تاكيدا لكلامى .معلمون يضعون تفسير لعلاوة الحد الأدنى

[مستر شريف مسعد]

وضع عدد من المعلمين تفسيرا لعلاوة الحد الأدنى للمعلم،
واوضح ‏احمد المسيدي الشريف‏ أن نصيب المعلم المساعد من الحد الأدنى 117% + 425ج مقابل أعباء الوظيفية‏
نصيب المعلم الأول من الحد الأدنى 67% + 375 ج مقابل أعباء وظيفية
نصيب المعلم أو ( أ ) من الحد الأدنى 67% + 325 ج مقابل أعباء وظيفية
نصيب المعلم الخبير 42% + 300ج مقابل أعباء وظيفية
الدليل على هذا الكلام على سبيل المثال:-
-------------------------------
مجموع البدلات والمكافآت على مستوى الشهر كما يلي :-
25% حافز + 75% حافز أداء+ 50% بدل معلم +100% بدل اعتماد +83% مكافأة أمتحانات في نهاية العام المجموع لهذا كله = 333%
ولكي يصل المعلم الى حقه المعلن عنه 400% يتبقى له 67% وهذه النسبه التي يستحقها المعلم الى جانب علاوة الأعباء الوظيفيه



http://www.alsbbora.com/main_edu.asp...0#.UuIPqtmxW7w


يارب يكون صح والله اعلم

[مس منه]

الكلام ده فعلا مظبوط بس احنا استفدنا ايه من التحليل ده ؟
اذا كان فالاخر برده مش هناخد ال67% الباقيه اللى هى اصلا حقنا فالحد الادنى
النسب اللى مكتوبه دى احنا بناخدها اصلا من قبل ما يقروا الحد الادنى يعنى بيحسبوه علينا من ضمنه
يبقى احنا استفادنا ايه وفين الزياده دى

[abu ragab]

منكم لللللللللللللللللللللللله لو احنا مش في الادني

[مستر شريف مسعد]

ياجماعه والله مابكدب مدير ادارتنا اكد ليا ان المعلمون ليهم فى علاوه الحد الادنى وعلاوه الاعباء الوظيفيه

[alaa azeemz]

اذا كان لينا في الحد الادني طب فين لحد دلوقت هه

[ايهاب احمد على]

ههههههههههه يا اخوانا فوقوا قضى الامر الذى فيه تستفتيان هى علاوة واحدة مافيش غيرها هذه هى الحقيقه المرة فوقوا بقا فوقوووووووووووا

[ammhhe]

خلى مديرك الجهبز يقبضك من تاكيده او من جيبه
انا اصلا قرفت من الافتاءات بتاعت الناس الواثقه

[هاني حسن]

انتم هتفهموا اكتر من الوزير ليس لنا فى الحد الادنى

[مجاهد بدوى]

جزاك الله خيراً على الموضوع

[مس سماح الحلوة]

المشاركة الأصلية كتبت بواسطة مس منه

الكلام ده فعلا مظبوط بس احنا استفدنا ايه من التحليل ده ؟
اذا كان فالاخر برده مش هناخد ال67% الباقيه اللى هى اصلا حقنا فالحد الادنى

واضح انى انتى ما بتفهميش حاجة وان كل هدفك مهاجمة الاستاذ سامى والتريقه عليه

[محمدعواد]

يا اعزائى بلاش اخوانى عشان متتفسرش غلط دول بينيمونا لحد ما يشوفوا يوم26 يناير هيعدى على اية وبعدها ياخدوا القرار النهائى انا بقولكم لو لقو العدد كتير فى وقفة المعلمين بالفعل هيصدرو قرار فورى للمدريات يؤكداننا ضمن الحد الأدنى بجانب الأعباء لو لقو العدد قليل هيقولو كفاية عليهم الأعباء وان البلد ظروفها متسمحش وخلافة اما فى الحالة الأولى ولقو العدد كتير هيقولو ويؤكدوا اننا لينا فى الأثنين ودة السيناريو اللى هيحصل وكل سنة واحنا طيبين انا عارف اللى فى ناس هتقول اخوانى وخلافة وانا لا اخوانى ولا نيلة انا كل همى مصلحة المعلمين فقط لاغير

[مس منه]

المشاركة الأصلية كتبت بواسطة مس سماح الحلوة

واضح انى انتى ما بتفهميش حاجة وان كل هدفك مهاجمة الاستاذ سامى والتريقه عليه

شكرا على زوق حضرتك مع انى مش فاهمه انتى تقصدى ايه
صاحب الموضوع مستر شريف وانا مش بهاجمه ولا حاجه

[لوكا 2000]

المشاركة الأصلية كتبت بواسطة مس منه

شكرا على زوق حضرتك مع انى مش فاهمه انتى تقصدى ايه
صاحب الموضوع مستر شريف وانا مش بهاجمه ولا حاجه

عشانك يا منه هروح اجيب الحنه وعجبى صلاح جاهين

[فتحى الحرامى]

المشاركة الأصلية كتبت بواسطة مس منه

شكرا على زوق حضرتك مع انى مش فاهمه انتى تقصدى ايه
صاحب الموضوع مستر شريف وانا مش بهاجمه ولا حاجه

لا شكر على واجب يا منة احنا فى خدمة سيادتك يا اجمل نونة

[مستر شريف مسعد]

ياجماعه والله انا مقدر اللى انتوا فيه بس لو موضوعى هيثير مشاكل ياريت المشرفين يحذفوه انا بنقل اللى حصل بين جماعه مدرسين وانا معاهم مع مدير الاداره