معلهشى احنا بنستهبل

[أ/رضا عطيه]

معلهشى احنا بنستهبل

لما البرادعى يهرب من الميدان فى الوقت العصيب
المرة الأولى حين فرهاربا ورفض الدخول فى الرئاسة ليخليها للإخوان
ويؤمر رفاقه بعصر الليمون
والمرة الثانية حين كانت مصر على صفيح ساخن فأراد أن يحرقها كلها
ففر هاربا لمؤتمرات كل من هو ضد مصر
وبعد دا كله تلاقى ناس طالعه تقو ل لك (البرادعى رمز الوطنية والحرية )
يبقى معلهشى احنا بنستهبل






لما تلاقى كل مجموعة من الناس عاملين مؤتمر لمساندة السيسى
ويتكلموا باسم الشعب وكأن همَّا بس اللى بيساندوا السيسى
وتلاقى بعضهم طالع علينا يصرخ ويقول
مرشحنا هيبقى رئيس من غير انتخابات !!
تبقى العصافير تشتغل من تانى ونقول لهم (أبوكوا السقا مات )

وإلا كدا نبقى بنستهبل






لما كانت الناس بتطالب عنان ليترشح فى انتخابات الرئاسة السابقة
فيرفض ويعمل جاهدا لتوصيل الإخوان للقصر --
ويطلع دلوقتى يقول لك ماحصلشى
ومُصِر على نزوله الانتخابات القادمة
ومع كل دا ماتهرشى فى مؤخرة رأسك وتجيبها من المخيخ للدقن فرك
يبقى معلشى دا استهبال برتبة فريق





لما يخرج علينا أبو الفتوح ويقول لك مصر الفاشلة ستعود بالثورة ضد الحكم العسكرى الحالى
وكل مؤيديه الأن يدوب يملوا أتوبيسين وتكتك –
وكنا فى يوم من الأيام بنقول عليه الرجل المناسب للحكم

يبقى لازم نتعلم لأننا فعلا كنا بنستهبل





لما نبقى عارفين ومتأكدين إن اللى بيحاربنا الأن دول وليست دوله
ويطلع حمدين يخطب فى الشباب فيقسمهم نصِّين
ويشتغل الإعلام على هذا الأمر على الأقل شهرين قادمين
وتتوه القضية الحقيقية فى استديوهات وصحف المهلباتية
وتموت ولادنا فى الجيش والشرطة ويقولوا كله علشان بهيه
ومجرد تهديدهم يعملوا منها قضية ويصعدوها للمحكمة الدولية

يبقى معلشى احنا بنستهبل






لما ابن الحاج سلامه يطلع من بيته لعمله وأكل عيشه ينظم المرور
ويتحمل سخرية ولاد الهلِّيبة ورخامة البلطجية والنَّهيبه
وبعد ساعة يرجع للحاج سلامه فى صندوق بعد رصاصة من إرهابى
وتلاقى نافعه طالع لك بمعاهدة مصالحة
يبقى لازم تمنعوا عن نافعه المياه المعدنيه وتسقوه غصب عنه من مية النيل الأصلية
يمكن يعود لصوابه ونعمل نهاية للتمثيلية
ويبطل يتلقى رسايل الخارج و يستهبل







وبعد ماضاع الأمن والأمان وفى الطريق مخطط لضياع العنوان ولسه بنقول ثوره وثوره
يبقى بنضحك على نفسنا ونستاهل كل اللى يجرى لنا
هى ثورة صححت مساوىء وسلبيات ثورة ومعظم اللى كانوا هنا هما اللى كانوا هنا
وهما هما اللى صححوا خطأهم بعد ماعترفوا بيه- يبقى الخلاف على إيه؟
ومفيش حد متشعبط فى يناير وكاره يونيو غير اللى كان عايزها تقع م الفوضى
واللى يقول غير كدا يبقى بيستهبل







من يوم مالسيسى قال (لاعوده للنظام القديم )والحرب عليه صبحت من فريقين –
فريق الأسبق وفريق السابق
ولان شماعة السابق هى الرايجة اليومين دول -

فانغمس السابق مع الأسبق
وقريبا هيعملوا دويتو لحرق مصر
ربنا يسلم ويرد كيدهم فى نحورهم






