|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
14-10-2013, 06:45 PM
|
||||
|
||||
الثـــــــــــــانوية العامة, من الاخر ..خلاصة تجارب واحدة ف كلية الطب :d ... منقوول
كل سنة وانتم طيبيبن أعضاء بوابة الثانوية العامه الموضوع ده بجد لسه قرياه وبجد افادنى جداا فحبييت افيدكم ... وهو منقووووول ... من منتدى آخر وبجد بشكر صاحبته جدا جداا والموضوع مكتوب بصيغه التأنيث لانه من منتدى نسائى .. لكن النصائح بجد رائعة اتمنى تفييدكم زى ما فادتنى جدااا السلام عليكم ورحمة الله وبركاته ازيكوا يا بناتيت ؟؟؟ عاملين ايه فى الساقعة دي؟؟؟ الموضوع ده اتطلب مني كتييييييييييييييييييييييير اوى اكتر مما تتخيلوا هع هع هع ووعدت كتير انى اعمله لكن للأسف كنت بتشغل أوى ومش بقدر اعمله عشان الامتحانات وكده المهم قررت أنزله النهاردة ويارب يفيدكوا لو داخلة على ثانوية عامة او عندك بنت قربت عليها او اى حد خليهم يقروا الموضوع ده ^^ ******************** بصي يا ستي دلوقتي انتى داخلة على ثانوية عامة حاجة هتحدد حاجات كتير اوووووووووى ف حياتك حاجة ممكن تغير حياتك كلها سواء للأحسن أو للأوحش حاجة هتحدد مستقبلك كله الموضوع كبيييييييييير هع هع هع كبير جداااااااااااااااااااااا ولازم تعرفي حجمه قبل ما تدخليله ***************** - أول حاجة و أهم حاجة ومش هوصيكي عليها , الصلاة ثم الصلاة ثم الصلاة , بتفرق فى النفسية 180 درجة بجد لازم تحافظي عليها مهما حصل , وبلاش تتحججي لنفسك وتقولي المذاكرة ومش المذاكرة , مش بتاخد وقت نهائي أصلا و هتديكي طاقة نفسية رهيبة .... والله ما هو كلام وبس انا بديكوا تجربة شخصية ان فعلا لما تحسي انك قريبة من ربنا كده قلبك هيتطمن وهتحسي ان ل حاجة سهلة , وكلمة قريبة من ربنا دي مش قصدي بيها صلاة وبس طبعا , دي ليها مكونات كتير جداااااااااا أكيد كلنا عارفنها , انا بقولك على الأساسيات بس ( الصلاة عماد الدين ) على قد ما تقدري تحافظي عليها على الأقل الفروض الخمسة . - والدتك ووالدك لازم علاقتك بيهم تبقى تمام , أى توتر فى العلاقة هيأثر عليكي واحنا مش عايزين الكلام ده - المذاكرة تبدأ من أول السنة , كلنا قدراتنا بتختلف وفي اللي بيقدر يبدأ متأخر و يلم , بس برضه عمر ما اللي بيبدأ من أول يوم زي اللى بيبدأ من اخر شهر , مش هقولك قطعي نفسك واحبسي نفسك فى الاوضة وماتاكليش ولا تشربي و ذاكري بس هع هع هع بالعكس خالص , طبعا انتى هتبقي بتاخدي دروس ف كلللللل المواد , أهم حاجة تاخدي الدرس من هنا ترجعي تذاكريه على طووووووووول هبقى صريحة معاكوا وهقولكوا انى ماكنتش بعمل كده دايما و ساعات كنت بأجل المذاكرة لغاية ما معاد الدرس الأسبوع اللى بعده ييجي , بس ندمت انى كنت بعمل كده هقولك على حاجة لما تروحي الدرس وتركزي جداااااا و وتستوعبي الموقف وترجعي تذاكري اللى لسه واخداه الموضوع هيبقى أسهل بكتيييييييييير و هياخد من وقت قليل اوى اوى اوى يعني هتوفري كمية وقت رهيبة - كل ما المدرس يقول ان في امتحان لااااااااااااازم تذاكري للامتحان ده , بجد الحكاية دي هتساعدك جداااااااااااا انك تراجعي اللي ذاكرتيه , ومذاكري من غير مراجعة تساوي فشل عشان ولا كأنك ذاكرتي حاجة , لازم تراجعي مرة واتنين