عاجل وينفذ : وزير المالية بعيدا عن الحد الادنى علاوة مقابل الاعباء الوظيفية للتعليم

[م رمضان الصباغ]

نقلا عن اليوم السابع اليوم 6/12014

قالت وزارة المالية، إن علاوة مقابل الأعباء الوظيفية للعاملين بوزارة التربية والتعليم والأزهر، تكلف الخزانة العامة ما يقرب من 8 مليارات جنيه سنويا، يستفيد منها 1.5 مليون موظف، فى حين تصل تكلفة صرفها خلال الستة أشهر المتبقية من العام المالى الحالى من يناير حتى يوليو المقبل، ما يقرب من 4 مليارات جنيه.

ومن المقرر صرف علاوة المعلمين والحد الأدنى للأجور لموظفى الدولة مع راتب شهر يناير الجارى.

وتصل تكلفة العلاوة بالنسبة للعاملين بوزارة التربية والتعليم حوالى 6.2 مليار جنيه سنويا، يستفيد منها 1.2 مليون معلم، مقابل 1.8 مليار جنيه للعاملين بالأزهر، يستفيد منها 344 ألف موظف، بحسب بيانات نشرتها وزارة المالية، اليوم الاثنين، بموقعها الإلكترونى على الإنترنت.

أما بالنسبة لعلاوة الحد الأدنى للأجور للعاملين بالجهاز الإدارى للدولة، فيكلف الخزانة العامة 10 مليارات جنيه سنويا، يستفيد منها 2.8 مليون موظف، بينهم 500 ألف موظف مؤقت.

وذكرت الوزارة أن عدد المستفيدين من تطبيق قانون تنظيم أعضاء المهن الطبية يبلغ حوالى 464 ألف، دون أن تذكر تكلفة تطبيق القانون بجداول العلاوات.

يارب سترك ورضاك

[mhf_77]

هل راتب المعلم المساعد الحالى 1300؟؟ انا معلم مساعد واجمالى الراتب الشامل قيل الخصم 900 وبعد الخصومات 640 وحتى لو وزعت عليه المكافأه السنويه شهريا هيتطلع 1100 شامل قبل اى خصومات وبعد الخصومات يتطلع 790يبقى ايه 1300 دى اللى بنقبضها حاليا ؟حد يفهمنى لو فاهم لأن المشكله كلها فى 200 جنيه دول اللى عاملين كل اللبس ده سواء كان الشامل هيبقى1500 او 1700 لانهم حاسبين فرق 200 جنيه علينا من دلوقتى واحنا مبناخدهاش من اصله وهتفضل تترحل مع كل جدول جديد مكتوبه فقط ومحسوبه علينا فقط دى حتى مش موجوده على الشامل ومخصومه من الاستقطاعات دى وهم ملهاش اى اساس اصلا .. ياريت لو حد فاهم يفهمنى يمكن اكون حاسبها غلط !!!!!

[elmister_79]

المشاركة الأصلية كتبت بواسطة mhf_77

هل راتب المعلم المساعد الحالى 1300؟؟ انا معلم مساعد واجمالى الراتب الشامل قيل الخصم 900 وبعد الخصومات 640 وحتى لو وزعت عليه المكافأه السنويه شهريا هيتطلع 1100 شامل قبل اى خصومات وبعد الخصومات يتطلع 790يبقى ايه 1300 دى اللى بنقبضها حاليا ؟حد يفهمنى لو فاهم لأن المشكله كلها فى 200 جنيه دول اللى عاملين كل اللبس ده سواء كان الشامل هيبقى1500 او 1700 لانهم حاسبين فرق 200 جنيه علينا من دلوقتى واحنا مبناخدهاش من اصله وهتفضل تترحل مع كل جدول جديد مكتوبه فقط ومحسوبه علينا فقط دى حتى مش موجوده على الشامل ومخصومه من الاستقطاعات دى وهم ملهاش اى اساس اصلا .. ياريت لو حد فاهم يفهمنى يمكن اكون حاسبها غلط !!!!!

