|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
 |
|
|
أدوات الموضوع | انواع عرض الموضوع |
|
#1
16-10-2013, 08:18 AM
|
|||
|
|||
قصيدة
على اسم مصر التاريخ يقدر يقول ما شاءأنا مصر عندي أحب وأجمل الأشياء بحبها وهي مالكة الأرض شرق وغرب وبحبها وهي مرمية جريحة حرب بحبها ب*** وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلاقيني جنبها في الكرب والنبض ينفض عروقي بألف نغمة وضرب مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر أنا اللي اسمي حتحـور .. أنا بنت رع مثـال الأمـومـة ورمـز الحـنان تفـيض حـلمـاتي وتمـلا الـتـرع وتسـقـي البـشـر كلهـم والغـيـطان نهايته يا مصر اللي كانت أصبحت وخلاص تمثال بديع وانفه في الطين غاص وناس من البدو شدوا عليه حبال الخيش والقرص رع العظيم بقى صاج خبيز للعيش وساق محارب قديم مبتورة ف أبو قرقاص ما تعرف اللي بترها سيف والا رصاص والا الخراب اللي صاب عقل البلد بالطيش قال ابن خلدون أمم متفسخة تعيش لي وحصان صهل صحى جميع الجيش النخل في العالي والنيل ماشي طوالي معكوسة فيه الصـور .. مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي .. وهامتي كأن فيها حدي وعينيا رمل العريش فيها وملح رشيدلكني بافتحها زي اللي اتولدت من جديد على اسم مصر مصر .. التلات أحرف الساكنة اللي شاحنة ضجيجزوم الهوا وطقش موج البحر لما يهيج وعجيج حوافر خيول بتجر زغروطةحزمة نغم صعب داخلة مسامعي مقروط في مسامي مضغوطه مع دمي لها تعاريجترع وقنوات سقت من جسمي كل نسي وجميع خيوط النسيج على نبرة مربوطة أسمعها مهموسة والا أسمعها مشخوطة شبكة رادار قلبي جوه ضلوعي مضبوطةوترن من تاني نفس النبرة في وداني ومؤشر الفرحة يتحرك في وجدانيوأغاني واحشاني باتذكرها ما لهاش عد فيه شيء حصل أو بيحصل أو حيحصل جد أو ربما الأمر حالة وجد واخداني انا اللي ياما الهوى جابني ووداني وكلام على لساني جاني لابد أقوله لحد القمح ليه اسمه قمح اليوم وأمس وغد ومصر يحرم عليها .. والجدال يشتد لصلاح جاهين ]
__________________
أ/صبحي أبو الغيط  آخر تعديل بواسطة الأستاذ أحمد راشد ، 17-10-2013 الساعة 09:44 AM 
|
|
#2
16-10-2013, 08:28 AM
|
|||
|
|||
عاوز اعرف ردكم
__________________
أ/صبحي أبو الغيط
|
|
#3
16-10-2013, 10:31 AM
|
||||
|
||||
|
رحمة الله عليك يا أستاذ صلاح جاهين ويارب ترجعلنا مصر كماكانت وأفضل
|
|
#4
16-10-2013, 02:20 PM
|
||||
|
||||
|
رحم الله شاعرنا العملاق
محب لمصر الى مالانهايه كم نفتقد مثلك يا ملك الشعراء شكرا على الموضوع
__________________
|
|
#5
16-10-2013, 09:01 PM
|
|||
|
|||
|
بحب الشعر جداً ويا ريت تكبر الخط كل عام وأنت بخير
|
|
#6
18-10-2013, 12:06 AM
|
|||
|
|||
|
لك جزيل الشكر
__________________
أ/صبحي أبو الغيط
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:32 AM.
