اسماء المقبولين فى تجارة انجلش حلوان

[shahira tarek]

تم اعلان اسماء المقبولين بتجاره انجليزى وبيس ع النت ::
-----------------------------------------------------------------
اولاّ عن تجاره انجليزى ::
******************
الحد الأدنى للمجموع الاعتبارى للقبول بالشعبة العلمية(398 درجه)
الحد الأدنى للمجموع الاعتبارى للقبول بالشعبة الأدبيه(370 درجه)

اسماء المقبولين ع اللينكين التاليين ::
http://www.helwan.edu.eg/commerce/newspages/results/science.php (علمى)
http://www.helwan.edu.eg/commerce/newspages/results/art.php (ادبى)

ثانياّ عن البيس ::
*************
الحد الأدنى للمجموع الاعتبارى للقبول بالشعبة العلمية(388درجه)
الحد الأدنى للمجموع الاعتبارى للقبول بالشعبة الأدبيه(332درجه)

اسماء المقبولين ع اللينكين التاليين ::
http://www.helwan.edu.eg/commerce/newspages/results/bisscience.php (علمى)
http://www.helwan.edu.eg/commerce/newspages/results/bisart.php (ادبى)

هذه القائمة مبدئية ولا يعتبر القبول نهائى الا بعد سداد الرسوم والمصروفات المختلفة ...
يعتبر الطالب غير مقبول ويأخذ التالى له فى المجموع اذا لم يسدد الرسوم الدراسية اعتبارا من الثلاثاء 10 / 9 / 2013 وبحد أقصى يوم الاثنين 16 / 9 / 2013 وذلك بمقر الكلية بجامعه حلوان .
مبروك للمقبولين , وبالتوفيق للجميع

[تيتانيك]

لولولولولولوى الحمد لله انا اتقبلت ف تجارة انجليش وكنت خايف م الترتيب لقيت ترتيبى ال 180 ..... حمدلله حمدلله حمدلله

[تيتانيك]

شاهير انا ليا طلب عندك انا كنت قاعد تالتة على مادة رياضة 2 وبقالى سنتين مش مسكت كتاب انجليش او فاكر حاجة وخايف انى لما ادخل واكيد هلااقى نفسى مش عارف حاجة الخوف ده ي***نى من البداية ممكن تقوليلى اعمل ايه انصحينى انا ناوى ان شاء الله اذاكر جامد ومش نفسى انجح او اجيب جيد انا عايز اجيب امتياااز قوليلى بالله عليكى ابدئ ازاى واتعامل ازاى مع تجارة انجليش ؟؟؟؟؟؟؟؟؟

[shahira tarek]

اولا مبررروك وبعد كده اسمع كلامى بقى عشان قولتلك هتتقبل وانت مكنتش مصدق بص كده كده الانجليش بتاع ثانوى مالوش علاقه خالص بالانجلش بتاع تجاره لان هتلاقى مصطلحات تجاريه واقتصادية وحاجات جديده هتبقى عليك جديده وع الناس بردو اللى خريجين لغات جديده ومشوفهاش قبل كده يعنى انت وهما واحد تمام وانا اصلا خريجه مدارس عربى وعادى خالص والحمدلله بفهم وبنجح واللى انصحك بيه هوا انك تحضر المحاضرات وتفهم وتكتب ورا الدكتور لان حتى لما تكتب بتحاول تفهم شويه وتستوعب غير ما تقعد متكتبش حاجه وتروح تشترى محاضرات من المكتبات لانك هتلاقى مكتبات كتيييير ف اول يوم هتفضل تقولك هنديك كورسات بسعر قليل وكلام فاضى وكورسات دى اقصد بيها دروس فى المواد مش قصدى بيها كورس انجلش او حاجه....و رياضه دى هتبقى سهله جداااااااااااااااااااااااااااا جدااااااااا وكمان انت علمى رياضه ف هتبقى سهله اوى بالنسبالك حاجات والله يابنى سهله اوى وهتفهمها خصوصا ان ليها سكاشن غير ان الدكتور بيحل معاك بردو .....ومتخافش خالص الموضوع سهل اووى بس اهم حاجه تحضر محاضراتك وسيبك من العيال الفشله لان ممكن يفهموك انهم لا بيزاكرو ولا حاجه وتلاقيهم جايبين تقديرات اعلى منك ف متسمعش كلام حد وسيبك من اللى يفضل يقولك الدكتور دا وحش ومش هتفهم منه لانه بكده هيعملك عقده ويخليك فعلا متفهمش حاجه يعنى من الاخر متسمعش كلام حد خاااالص....بالتوفيييييييييييق

[maged4ninja]

مبروك وربنا معاكم
كان مجموعي جايبها بس انا انتساب القاهره

[تيتانيك]