حضرتك المبلغ 1300 ده المبلغ المقرر ليك بعد أضافة الحد الادني بالاضافة الي علاوةالاعباء الوظيفية هتوصل للمبلغ المذكور في الجدول أرجو أن تكون الامور اكثر وضوحا

[mhf_77]

المشاركة الأصلية كتبت بواسطة elmister_79

حضرتك المبلغ 1300 ده المبلغ المقرر ليك بعد أضافة الحد الادني بالاضافة الي علاوةالاعباء الوظيفية هتوصل للمبلغ المذكور في الجدول أرجو أن تكون الامور اكثر وضوحا

ياريت واتمنى ذلك لكن للاسف هو مش حاسب فى جدول الحد الادنى بتاع الموظفين اعداد المعلمين وحاسبهم مره واحده بس فى جدولهم لو كلام حضرتك هو المقصود - كان اعداد المدرسين اتحسبت فى الجدولين مره مع اعداد المستفيدين بالحد الادنى ومره تانيه بالعلاوه الخاصه واستفادو فى المرتين لكن الاستفاده مره واحده بس وراجع الاعداد فى الجدولين وانت تتاكد من وجهة نظرى

[miro2010g]

ياجماعة علاوة الحدالادنى للاجور هى نفس علاوة الاعباء الوظيفية بس غير اسمها فالتربية والتعليم بس يعنى مفيش اى فرق للمعلم عن الموظف العادى

[malakdarsh]

الصبر شوييييييييييييييييية

[karima elgzar]

السلام عليكم عضو جديد

[ghada abo agwaa]

هما عيزين يخلعونا من القانون 47 ليستفردوا بيتا

[ali metwaly5]

المشاركة الأصلية كتبت بواسطة miro2010g

ياجماعة علاوة الحدالادنى للاجور هى نفس علاوة الاعباء الوظيفية بس غير اسمها فالتربية والتعليم بس يعنى مفيش اى فرق للمعلم عن الموظف العادى

لا ياصاحبى دى علاوه ودى بدل يختلفوا مش واحد

[عمران جابر مهني]

احنا نصبر لما الفاكس يوصل المحافظات وبعدبن نتكلم

[أبلة ناهد]

العلاوة مقابل الأعباء الوظيفية تم اقرارها للمعلمين
نظرا لخروجهم من علاوة الحد الأدنى
ده كلام نهائى ومن مصادر موثوقة جدا جدا

***
يعنى زينا زى باقى الموظفين فى الدولة تقريبا

[Mr...Ahmed]

اللى فعمته بعد ما دماغى وقفت من التفكير اننا هتترفع مع الحد الادنى ونترفع تانى ببدل الاعباء الوظيفية
اتمنى هذا

[ali metwaly5]

المشاركة الأصلية كتبت بواسطة Mr...Ahmed

اللى فعمته بعد ما دماغى وقفت من التفكير اننا هتترفع مع الحد الادنى ونترفع تانى ببدل الاعباء الوظيفية
اتمنى هذا

كلامك صح جداااااااااااااااااااااااااااااااااااااااااااااااا اااااااااااا

[مازن شلبى]

سوف أتحدث معك عن شيئ لابد أن تعرفوه قبل وصول أي فاكسات أو إشارات عن الحد الدنى ويفهم كلامي ويقره من له علاقة بالمرتبات
بالنسبة لمسالة الأرقام والمبالغ اللى انتوا بتسمعوها مرة العلم المساعد 1700 ومرة 1200 يا جماعة ده اجر شامل
نرجع نقول يعني ايه اجر شامل يعني كل ما يتقضاه الموظف من مزايا نقدية ومزايا عينية
بردوا لسه محدش فاهم يعني اجرك الشامل هو مرتبك و الحوافز وجميع البدلات وحصة الحكومة في التأمين والمعاشات يعني لما تسمع كلمة 1200 لازم تخصم منها نصيب التأمين والمعاشات اللى بيساوي حوالى 35 % من هذا المبلغ يعني لو انت شوفت مفردات مرتبك هتلاقى حاجه اسمها جملة الاستحقاقات هو ده المبلغ الذي يساوى الحد الدنى مش صافي المرتب مثلا في الصورة الموضحة في اجمالى الأستحقاقات و جملة الاستقطاعات وصافي المرتب اوعى تفتكر ان صافي المرتب هيكون 1200 ولا 1700 زي ما أنت بتسمع علشان بس ما تقولش ان الحكومة ضحكت عليك انك هتقبض 1200 ولا الف 1700 العيب مش فيهم العيب فيك انك مش فاهم يعني ايه الاجر الشامل واتمنى ان أكون على خطأ في هذا الكلام ولكن للأسف كل تصريح يقولك اجرك الشامل سوف يصل الى كذا يا أما الناس اللى بتصرح بالكلام ده ما يعرفوش يعني ايه اجرك الشامل يا اما معلهش هما عارفين يعني ايه ............... سعيد حماد

