معلمو الدروس الخصوصية هم سبب نكبة المعلمين

[محمدشومان]

طبعا كلنا منتظرين ان ينصفنا صبرنا عندما نقبض مرتب شهر يناير وكل منا يجلس قبل النوم ساعات يحسب الزياده الجديده ويفكر مليون مرة الزيادة كام .

وبكل صراحة اقولها الى زملائي المعلمين اللى ملهمش فى الدروس الخصوصية بالمرة

لما تقبض الفلوس فى ايدك ها تلاقى 100 ج زياده هتحمد ربنا وتقول الحمد لله

عارفين ليه
لان باقي زملائنا المعلمين بتوع الدروس الخصوصية مش فارقه معاهم وعاملين صفقه من الوزارة طبعا غير متفق عليها لا سمح الله .

الوزارة عارفه كل حاجه وعايزه تقول سيب وانا اسيب اسيبك تدى درس وسيبنى اعمل اللى انا عايزاه براحتى

هي دى الحقيقة المرة اللى مش قادرين نستوعبها لانها مش فارقه معاهم

كم واحد طلع منهم فى وقفاتنا الاحتجاجية على تدنى وضع المعلم

المكافئة كانت بتيجى على بعضها زى الجمعية لكن
حسبى الله ونعم الوكيل

[ahmed salh]

كلا مك مظبوط

[eltabry]

ياجماعه نقابه مستقله او النقابه الرسميه
المهم اننا نتحد من جديد عشان مطالبنا
ودي صفحه علي الفيس بوك للتواصل
https://www.facebook.com/Qaliubia?ref=hl

[mohamed sabry mohamed]

انت على حق ولكن السبب مش في المدرسين السبب في اولياء الامور وطرق وضع الامتحانات في مصر التي تجعل التلميذ وابوه مجبريين على اخذ درس

[medo25_2006]

يقولون تطوير التعليم والله عمر التعليم ما هيتطور طول ما المعلم حاسس بالظلم وحاسس ان مفيش عدالة انا عن نفسى مش عايز زيادة بقدر منى عايز عدالة عدالة عدالة

[الباشا الدخاخنى]

لو المناهج كويسة تعمل على التفكير وليس الحفظ ماكنش دة يحصل الفلوس اللى بيدفعها الاهالى للدروس تطور التعليم حتى المدارس اللى عملتها الوزارة بمصاريف فيها دروس لان المشكلة فى طريقة الامتحانات وحصول الطالب على درجات دة غير ان الدروس خلت المدرس يسلط الطلاب على مدرس الفصل ومدام الطالب بيخد درس طز فى المدرسة ومدرس المدرسة
انا عندى فكرة كدة كدة ولى الامر بيدفع ممكن تخلى التعليم بمصروفات ربع المدارس الخاصة
ويحظر الدروس والمجموعات المدرسية لانها سبب فساد التعليم وتدهور العلاقة بين المعلم والطالب ونحسن مستوى المعلمين من هذة المصروفات

[صبحي ابو الغيط]

بس يارب يطبقوا الكلام ده