|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
17-04-2007, 08:53 PM
|
|||
|
|||
كيميائى خبير فى الغش التجارى يتحدث
<div align="center">هيّ المشكلة في اللبن ؟
خد عندك - اللبن النيدو المصري مضاف اليه دقيق- عن تجربة عملية - خصوصا البتاع الصغير بتاعو ابو جنيه وربع - عصير المانجو اللي في محلات العصير 70% منه مش ليه علاقه بالمانجو اصلا..ده قرع عسلي.. بمرأى العين.. وسلامي للحاج فرغلي -اللانشون والبسطرمة.. اللي المفروض مكتوب عليها لحم بقري خالص حلال.. مفيهاش ريحة اللحمة اصلا.. دي سقط حيوانات مدبوحه مفروم مع بهارات وتوابل وجيلاتين وعضم فراخ وبالسم الهاري.. تحياتي للحاج صلاح والمعلم عبفتاح.. - انواع الهامبورجر المنتشره في السوق (عدا نوعين تلاتة) كوكتيل من البهارات وماده جيلاتينية بتبقي مبطنة لجلد الحيوانات بعد الذبح وبتتباع من المسلخ الطن منها بـ 250 جنيه تقريبا .. الطن منها بيستخدم (بعد الغلي في قدور كبيرة مقززة في مناطق لاادمية باستخدام عصاية شبه المجداف كده للتقليب) وبيعمل حوالي 500 عبوة (زنة 1 كيلو برجر) بتتباع بـ 10 جنيه الصحة تقفل المصنع ( او بير السلم) وصاحبه يلبس قضية غش تجاري محترم ياخد في الآخر حكم غرامة بـ 10 الاف جنيه او حبس سنة ..وغالبا بيدفع الغرامة ويخرج يأجّر بير سلم تاني وتبدأ عجلة العمل من جديد. ********** - علب الزيت الـ1 كيلو بتاع القلي ام 2 جنيه وربع و3 جنيه دي- اللي لونه غامق قوي ومش شفاف دي - اصلا زيت مستخدم من محلات الفول والطعمية بيعاد تجميعه في عربيات بتنك زي بتاعة اللبن كده وبتتفلتر بادوات بدائية جدا عشان تشيل بواقي القلي اللي فيها ويعاد تعبيتها في زجاجات - مستعملة مسبقا ومعاد غسلها بالمية والصابون- وبتتعبى يدويا بقمع بلاستيك وتتبرشم بماكينة برشمة تمنها 3 الاف جنيه.. وبيع يامعلم الزجاجة البلاستيك من الزبالين.. الدسته بجنيه.. طن زيت مستخدم الكيلو بيتاخد من المطعم بـ 25 قرش.. قمع بلاستيك قول 10 = 5 جنيه .. وماكينة برشمه بـ 3 الاف بالكتير تكسب في الطن 2000 جنيه مستريح جدا.. ويتحرق اللي بيشتروا بجاز.. جاز مش نضيف زي الزيت اللي اشتروه - الحلاوة الطحينية اللي في المحلات.. عليه اكسيد تيتانيوم عشان تاخد اللون بتاعها وبعضها مفيهوش ريحة السمسم اصلاً.. عليها دقيق وفورمالين عشان تمسك نفسها.. اصل الدولار بقي غالي فالسمسم غالي والزبون عاوز الارخص مش الانضف - فلاتر ميه الشرب.. بتفلتر الطعم (عبر ازالة الكلور) والريحة (عن طريق الفلتر الكربوني) لكن المعادن التقيله اغلبها مبيتفلترش اصلا الا في الفلاتر الاكتر من 3 مراحل.. سلام كبير اوي لفلاتر تانكة ********** - سمك المزارع السمكية..بياكل دم ومخلفات عمليات الذبح عشان يكبر بسرعة - فراخ المزارع.. من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده ده غير مزرعة فراخ امريكانا اللي في برج العرب اللي بتورد الفراخ لمطاعمهم ..اول مره في حياتي اشوف فرخه وزنها 4 كيلو ونص كان هناك.. ومش بتعرف تمشي.. وعندها حاجة من الجنب كده بالتدقيق اكتشفت انها: مشروع جناح -طلمبة البنزين الـ 92 والـ 95 في البنزينات دلوقتي.. الطلمبتين بياخدو من خزان ارضي بنزين واحد ..مهي اصل الطلمبة ذكية ..بتميز الـ 92 من الـ 95 - محلات الحلويات اللي بتبيع الحلويات للشرقية بالسمن البلدي.. ولابلدي ولانيلة دي معموله بسمنة صناعي وعليها مكسبات طعم زي اللي بيستخدموها ف المصانع -الجبنة الرومي القديمة.. مش قديمة ولانيلة برضه..هما يعني هيعتقوها عشان حضرتك تستمع ويركنها في المخزن 6 شهور؟ بيضيفو هيدروكلوريد اسيد تركيز 30 %.. عشرة لتر لكل طن جبنه وتتكتم في قبو قديم معفن 24 ساعه وتطلع قديمة وطالع عين امها كمان ********** - اكياس البلاستيك: اكياس البلاستيك اي لون (غير الشفافة المفروض انها بتتصنع من رولات بولي ايثيلين خام) الواقع ان اغلبها عبوات بلاستيك (ميه وبيبسي) وبيتم تسيحهم في افران وسحبهم على شكل رولات تاني.. ودي ارحم من الاكياس البلاستيك السوداء اللي مصدرها مخلفات المستشفيات والمراكز الطبية (حقن - سرنجات - كانيولا - فلاتر - اكياس دم مستعمله - قساطر بوليه مستعمله..) - عبوات المياه المعدنية اكوافينا (انتاج مصانع بيبسي) عن مصدر مقرب الميه دي لابئر جوفي ولانيله.. حتي مفيش عنوان للمصدر علي عبوات القزايز دي بخار الميه الناتج عن التكثيف في خطوط انتاج البيبسي .. بدل ماتتهدر وهم بيفعو عليها فلوس لمصلحة المياه قرروا يجمعوها في تانكات ويعبوها في قزايز ويستغلو شبكة التوزيع الضخمة بتاعتهم توزع ميه مع البيبسي وبسعر ارخص من سوق المياه المعدنيه باكتر من 50 قرش ق الزجاجه..(محدش خد بالو من طعم البيبسي في الميه دي؟) - صابون غسيل الوجه وكريمات البشرة والشعر المنتشره في السوق(من غير الانواع المعروفة) ياريت حد يبقي يحللها يمكن نعرف نوصل للمركبات اللاارضية اللي بيستخدموها فيها</div>
__________________
عشنا و شوفنا
ماليش تصريح ههههههه وعجبي  |
|
#4
17-04-2007, 09:38 PM
|
|||
|
|||
جزاك الله خيرا ,,
عندك حق للاسف,, انا فعلا كنت سمعت عن حاجات كتير من اللى فى الموضوع دى ,, بس فية حاجات اول مرة اعرفها,, ربنا يستر |
|
#6
17-04-2007, 10:47 PM
|
||||
|
||||
|
حسبنا الله و نعم الوكيل
امال الناس تاكل ايه بقى اما كل الحاجات المصنعة دي زي مانت قلت يا على و الحاجات الطبيعية زي اللحمة جالها جنون و الفراخ جالها انفلونزا شكلنا هنعيش ع البتنجان شكرا يابو على ع الموضوع
__________________
النفس تبكي على الدنيا وقد علمت *** أن السعــادة فـيها تـرك ما فيهـا لا دار للمرء بعد المــوت يسكنهـا *** الا التــي كان قبل المـوت بانيها فـإن بنـــاها بخيـر طـاب مسكنـــه *** وإن بناهــــا بشـر خـاب بانيهـــا أمـــوالنا لذوي الميراث نجمـعــها *** وبيـوتـنـا لخــراب الدهر نبنيــهـا
|
|
#7
17-04-2007, 10:55 PM
|
|||
|
|||
|
حسبنا الله ونعم الوكيل في اللي بيحصل دة..
ربنا يستر علينا جميعاً إن شاء الله،، شكراً على الموضوع أخي علي..
__________________
<div align="center"><span style="font-family:Comic Sans Ms">ما أصعب أن يعطي الإنسان،، ثم يُقابل عطاءَه بالنكران</span></div> |
|
#11
04-09-2008, 12:43 PM
|
|||
|
|||
|
حسبي الله ونعم الوكيل
يا عم انت خليت ايه يتاكل خلتني ابطل كل انواع الاكل وخصوصا السمك كان اكلتي المفضله شكرا عي الموضوع الحلو تقبل مروري |
|
#12
04-09-2008, 03:16 PM
|
||||
|
||||
 هههههههيا سلام ياعلى انا جيتلى فكرة ولا ناكل ولا نشرب بعد كدا (انى نظرت للرحمن صوما ) ::::::::: سيبك من الراى اللى فوق كان فى مثل كدا بسمعه زمان هو مثل عجيب شوية ومش مشهور اوى المثل بيقول عك وليث كله كويس( هيا دى الامثال واللا بلاش )  يعنى هنعمل ايه يعنى اللى يشوف موضوعك ولا هياكل ولا هيشرب شكلى هحذف الموضوع علشان الناس تجيلها نفس من الاكل اصل موضوع يسد النفس يا عم على شكلى هعملها واحذف الموضوع واشتكى الادارة
__________________
 ......استودعكم الله الذى لاتضيع ودائعه.... ....closed 4 ever
|
|
#13
04-09-2008, 04:41 PM
|
||||
|
||||
|
يا ساتر يارب كل ده يلا الواحد صايم بس شكلنا مش هنفطر ولا نتسحر .....وع راى الراجل بتاع جاءنا البيان التالى
حسبى الله ونعم الوكيل |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:20 PM.