وعشرة - بلاش أفورة فى الأمور , يعني مش تذاكري 19 ساعة فى اليوم وتقولي ده انا مقظعة نفسي ومابنامش ومش عارفة ايه , الكلام ده تشيليه من دماغك خالص واعرفي ان اتر ناس بتفشل هي اللى بتعمل كده - تنامي ال 8 ساعات بتوعك ميزدوش ولا ينقصوا , و تفطري وتتغدي وتتعشي و تاكلي براحتك , وف اول 5 شهور عادي جدا اخرجي كمان مع أصحابك كل فترة والتانية بلاش تقفلي على نفسك اووووووووى - نصيحة بقى لوجه الله ودي على فكرة أكبــــــــــــــــــــر حاجة ساعدتي ... شيلي الكمبيوتر أو اللاب توب نهائي , ولو بتفتحي نت من موبايلك اغصبي نفسك انك متفتحيش او متخليش معاكي كريدت أبدا بحيث متفتحيش نت خالص , الموضوع اول اسبوعين هيبقى صعب بعدين ولاااااااااا هتحسي بحاجة هيبقى عادي جدا وهتكوني وفرتي كمية وقت رهيييييييييييييييييييييييبة - ماتقولي انا النهاردة كله هذاكر مادة واحدة ... غلط اوووووووووووووووى , خلي اليوم متنوووووووع لفي على كذا مادة فى اليوم - خليكي انسانة طموحة , بلاش شغل الفشل والكسل ده والنبي هع هع هع ولما أقول طموحة يبقى طموحة ف كل حاجة , أهمها الطموح للمعرفة , وماتتحججيش وتقولي نظام التعليم فاشل ومعرفش ايه , هو فاشل طبعا بس مش معنى كده ان مستقبل حضرتك يضيع وتدخلي كلية انتى مش عايزاها ولا حباها لمجرد ان النظام فاشل , الموضوع فى الكلية بيختلف تماما - اتحدي نفسك داااااااااايما و دايما خلي عندك ارادة انك تكسري أرقام قياسية - خلي عندك يقين رهيب ان ايوة انتى تقدري تطلعي من أوائل الثانوية العامة !!! والله الموضوع مش صعب نهائي مجرد محتاج ذكاؤ وتنظيم وقت - افهمي اللى بتاخديه , بلاش نظام يلا نحفظ وخلاص , فى الدرس وهو بيتشرح اسمعي كويس كلام المدرس وافهمي كل حاجة بيقولها ايه ولو مفهمتيش حاجة اسألي ماتتكسفيش - النصيحة دي بقى مش مقصود بيها حاجة وحشة لا سمح الله هع هع هع بس لما تختاري مجموعتك مع المدرسين دايما اختاري مجموعة البنات بس انا ممكن أحلفلك من هنا لبعد بكرة ان الموضوع ده هيفرق جدا جدا جدا هع هع هع شخصيات البنات بتختلف وفي اللي بتعرف تفصل وفي اللى لأ احمي نفسك من فكرة انك تهتمي بنفسك يعني ايه الهبل ده ؟؟؟ يعني عادة احنا كبنات بنحب جمالنا زيادة عن اللزوم وخصوصا لو المكان اللى رايحاه محتوي على نوع غير أثنوي هع هع هع (مش هنضحك على بعض دي طبيعة فطرية هع هع هع ( المهم ان لما تبقى المجموعة كلها بنات بس مش هتهتمي اوى بفكرة ان الطرحة مش معدولة ولا ان شعرك هايش ولا هتضيعي وقت بتختاري ف لبسك صدقيني الحكاية هتبقى أسهل بكتييييييييييييييييييير و تركيزك ف الدرس هيبقى أعلى 180 درجة انا عملت اللي علينا وقلتلكوا هع هع هع - اهتمي بأكلك أوى اوى اوى اوى اوى , الفطار ده حاجة أساسية بجد , وماتكليش كتير فيه ! عشان ماتبقيش تقيلة , كل حاجة بالمعقول حلوة - طبعا مش هوصيكي على مكان مذاكرتك , اختاري أهدى مكان فى البيت ويبقى مقفول , المكتب اللى انتى قاعدة عليه بيفرق , اه والله العظيم بيفرق اختاري حاجة طولها مناسب و كرسي كويس بحيث قعدتك تبقى مظبوطة و يبقى في شباك يجيبلك هوا - رتبي دايما كتب ومذكرات المواد مع بعضها عشان ماتضيعيش وقت وانتى بتدوري - موبايلك ده يتقفل تماما , صدقيني محدش