هل مرتبك بيكفيك؟ طب بتقضى الشهر ازاى؟

[Militant]

معظمنا كمدرسين المرتب مش بيكفينا وبنضطر نحسن الدخل باى عمل اضافى زى الدروس الخصوصية مثلا او العمل فى المحلات والبعض بيكون فاتح مشروع خاص بيه مطعم او سايبر او مكتبة اومحل صغير او اى عمل اخر أياً كان نوعه ..

الشغل مش عيب ما دام حلال

الهدف من الموضوع هو النقاش فى نقطة العمل الاضافى وكل واحد يقول اذا كان مرتبه بيكفيه ولا بيحسن دخله بعمل اخر؟ وايه نوع العمل ده يمكن حد يستفيد بفكرة او مشروع يقدر ينفذه مع نفسه او مع حد من اصحابه وفى النهاية الفايدة تعم على الجميع .. عايزين الموضوع يبقى مرجع مهم ومفيد لكل الزملاء

وعن نفسى المرتب طبعا مبيكفيش اعباء الحياة اليومية وبدى كام مجموعة دروس بس ابتديت اتخنق او بالاصح اتخنقت من شغل الدروس الخصوصية وبدور حاليا على اى وسيلة او فكرة تانية تجيب فلوس كويسة فى الايام الصعبة دى .. وربنا يصلح الاحوال

عايزين تفاعل يا جماعة

[Militant]

ايه يا جماعة كل دى مشاهدات ومفيش ولا حتى رد واحد ؟!

[عبدة الحلو]

انا اعمل بالدروس من 2005 وحتى الان وصدقنى ممعيش اى فلوس تذكر ووصلت لمرحلة انى مش قادر ادى دروس تانى وبتعب من اول حصة بس هعمل ايه مش لاقى حل حاولت اسافر كوريا الجنوبية وفشلت ومضطر اكمل

[عبدو عصر]

والله ما في حد هيحس بينا إلا لو إتخذنا موقف غير مسبوق حتي نستطيع العيش مثل الساعي في البنك أو ساعي البترول أو الضرائب

[ام ياسمين$]

شكرا لك على الموضوع

[عصام عريان]

بص يا حبيبى اى حكومة لاتعمل لصالح الشعب فهى حكومة فاشلة احنا عرفنا ان الحد الادنى هايوفر للدولة خمسين مليار جنية بشرط ان يكون الحد الاقصى ثلاثون الف جنية واحنا دلوقت فى اشد الحاجة لتوفير النفقات وكمان زيادة القوة الشرائية فى البلد ولكن لنم يحدث هذا لانة لا يوجد وقفة جادة من الموظفين لتحقيق هذا المطلب

[بودى العبادى]

اساتذتى الافاضل السلام عليكم ف ظل انتظارنا للخمسين ف المائه الثانيه الصادره بقرار جمهورى فصلوا الخمسين الاولى عن المرتب من شهرين وكلما سالنا ف الاداره اجابوا عندما تتوفر ميزانيه وع الجانب الاخر من الشاطىء ف بلاد العجب يصرف لوزارة العدل شهور كامله ليست من الاساسى مرتب ثانى ع سبيل الحوافز لم اكره شىء ف حياتى غير انى عينت ف وزارة التعليم وكرهت مؤهلى العالى ليتنى ححصلت ع مؤهل متوسط وعينت موظف بسيط ف اى وزارة تهتم بموظيفها

[إسماعيل قناوى]

أنا وقفت فدام مكنة البنك الاهلى عشان أصرف المرتب بتاعى كان قدامى عاملين نظافة الاول كبير السن قبض 1750 جنيه والثانى صغير السن لا يتجاوز 18 سنة قبض 1500 جنيه و ظن العامل الكبير أن له رصيد متبقى و حينها بدأت بالاستعلام عن الرصيد ونظرا لانى حديث التعيين 4-9-2011 فقد كان المرتب 650 وكان لى رصيد باقى 50 جنيه من الشهر الماضى فقبضت 700 بفضل الله فاستغرب عامل النظافة ربنا يزيدهم ويكرمهم وضحك عندما رأى المبلغ على الشاشة وللأسف استلمت المبلغ ومنظرى كان مش ولابد وربنا يعدلها أقول أيه؟
طبعا الحمد لله موجودة بس هى دى عدالة التوزيع ولا أهلنا غلطوا لما علمونا إلى الله المشتكى

[توبة محمد]

يا اخي ليس لها حل عندنا الحل في اللجوء لله فادعو الله باخلاص
اما الدروس فهي مهانة وذل للمعلم اضاعت هيبته بين الناس
اما الحكومات مهما كان انتماؤها فلن تفيدكم بشئ لانكم غثاء السيل............
واما الاعمال الخاصة فغيركم يعاني منها فكيف انتم ؟

[ابراهيم70]

أما أنا فقد من الله على بمحل بقالة تموينية تنازل أبى عنه لى عندما وصل الى سن المعاش ولم أمارس الدروس الخصوصية طيلة حياتى والحمد لله وأنا معين من 1994 وحتى قبل أن يتنازل والدى لى كنت أمارس بعض أنواع التجارة الخفيفة ولكن اﻵن العمر تقدم بى والصحة لم تعد تساعد على العمل فى المدرسة صباحا ثم فى المحل إلى العاشرة مساءا ولله اﻷمر من قبل ومن بعد

[شريف منير]

ذُل × ذُل !!

[جابر عبد الرؤوف]

والله ما في حد هيحس بينا إلا لو إتخذنا موقف غير مسبوق حتي نستطيع العيش مثل الساعي في البنك أو ساعي البترول أو الضرائب
لا بد من الإضراب حتى نتساوى بوزارة العدل أو البترول أو الكهرباء أو المالية
لا تلم على الظالم الذى ظلم ، و لكن اولا يجب أن تلوم المظلوم الذى رضى بالظلم و سكت.

[Militant]

المشاركة الأصلية كتبت بواسطة عبدة الحلو

انا اعمل بالدروس من 2005 وحتى الان وصدقنى ممعيش اى فلوس تذكر ووصلت لمرحلة انى مش قادر ادى دروس تانى وبتعب من اول حصة بس هعمل ايه مش لاقى حل حاولت اسافر كوريا الجنوبية وفشلت ومضطر اكمل

الله يعينك استاذ عبده وانا ليا زمايلى تعبوا جدا من الدروس واللف والمشاوير وفى منهم جاتله الامراض، المدرس بيدفع تمن الدروس من جسمه ووقته واعصابه وفلوسها مفيهاش بركة بشكل منقطع النظير، بس حضرتك حاولت تسافر كوريا الجنوبية كمدرس ولا عمل اخر؟ مسمعتش عن حد سافر هذا البلد !

[Militant]

المشاركة الأصلية كتبت بواسطة عبدو عصر

والله ما في حد هيحس بينا إلا لو إتخذنا موقف غير مسبوق حتي نستطيع العيش مثل الساعي في البنك أو ساعي البترول أو الضرائب

والى ان تتحقق هذه الوقفة اهو بندردش مع بعض ونتبادل الاراء

[Militant]

المشاركة الأصلية كتبت بواسطة ام ياسمين$

شكرا لك على الموضوع

الله يكرمك ام ياسمين
ياريت حضرتك تشاركينا الراى فى هذا الموضوع