|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
06-12-2013, 11:24 AM
|
|||
|
|||
انا تعبت خلااااااااااااااااااااص حد يقولي علي الحل
يا جماعه تظام يومي مش عارفه اظبطه خالص مش عارفه المفروض اصحي البدري وانام الظهر ولا اعمل ايه بالظبط داااااااااااااااااااااااااا غير اني مش لاقيه وقت افتح المواد الادبيه دي كلها بذاكر فيزياء كمياء رياضه اعمل ايه
|
|
#2
06-12-2013, 01:04 PM
|
|||
|
|||
|
انا كمان كده لحد دلوقتي مش مذاكر اي حاجة في العربي والجيولوجيا
|
|
#3
06-12-2013, 03:31 PM
|
|||
|
|||
|
السلام عليكم ورحمة الله وبركاته اولاً شكل كل الطلبة ضايعين >> وانا منهم دا عشا علفكرة احنا مخدناش سنة تانية شهادة ولله الحمد ولكن طبعا لازم نحاول نساعد بعض اولا انا جبتلك اقتباس من كلام واحدة جابت 99.76 من غير ماخدت دروس في اى مادة مش بقولك اعملى زىهاومش تروحى دروس لان احنا في نص السنة ومش واقته مغامرات بس هوا بتهتم بالجداول > عارفة ان المصريين مش بيشموا جداول بس حاولى مثلا اول اسبوع تعملى جدول ولو مشيتى على نصه كويس متحبطيش لان الجدول بيلزمك وحاولى تلتزمى  >> بكلم نفسى المهم الكلام دا ليا وليكى ازاى كنتى بتنظمى وقتك ؟ طبعا أهم نصيحة ممكن أديهالك : الجدول الجدول ثم الجدول من أول يوم في الدراسة (أنا كنت ببدأ من أول يوم في الدراسة مش قبل كدة زي الباقيين او كنت ببدأ قبل الدراسة بأسبوع كدة ) جهزي لوح كبير علي قد ما تقدري و و قسميه لمدة شهر أو شهرين أو ثلالثة زي ما تحبي... بس لو كانت تجربتك الأولي يبقي اعملي شهر واحد عشان خلال الشهر ده هتعرفي كل حاجة و تكسبي خبرة كويسة عن كل مادة و الكمية الي ممكن تذاكريها في اليوم ... أما كل يوم أكتبي المادة و الكمية المناسبة (الفصل الأول : حتي التفاعلات الا ضوئية صفحة كذا مثلاً) قبل ما تبدأي تكتبي في الجدول شوفي انتي بتقدري تذاكري قد ايه من كل مادة و نصيحة ليكي هقولك علي نظام جدولي جميل جدا و ناجح جدا ( اكتشفته في النص التاني من ثالثة ثانوي أما قبل كدة كنت الي حد ما معذبة مع نظام الجدول التقليدي !) و ينفع مع المواد الي مليانة حفظ زي الأحياء و الفلسفة ... بلاش تخلي مادة واحدة في اليوم ياريت لو كانوا ثلاثة مواد فأكثر لحد خمسة أو ستة ...ليه؟ كل مادة هتذاكري منها كمية قليلة بسهولة لانها هتتقسم علي الأيام كلها يعني هيبقي عندك صفحة أو صفحتين في اليوم أحياء مثلاً لأن الكمية صغيرة هتقدري تراجعيها في اليوم التالي بسهولة و بعد أسبوع تراجعي كل الي ذاكرتيه بسهولة جداً لأنك ذاكرتيه كويس و مفيش وقت طويل مر عليه (و بليييز بلاش تذاكري حاجة و بعدين تنسيها زمن لأ أنا عانيت من كدة طويلاً!!!) أتمني أكون فيدك في السؤال الأول و معلش لو كنت طويلت عليكي [color="rgb(153, 50, 204)"]2_ ومكنتيش خايفة ﻻنك مش بتاخدى دروس طبعاً كنت مرعوووووووووووووووووووووووبة بس الفكرة ان أنا عمري ما أخدت دروس في أي سنة من السنين و بقيت متعودة علي كدة و حتي لو بابا و ماما عرضوا عليا أخد دروس كنت هرفض قطعاً ... [color="rgb(153, 50, 204)"]3-مواد علمية زى الفيزياء والاحياء لو حاجة كام صعب فهمها كنتى بتعملى ايه ؟؟