجحتش بقي يبقي دة نصيبك.

بس إعمل تظلم وخلي الباقي علي ربنا.

بس إلحق إعمله بسرعة.

[ehabelsapa]

طب وايه الاستفادة من كدا
ما تخش التلاتة دور تاني وتخلص مادام انت مش عايز تعيد السنة