شكرا جدا جدا جدا ليكى وفعلا اناا مكنتش متوقع انى الحق وكنت خايف مع انك كنتى بتنسينى وتقوليلى هتقبل وفرصتك كبيرة ونا كنت كمان وقتها ناسى ان ف بيس واكيد ف ناس كتييييير هتقدم بيس زى انجليش ولقيت ف الاخر ترتيبى 180 واخدو تقريبا 700 ولسة ف ناس هياخدوهم من اللى حولوا بجد شكرا اوى ليكى وشكرا ع النصايح بس بردو ليا كم سؤال؟
هو انا عادل استعمل الالة اللى كانت معايا ف ثانوى ولا اجيب حاجة اعلى امكانيات عشان ممكن احتاجها ف الالة ؟؟؟؟؟؟؟؟
هو الدكتور اللى هيشرح هيشرح كله انجليش ومش هنفهم حاجة ولا هيساعدنا بعربى شوية من عنده؟؟؟؟

والمحاضرات لازم احضرها كلها ؟؟؟؟؟؟؟؟؟ والسكاشن هتفيدنى ولا ايه ؟؟

[shahira tarek]

هوا انت قدمت فى bis ؟؟؟ .....اه عادى استعمل الاله دى او ممكن تجيب واحه 520 تقريبا مش فاكره رقمها كام .......لا الدكتور بيشرج شويه انجليش وشويه عربى ...ومش لازم تحضر كل المحاضرات بس المحاضرات الخاصه بالمواد العملى احضرها طبعا لازم..... واكيييييييد السكاشن هتفيدك لان اصلا اهم حاجه السكاشن لانها بتكون ف المواد العملى بس وهتبقى محتاج تدرب ع العملى وتعرف اسئله اكتر والمعيد بيقوم ب دا وبيديك امثله كتيييير

[تيتانيك]

ممكن اضيفك فيس عشان عايز استفسر عن حاجااات كتير بعد اذنك

[shahira tarek]

اه ممكن رسايل فيس لكن اضافه صعب معلش

[تيتانيك]

اه اوك رسايل فيس ده اكاونتى ع الفيس ابحثى بالاميل انا عامله ع الياهو : ahmedshafie22

[shahira tarek]

اوك وابقى شوف رسايل الاخرون او الothers

[تيتانيك]

المشاركة الأصلية كتبت بواسطة shahira tarek

اوك وابقى شوف رسايل الاخرون او الothers

امممممممممم طب بالنسبة لاول يوم بيبقى ف محاضرات ولا لا ؟؟؟
وهروح الساعة كم ؟؟؟؟؟؟؟؟؟
هى المصاريف بتبقى ثابتة الاربع سنين ولا بتقل ولا بتزيد ؟؟
هو فعلا سعر الكتاب ف انجليش 40 او 50 ولا بيكونو كلهم ب 2000 زى القاهرة وبقية الامااااكن ؟؟؟
الكتب اجبارية ف اولى وعادى تجيبها ف تانية ولا لا ؟؟ ولا اجبارية الاربع سنين ؟؟؟

[smart5533]

طيب حضرتك تعرف تجيب نتيجة المقبولين فى تربية رياضيات انجليزى حلوان ولا لا ولو تعرف ياريت تنزلهم وجزاك الله خيرا

[shahira tarek]

ع فكره انا بعتلك رساله ع الفيس وانت مش رديت ...... واول يوم مش فى محاضرات ولا حاجه لكن فى دكاترة بيدخلوا ويعرفوك ع نظامهم والكلام دا وممكن تروح ع 8 او 9 براحتك عادى يعنى كده كده اول يوم مجرد تعارف ع ناس جديده مش اكتر والمصاريف بتقل كل سنه حوالى 100 واسعار الكتب فى حدود من عشرين ل 30 وكتب ب 17 و15 يعنى حاجات بسيطه لكن فى سنه اولى التيرم الاولى فى كتاب محاسبه وفى دكاترة مقرفين ممكن يخلوك تجيب الكتب الاورجينال الاصلى يعنى ودا فوق ال100ج وممكن عادى تصورو بس بشرط متجبهوش معاك الجامعه خاااالص لان الدكاترة بيهزقوا اى حد بيشوفوه ماسك كتاب متصور والكتب بتنزل فى مكتبات ف الجامعه لان الدكتور بيتفق مع صاحب المكتبه دى انه ينزل كتابه عندهم وفى دكاترة بيخلوك تجيب الكتاب ويشوفوه معاك عشان خاطر بيدوك منه اسئله ولازم تسلمهم الكتاب نفسه و زى ماقولتلك الكتب اسعارها بسيطه جدااا واصلا فى مواد تجيب فيها كتب و مواد لا يعنى مثلا كتاب الاقتصاد دا لازم تجيب الكتاب لان الدكتور بياخدو منك ويصححوا ويديك درجات عليه و كتاب الماث اللى هوا بيبقى متصور اصلا بردو لازم تجيبه عشان تحل منه اسئله وكتاب ادارة لازم تجيبه بردو لان الدكتور هوا اللى بينزله وبيعلم ع حاجات معينه تتزاكر بس وف اخر كل شبتر اسئله تحلها وكده

[shahira tarek]

لا الحقيقه اانا معرفش اسامى المقبولين ف رياضيات انجليزى ممكن تنزل الجامعه وتعرف بس انصحك تنزل اول يوم وخلاص بدل ماتروح مشوار ع الفاضى لان ممكن هما مثلا بينزلوها اول يوم كلية ...بالتوفيييق