اا .. مين اللي خان ... اا

[ضياء الدين سعيد]

مين حليف الأمريكان
مين يا ناس باع الكيان
مين على أرض العروبة ..
دمر الشوق والأمان
مين حليف الأمريكان
مين على الدم باقي ..
مين قــــتــل أهل الزمان
العروبة .. هي طوبة
برد ساكن في المكان
سوريا مرة ومصر مرة
قـــتـــل الشعب اللي صان
الشهيد دمه بينده ..
من زمان طال الزمان

إسألوا سوريا وغيرها
إسألوا صقر العراق
لما عدموه يوم فرحنا
يومها صدر الأمة داق
إسألوا الأقصى بتاعنا
أمة الإسلام دي فين
أمة نايمة ..
شعب ساكن في الفراق
إسألوا رابعة الأبية
إسألوا نهضة بلاد
لما مصري بنبض مصري
يقـــتـــل الحضن اللي داق
كله داق .. كله داق

جاي تقولي مين عميل الأمريكان
جاي تقولي أمه واحده ..
وشعب واحد ..
بص على الأقصى بينزف
يمنعوا عنه الصلاة
والعميل واقف في أرضي
يهدم البيت والميدان
قبل ما تبص في عروبتي
أو هوية شعب مات
بص للي في بلدي ساكن
أيوا خان .. أيوا خان



أمه نايمه وشعب ساكن
وإسرائيل تبني الحصون
تقـــتــل الشعب اللي ساكن
جوا أرض من القبور
أمه نايمة وشعب ساكن
والزمان هو الزمان
صون بلادك .. صون حدودك
كن عدو الأمريكان
مش على شعبك فتوة
وبرا حُرمه من الكسوف
فين برادعي ..
فين صباحي ..
ولا دورهم كان خسوف !!
قبل ما تسأل شبابك
دوس على رقبة جسوس
شوف شبابك واللي خانك
وإرجع إسأل مين اللي خان


كلمات /
d-e.s.t