[حسام الدين ناجى]

عفوا
العلاوة مقابل الأعباء الوظيفية= مكافأة الامتحانات واتمنى مراجعة جدول المالية جيدا
لانه ببساطة بعد حذف المكافأة من الراتب الشهري وإعادتها للصرف مرة واحدة سنويا ظهر الحق وانكشف المستور وضاعت الأحلام الوردية ، كما أنه وفقا للغة البلد الرسمية وهي العربية فوزير المالية قال أن العلاوة الأعباء الوظيفية تكلف وهذا مضارع يعني تدفعها الدول بالفعل الآن ولم يقل أبدا ستكلف الدولة بل قال تكلف 8 مليار و في 6 أشهر تكلف 4 يعني محسوبة بالتعريفة
ببساطة لم يقل لنا يوما ما لا وزير المالية أو التعليم من أين ستكون الزيادة ما المصدر المالي لها هل القروض الخليجية لرفع قيمة الدين الخارجي أم من أين !!
الكل يفهم لو هناك 10برتقالات نريد تقسيمهم على 10 أولاد يحصل كل ولد على برتقالة واحدة أما في حالة الحكومة المصرية فيحصل 3 أولاد على 6برتقالات ثم يوزع الباقي 4 برتقالات على 7 أولاد و زد الأعداد بمتوالية عددية لتعرف حجم الفجيعة
يعني الشركات القابضة والتابعة لهيئة الاستثمار وقطاع الأعمال والبنوك و 150 هيئة خارج الحد الأقصى الآن بحجة أن الدولة تدعمهم بنسب متفاوتة
هذا قمة العبث الإداري والمالي فلا تفرح عزيزي المعلم عزيزي الطبيب فلا تزال الحكومة المصرية تدعم التعليم والصحة برواتب المعلمين والأطباء والصيادلة وكل العاملين بتلك الهيئات وكما قالت : يجب أن يدفع المواطن مقابل الخدمة يعني رفع الدعم تدريجيا على الطاقة " بنزين- سولار- كهرباء " ورفع الدعم تدريجي عن المستحقين للتموين وبالتالي لأنابيب البتوجاز لتقليل نفقات الحكومة فقط من هذا الباب ودون المساس بأجور النخبة في تلك الجهات
ونعود لمثل ال10 برتقالات يعني اذا أردنا زيادة حصة الأولاد السبعة لن تكون بتقليل ما يحصل عليه الأولاد الثلاثة الكبار وهو الطريق الأسهل والمنطقي لكنها ستكون بالقروض الخارجية لزيادة قيمة ال10 برتقالات لتكون 15برتقالة وعن طريق حساب وزن القشر ضمن وزن البرتقالات رغم ان الثلاثة الكبار يحصلون على أكبر 6 برتقالات وبدون قشر
فالتعليم مثلا لم تعيد توزيع مخصصاتها المالية ولا يزال قطاع الكتب يحصل على مكافأة 900 يوما + 200 مثل الباقي
ولا يزال العاملين بديون الوزارة يحصلون على منح المولد النبوي ورمضان و منهم 900 يوم و البدلات التي هي خارج الحد الأدنى كالسفر و خلافه و...و.........ما خفي كان أعظم ولا تزال تستجدي المالية لزيادة الميزانية لا أن تعيد توزيع ما هو مخصص لها بالفعل بالعدل
يبقى الزيادة ح تكون من أي باب و كم سيدفع المعلم والطبيب في المقابل من زيادة الأسعار وعدم البقاء في بطاقة التموين و عدم الحصول على أنبوبة البوتجاز بالسعر المدعم وهو أنبوبتين فقط لكل بطاقة و المواصلات والخضراوات هل سمعت مسؤولا واحد ا في هذه البلد وعد بالزيادة مع ضمان لاستقرار الاسعار بل سيقل الدعم تدريجيا هكذا قال رئيس الوزراء من سنتين لثلاثة و عجبي