أمتحان التفاضل والتكامل 2008

[فتاة مصرية مبرمجة]

السلام عليكم ورحمة الله وبركاته
طبعا انا مش محتاجة أقولكم اد ايه امتحان التفاضل والتكامل (رياضة 2 ) اد ايه كان وحش وزي الزفت
مفيش سؤال واحد كان عدل كل الامتحان غير مباشر والامتحان بالرغم انه خمس اسئلة فقط بس طويل وعايز وقت كبير علشان يتحل ده اساسا للي هيعرف يحل
انا واحدة من اللي كانو بيمتحنو النهاردة التفاضل وبكد معرفتش احل غير سؤالين بكتيره ومش ضمنة يطلع صح كمان
بس النهاردة الموقف عندي كان زي الزفت وزيادة طلاب كتير من اللي كانو بيمتحنو اغم عليهم غير ببفي اللي جالو هسترية بكاء وانا كنت واحدة منهم غير اللي كان من قدر خوفو في الامتحان معرفش يكتب كلمة واحدة
امال بقي فين " الامتحان علي مستوي الطالب المتوسط " وفين بقي " ان الامتحان مش بيخرج عن كتاب الوزارة واسئلته "
بجد معنديش غير كلمة حسب الله ونعم الوكيل فيهم "

[ابن الوادى]

عندك حق احنا لازم نعمل حاجة علشان التصحيح

[0o03aneda0o0]

السنة الي فاتت كلنا قفلنا الرياضه
السنة دي بندعي يا رب يا رب نعدي درجة النجاح

[EnG.BeLaL]

حسبي الله و نعم الوكيل

[basantaly]

ربنا يخده اللى حط الامتحان الزفت ده ده اكيد مش بنى ادم ده حيوان حتى الحيوان يبقي ف قلبه شويه رحكه حرام عليه ده راجل ظالم ومفترى ومفيش ولا مساله من كتاب المدرسه

[meno.midnight]

ما عجبهوش ولا سوال من كتاب المدرسة ولا من كتاب النماذج نفسي اعرف جايب الاسءلة دي منىن ولو حد يعرف توزيع الدرجات please يقول

[hoodamorsy]

منة لله اللى حط الامتحان هو عايز يحطم الطلبه ليه هو فيه تار بايت بينه وبين طلبة رياضه 2 حسبى الله ونعم الوكيل

[سابرينا سوسو]

والله عندك حق الامتحان كان زي الزفت والطلبة خارجة منهارة حسبي الله ونعم الوكيل في اللي حط الامتحان ده ، بس أنا سمعت انهم هيعيدوا توزيع الدرجات

[ماجد شبانه]

جماعه ابجد يا نا مش عارف اقول ايه بس الى اقدر اقولهولكم الوقتى ان سمع ان التعليم هيبقى سهل جدا جدا يعنى مثلا الى كان عامل حسابه على 8 هيجيب ان شاء الله 12 او 13 وكدة يعنى لان اه حاجه هيدو عليها درجات وان شاء الله تكون الامتحانات الجايه احسن كان معكم ماجد شبانه طالب ثانويه عامه ادبى 3

[mtoraby]

وا

للهى حسبي الله ونعمل وكيل ظب انت قلت الامتحان ده من كتاب المدرسة لو انته فليته من البراغيث مش حتللاقى مسالة منه فيه الا 15 % كان من كتاب المدرسة والباقى من دماغ اللى حط الامتحان

[mira_2020]

ايضا امتحان المرحلة الاولى من التفاضل والتكامل كان مش كويس حرام عليهم
كان صعب ياريت يكون باقى المواد فى متناول الطلاب كلهم

[teach_72]

ايها الشباب ممكن الإمتحان يكون سهل جداً و لكن المهم فى أي شيئ تضيع وقتك فى اللعب فى الشات أم المذاكرة ام فى عبادة الله