لما أغلبية الناس فى الشارع شغاله على طلبين ---
اترشح ياسيسى وارحل ياببلاوى
اترشح ياسيسى وارحل ياببلاوى
اترشح ياسيسى وارحل ياببلاوى
اترشح ياسيسى وارحل ياببلاوى
اترشح ياسيسى وارحل ياببلاوى
ولاهما لاقيين ده ولا شايفين ده
والدلال شغال من السيسى يوم بعد يوم بعد يوم بعد يوم
وجدو ببلاوى مقضى يومه
ساعة متحدث رسمى للحكومه والباقى نوم

يبقى الدلال من الاستهبال




لما تلاقى بكرى بيقول والسيناوى بيقول وموسى بيقول
وعزوز بيقول وزويبع بيقول وأديب بيقول

والقرضاوى بيقول و هيكل بيقول
وكل كلامهم دايما يطلع فشنك
وكأننا راجعين لزمن التنجيم
يبقى الكل بينجم و يستهبل


لما تلاقى عبد الرحيم بيسرب والجلاد بيسرب ورصد بتسرب
وكل اللى بيسرب عند سد النهضه متعمد يتهرب
يبقى تعظيم سلام للجِندى (شهيد بحرى) اللى رحل علشان بلدنا تعيش
وتعظيم سلام للجِندى (مناضل قبلى) اللى بيجرى شمال ويمين
علشان بلدنا ماتموتشى م العطش

واحنا قاعدين ولسه بنستهبل


لما يبقى عندنا إرهاب بي*** فينا كل يوم لتدمير الحاضر
وعندنا مؤامرة لتعطيش وطن الأبناء والأحفاد فى المستقبل
ولسه العميل بيبعت برقيات شكر لأوباما ونتنياهو وأوردغان
ولسه مدعى الوطنية شاغل نفسه بالانتخابات والحلم بتاع زمان
وبعد ماضاع الأمن والأمان ولو استمرينا كدا هيضيع كمان العنوان

يبقى لازم نقضيها لهو وكمان نستهبل




وسامحينى يا أمى
ابنك عمرك ماكان أهبل لكن من قلة حيلته بيستهبل

[الاستاذ رياضيات]

نعم هذا استهبال
لابد من حث المشير القائد السيسى باعلان انتخابه وهذا ماسنفعله بعمل مسيرات بالورود لوزاره الدفاع وستكون يوميه لحثه الى الترشح
ندعوا الشعب المصرى بالانضمام لنا لحث المشير لاعلان ترشحه

"الشعب يأمر" غدا الخميس الساعه الواحده ظهرا بالورود امام وزاره الدفاع

[gihanegypt]

والله حاجة تجنن

[amrmosa]

والنبى خد مع الورد شوية كوسه لزوم التعريض و بعدين هو مين اللى بيحكم اظن السيسى هو اللى بيحكم وبعدين لازم تقولوا وانتم ريحين والنبى يا سيسى علشان خطرنا و النبى

[أ/رضا عطيه]

بالله عليك

قريت كم سطر من الموضوع

ولا أنتم مجرد مابتشوفوا السيسى فى أى موضوع بتحضر عفاريتكم

طب خد عندك

ولاتنسى (موتوا بغيظكم )

السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى
السيسى

ونلتقى بعد الفاضل
مع قاهر الإرهابيين وراعب المرعوبين ومعفرت المعفرتين وكاشف المتاجرين باسم الدين

لو نجح السيسى ولو لم يرسل لكم برقية شكر لحسن تعاونكم معه فى الدعاية
هيبقى صحيح ناكر للجميل
دا أنتم أحسن دعاية له
فيه ناس بتستهبل زى حالاتى كده بيقولوا البرنامج قبل الرئيس
حتى لانصطدم بنهضة فنكوش تانى -- ولا إيه ؟
طبعا اللى بيستهبل زى مش موجود فى فكركم
لأن الحقيقة أنتم لاتختارون ولكن دائما يختار لكم
واللى زى بيعملوه أعوذ بالله واستغفر الله العظيم والشر بره وبعيد اسمه (ديمقراطية)
ياترى عندكم من هذا الصنف ؟؟؟؟؟؟؟؟؟؟


شكرا ياسعيد