مهم هيتصل بيكي ارك اصحابك بيرغوا ف اى حاجة هع هع هع كبري دماغك واقفلي او على الأقل اعمليه سايلنت طول فترة المذاكرة - بلاش تغيري المدرسين كتير , يعني حاولي من الأول تحجزي مع ناس موثوق فيهم وأسامي كويسة , عشان لو قعدتي كل أسبوع تغيري ف المدرسين هتتلغبطي وتحتاسي ويفوتك كتير مش قصدي تعدي مع نفس المدرس حتى لو مش عاجبك , قصدي حاولي على قد ما تقدري من الأول تختاري ناس كويسة - نامي بدري واصحي بدري , دي من أهم النصايح اللى ممكن أديهالك , بجد والله العظيم فرق كبييييييييييييير جدا بين المذاكرة الصبح وبالليل , وجربي بنفسك وانتى هتعرفي - اختاري طريقتك المفضلة فى المذاكرة يعني بلاش تقولي لناس تعلمك تذاكري ازاى , مش بعد 16 سنة تعليم ولسه مش عارفة المذاكرة ازاى يعني هع هع هع - ادخلي الكلية اللى انتى عايزاها ابتسامة بس هاتي مجموع يشرف ^^ - مكان مذاكرتك ميكونش فيه ااااااااااااى حاجة تشغلك و ده يشمل الحاجات دي ( كمبيوتر , موبايل , مراية ) -تحطي جمبك ازازة ماية ديما بحيث متقوميش كل شوية - بلاش الكدب فى الكلام , مش لما حد يقولك اخبار المذاكرة تقولي زفت وقطران وانتى اصلا نازلة دح فى البيت هع هع هع لما حد يسألك قولي الحمد لله وعلى فكرة الناس بتكره اوى الناس اللى بتعد تقول ده انا هضييييييييييع وفى الاخر يجيبوا درجات نهائية ملهاش لازمة نهائي الحكاية دي ربنا مش بيضيع تعب حد بلاش تفكري فى الحسد والحاجات دي - اؤمني بنفسك وبقدرتك , ايوة والله العظيم انتى تقدري تحققي حاجات انتى ذات نفسك ماتتخيليهاش , اوعى تحبطي نفسك او تقولي انا مقدرش , تقدري وووووووووووونص , اتعبي ! أى حاجة حلوة فى الدنيا دي لازم تتعبي علشانها - وانتى بتذاكري ومثلا عندك موضوع 15 صفحة هاتي قلمك السنون أول ما تبدأى و اكتب فووووق ف كل صفحة جملة تشجعية لنفسك , مثلا اكتبي " ان شاء الله من الأوائل " او " هكمل يعني هكمل " او " يا انا يا الثانوية العامة " او " ان شاء الله هفرح ماما وبابا وهخليهم يطيروا من الفرحة " .... الخ الخ الخ , كل ما تفتحي صفحة جديدة الجملة اللى انتى كاتباها هتحمسك لحد ما تخلصي مذاكرة - حلي اسئلة كتيييييييييييييييييييييييييييييييييييييييييييييييي ييييييييييييييييييييير , كل ما تذاكري موضوع لاااااااااااااااااااااااااااازم تحلي عليه أسئلة الحكاية دي أساسييييييييييييييية ومذاكرة من غير اسئلة تساوي صفر - لما تيجي داخلى على امتحانات حلي كللللللللللللللللللللللللللللللل اسئلة السنين اللى فاتت ف كل المواد , كلها بلا استثناء , و تبقي ماسكة كتاب المادة جمبك ولما سؤال يقف قدامك تفتحي وتشوفيه و تذاكريه تاني , ف الاول هتلاقي نفسك مش عارفة حاجة و بتفتحي الكتاب كل شوية , بعدين هتلاقي انك ماشي زي الصاروخ فى الامتحانات كلها وهتتعودي على جو الامتحان اوووووووووووووى و دي من اهم اهم اهم اهم اهم الحاجات اللى ممكن تعمليها - الخطوة اللى فاتت طبعا ما تبدأيهاش الا لما تكوني مخلصة مذاكرة المادة كلها , يعني عادة بتبدأيها ف اخر شهرين قبل الامتحانات كده - ادي نفسك راحة , يعني مثلا ف الاول كده خدي كل اسبوع يوم راااااااااااحة متعمليش فيه أأأأأى حاجة نهائي ولا تفكري فى المذاكرة أصلا , ومتفتحيش نت