مساء الخير يا شباب
أنا أحمد يسرى طالب فى كلية طب أسنان فى البكاليريوس السنادى .
واللة أنا مش عارف أبدأ أزاى ومش عارف أزاى أواسى كل اللى موجود هنا فى المنتدى وأنا مش عارف أواسى
نفسى وخصوصا بعد الكارثة اللى حصلت يوم الثلات فى إمتحان التفاضل والتكامل لطلبة رياضة 2 لان لى أخويا بردة بيمر بنفس المشكلة ويشهد الله على كلامى أنة أصيب بحالة إغماء حادة بعد خروجة من الامتحان وإنتاب البيت عندنا حالة حزن شديدة وخصوصا لانة كان مذاكر كويس ودى حاجة أنا واثق منها بالظبط ذى ماأنا واثق أن فى شباب كتير هنا فى المنتدى ذاكروا وتعبوا لكن الامتحان جة على غير المتوقع وبالتالى أصاب كتير من الطلاب بحالة إنهيار وتوتر وخصوصا فى بداية أيام الامتحان .... كل اللى أقدر أقولة أو أنصحكم بية أنسوا اللى حصل فى المادة دى تماما وركزوا فى المواد اللى جاية وياريت تحاولوا تبعدوا عن أى إنفعال وخصوصا إن عندكم مادة اللغة الإنجليزية يوم الخميس إن شاء الله وياريت بلاش مراجعة لامتحان التفاضل اللى حصل حصل وسيبوها على ربنا وإن شاء الله خير ورغم إنى ما كنتش أحب أنى أحط توزيعة الدرجات بتاعة المادة دى لكنى لازم أحطها علشان دى ممكن تدى ولو أمل بسيط فى إعادة أحتساب الدرجات وطبعا تلبية لطلب الاخت اللى كانت عاوزا توزيع الدرجات
السؤال الاول إجبارى 4.5 درجة
السؤال الثانى والتالت والرابع والخامس (إختيارى ) 3.5 درجة لكل سؤال .
المجموع 15 درجة .
فى نهاية كلامى كل اللى أقدر أقولة إن ربنا هايوفق كل اللى ذاكر وتعب ومهما كانت الظروف إن شاء الله كل واحد هاياخد اللى ربنا كتبهولة وياريت ماحدش يزعل أو يشيل فى نفسة لأن الموضوع فى الاول وفى الاخر
نصيب وتوفيق من عند ربنا .

[Maha Ezzat]

اسمحولى اولا اقول انى واحدة من ضحايا مجزرة التفاضل و التكامل اللى حصلت يوم الثلاثاء

انا فعلا فى المتحان دة شوفت حاجات انا عمرى ما تخيلت فى يوم انى اشوفها ولا قصد بذلك لامتحان بس اقصد منظر البنات اللى انهارو و صور الاهلى فى الجرايد والله حرام عليهم وفى الاخر يقولوا مش هناخد على كلام شوية شكاوى.
المهم انا عايزة اقول فى الاخر ان انا مش من الناس اللى ممتزين بس انا وحدة مستويا كويس بس الحمدالله ربنا ما وفقنيش السنة اللى فاتت بدون ذكر مجموع . المهم انا كنت عندى امل انى على الاقل ادخل فنون جميلة.
دلوقتى لا هندسة ولا فنون جميلة ولا حتى تجارة ولا زفت زيعنى واحدة زى المفروض اروح اتعلم صنعة احسنلى و اروح اشتغل بشهادة الثانوية العامةز

انا بس حبيت اورى ان فى ناس كان مشكلتهم انهم مش هيعرفوا يدخولوا هندسة

اما انا و متاكدة ان فى ناس زى مش هنعلرف ندخل حاجة واخرتنا معهد سنتين او حتى نبيع اى حاجة على الرصيف

[sammmmmmsammmmmmmma]

للوسمحتم محدش يعرف عن امتحان التفاضل وحساب المثلتات المرحله الاوله من فضلكم الرد بسرعه