[/color] الفزياء و الأحياء صعبين جداً و محتاجين مجهود رهيب و جبار بس خلينا نتكلموا عليهم بعدين ... المهم لما تقف معايا حاجة ( و طبعا ده حصل أكتر مما تتخيلي ) اولاً ألجا للنت و أدور لما دماغي توجعني و أفهمها أو مفهمهاش لكن غالبا كنت علي الأقل بقدر أفسرها تفسير منطقي اهم حاجة إنك تبحثي بالانجليزية لان المواقع العربية مش هتفيدك و ثانيا ممكن أروح المدرسة في يوم من الأيام و أسال أي مدرس و ده كان الحل الأخير و عموما المدرس مهما كان شاطر مش هيرف أكتر من الي هتقرأيه علي النت و في المواقع المخصصة الي كتبها علماء و أساتذة جامعات ... [color="rgb(153, 50, 204)"]4_وممكن تقوللنا ايه الكتب الى كنتىبتستخدميها فى كل المواد ؟ [/color] أولاً و قبل أي شئ : أعتمدي علي كتاب المدرسة تاني أعتمدي علي كتاب المدرسة و دي أهم حاجة في الموضوع طلبة كتير بيغفلوا عنها بالش مذكرات عشان خاطري كلها أخطاء و ناصة معلومات و عمري مذاكرت في مذكرة الا في الدين أو التربية الوطنية !!!! أو لظروف خاصة اكراهاً !!!!! ملحوظة : يستثني من ذلك الفرنساوي! أما الكتب الخارجية بردو مترجعلهاش الا عند الحاجة و أهم مادة تحتاجي فيها كتب خارجية رياضة (مسائل) و فزياء(أسئلة و مسائل) العربي: الأضوء ...أرجعله في المعاني الصعبة و ممكن أقرأ منه مظاهر الجمال فقط الفرنساوي : مش فاكرة و الله اسم الكتاب بس هو معروف و كل الناس بتجيبه الكيمياء : الامتحان (أسئلة و مسائل و امتحانات) الفزياء : الأمتحان (أسئلة و مسائل و امتحانات) و أنصحك جدأ بكتاب الوسام (ثلاثة كتب عملاقة بس جامدة جاتلي قبل الامتحانات بشوية و راجعت منها أحسن مراجعة جنب كتاب المدرسة طبعا) الأحياء : الامتحان (أرجعله في مسائل الوراثة فقط و أحيانا كنت بحل منه أسئلة) الانجليزي : مكنتش محتاجة كتاب خارجي لأن كل حاجة في كتاب المرسة إلا لو هقرأ القواعد المهمة و أي كتاب هيفي بالغرض او حتي مذكرة الرياضة : مش فاكرة أوي بس تقريبا المعاصر (مهم جدا تحلي بقدر الامكان ) مستوي رفيع انجليزي : كان عندي مجموعة كتب و غالبا ذاكرت منهم كلهم لو هتخدي أنجليزي كل الكتب الي تلاقيها قدامك استعمليها كلها مفيدة بالنسبة لك (3 أو 4 كتب عشان متتشتتيش) فلسفة : و لا أي حاجة بس لما تخلصي كتاب المدرسة كله عندك كتاب الأول مراجعة (جااااااامد) خصوصا الامتحانات . معلش لو طولت عليكي و الله لو قلت كل الي استفدته من الثانوية العامة مش هخلص بس أي حاجة انتي تحتاجيها اطلبيها مني و أنا في الخدمة و طبعا أنتي عارفي إن أنا علمي علوم اتمني اكون فيدتك زي ما كنتي عايزة
__________________
حديث الرسول -صلى الله عليه وسلم- : "المؤمن القوي خير وأحب إلى الله من المؤمن الضعيف وفي كلٍ خير، احرص على ما ينفعك، واستعن بالله، ولا تعجز، وإن أصابك شيء فلا تقل: لو أني فعلت كان كذا وكذا، ولكن قل: قدر الله وما شاء فعل، فإن لو تفتح عمل الشيطان"
|
|
#4
06-12-2013, 07:47 PM
|
|||
|
|||
|
كويس الظاهر مش انا لوحدى
__________________
اللهم وفقنى وكل طالب علم لكل خير
|
|
#5
07-12-2013, 08:26 AM
|
|||
|
|||
|
شكرااااااااااااااا يا ياسمين كلام حلوة اوي علي فاكره انا بردو مش باخد دروس في ولا ماده غير العربي وهي دي المشكله اني مش عارفه انظم وقتي وحاسه اني تايهه مش عارفه انا المفروض اخد اد ايه بالظبط او ايه الي علي قد استطاعتي بس عمتا انا هستعين بالله واحاول تاني المشكله اني عبال ما بفهم الفيزياء والكمياء مش بلحق اخلص الباقي واو ممكن اكون علشان انا الي باخد كتير في المره بس عمتااااااااااااااااااا جزاكي الله خيرا
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:26 PM.