هع هع هع عشان لو فتحتيه يوم هترجعي للادمان اعملي اى حاجة مختلفة ف اليوم ده بحيث تفرفشي شوية ********************* استمتعي ^^ ثانوية عامة الواحد مبيعرفش قيمتها الا بعد ما يسيبها بجد كانت أصعب و أجمل فترة ف حياتي كلها و أدفع نص عمري و أرجعلها مع اننا كنا سنتين و كانوا سنتين صعبين جدا جدا جدا ف حياتي بس هيعدوا و هيوحشوكي اووووووووووووى أيام النتيجة كانت أحلى أيام حياتي بجد السعادة اللى هتبقى عند الناس اللى فى البيت عندك هتنسيكي كل لحظة تعب تعبتيها , يااااااااااه بجد على ده احساس هتحسي انك حققتي حاجة بجد و هتقولي الحمد لله انى تعبت و كافحت وقدرت أحقق حاجة كفاية فخر مامتك وباباكي بيكي بجد مهما انت الكلية اللى هتدخليها حتى لو مش محتاجة مجموع برضه متحرميش نفسك من الاحساس ده ابدااااا احساس انك تعبتي جامد اووووووووووووى وشوفتي نتيجة تعبك والله انا مش عارفة أوصفه بكلام مجرد هقولكوا أعملكوا اللى عليكوا وسيبوا الباقي على ربنا والخير هو هيجيبه ابتسامة اه على فكرة انا جايبة 99,8% ف ثانوية هع هع هع وحاليا انا ف سنة تانية كلية الطب وبقولكوا كده عشان تثقوا فى اللي بقوله بس هع هع هع ادعوووووولي بقى 
|
|
#2
14-10-2013, 07:42 PM
|
||||
|
||||
|
تسلمى على النقل و افادة الجميع
و ربنا يوفق صاحبه الموضوع و يباركلها على نصايحها الممتازه
__________________
... لا اله الا انت سبحانك انى كنت من الظالمين لا اله الا انت سبحانك انى كنت من الظالمين لا اله الا انت سبحانك انى كنت من الظالمين لا اله الا انت سبحانك انى كنت من الظالمين
|
|
#3
14-10-2013, 08:03 PM
|
||||
|
||||
|
اقتباس:
شكراا جزيلاا ..
ويارب تكون استفدت ولو بحاجه بسيطه ..
|
|
#5
14-10-2013, 08:35 PM
|
||||
|
||||
|
اقتباس:
وفيكـى يارب .. نورتى التوبيكـ
|
|
#6
14-10-2013, 10:11 PM
|
||||
|
||||
|
تسلمى أوى على الموضوع ده
بجد نصائح روعه.. ربنا يوفقنا يااااااااااااااااارب
|
|
#9
15-10-2013, 09:26 AM
|
||||
|
||||
|
نورتمـ الموضوع ..
يارب تكونوا استفدتمـ
|
|
#10
15-10-2013, 09:28 AM
|
||||
|
||||
|
اقتباس:
بص الاحلى من جدول المذاكره هو انط تطبق حكمة .. " لا تؤجل عمل اليوم الى الغد "
وبجد هتستفااد جداا وهتوفر وقت كبيير جداا يعنى اللى تاخده على طوول تيجى تذاكره لانو فى ناس بتقدر تلتزم بجدول وفى ناس ما بتقدرش يعنى على حسب قدراتك لو هتعرف تمشى بجدول اعمل جدول لو مش هتعرف ذاكر اول بأول ..
|
|
#11
15-10-2013, 04:44 PM
|
||||
|
||||
|
للـــــــــــــــــــــــرفع
|
|
#12
15-10-2013, 06:29 PM
|
||||
|
||||
|
198 مشاهده و10 ردود بس .. طيب كده ينفع
تقرى كده وتجرى ... اتمنى من كل واحد استفاد بحاجه يدعيلى ويدعى لصاحبة الموضوع كتر خيرهاا وشكراا
|
|
#13
15-10-2013, 11:26 PM
|
|||
|
|||
|
الف شكر على الموضوع الرائع
بس عندى تعليق بسيط انا مش هلاقى الوقت الكافى علشان اطبق الكلام ده بالظبط لسبب بسيط ان انا عندى 7 مواد مش 5 زى زمان 
|
|
#14
16-10-2013, 12:23 PM
|
||||
|
||||
|
اقتباس:
بالاضافه اللى اباخده فى الدرس او المدرسه برجع اذاكره على طوول ...
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:31 AM.
