مش حكون انسان ضعيف (دعوة لتفاااؤل :)

[مريم السباعى.]

خلاص يا نفسى
مش حكون انسان ضعيف
خلاص يا نفسى من انهاردة
حكون انسان نضيف
نضيف من الياس
من النكد
ومن الكابة
واى حاجة
واى شئ
يكون سخيف
من انهاردة
مش حعقد زى حيلتها
مش حشوف
ان حياتى صفر قيمتها
ونتيجتها تصبح مفيش
مش حقول على الحزن قدرى
مش حقول على الحزن مبداء
مش حقول انى حافشل
قبل حتى ما احاول ابدا
ليه ولمين
حياتى تستمر كدة؟
وشوش مواقف من الزمن
كلها زى بعضها
والثوانى تمر فى ساعات
واصبح القى عمرى مات
على العقارب ؟!
والنفس دابت
من كتر ماشيلتها
من انهاردة يانفسى
حنفتح شبابيك الامل
من انهاردة
وحنستحمل رياح القدر
حنخلى من حززنا حكمة ومثل
نفتكرهم لما نبدا فى العمل
لجل منتعلم منكررش نفسنا
وبرضه عمرى ماحيأس
مهما حصل
من انهاردة حسقى ورد الفرح
من شفايفى
من انهاردة حشغل انوارالايمان
فى قلبى

من انهاردة
ح*** بنفسى ياسى
من انهاردة
حاصور بالفرح وشى
من انهاردة
حتعلم بجد
ابقا نفسى
من انهاردة
حقفل اى دفاتر قديمة
مش حاخد غير المفيد
عند بعند اه حكون انسان جديد
مش حكرر نفسى يوم
باذن ربى حبدا الحياة
البوم
اشوف فى السعادة
فى اى حاجة
من انهاردة حبقى تانى
وحبقى تالت
وطول ما بيتجدد ايمانى
حبقى حد بلا عدد
حقلع قميص ياسى
الى الابد

والسند
على ربى
انى لسة مستخبى
شئ جميل
باذن ربى
حنعيش اجمل سنين
مش حنكون زى الى فات
نفسى ارجوكى
عايز اصرخ اقول
اليااس مات




بقلم اشرقت الشمس

[دّقْـــةُ قْـــلِـــبّـ]

اوبااااااااااااااا ايه الحلاوه ديه
جامد جامده طحن
تسلم ايدك ياقمر

[مريم السباعى.]

المشاركة الأصلية كتبت بواسطة ليالي السهر

اوبااااااااااااااا ايه الحلاوه ديه
جامد جامده طحن
تسلم ايدك ياقمر

اشكرك يا ليالى ربنا يبارك فيكى يارب

[دّقْـــةُ قْـــلِـــبّـ]

المشاركة الأصلية كتبت بواسطة مريم السباعى.

اشكرك يا ليالى ربنا يبارك فيكى يارب

اميييييييييين يارب ويبارك فيكم