|
||||||
| ركن العائلة منتدى يهتم بكل ما يخص الأسرة ( زوج - زوجة - أبناء ) |
 |
|
|
أدوات الموضوع | انواع عرض الموضوع |
|
#1
25-07-2013, 03:38 PM
|
||||
|
||||
فطرتى ؟ طب تعالى حلى بقا ب احلى تورته ايس كريم
طبعا عارفاكوا كلكم خبيرات مطبخ ولهلوبات مافيش كلام
وكل يوم واحده فيكم تتحفنا بطبق مافيش بعد كده فقولت اعمل زيكم ولانى خايبه فى المطبخ مالاقيتش اسهل من تورته الايس كريم اعملهالكم فى الحر ده سهله وبسيطه وطعمها يجنن شوفوا كده  ودى واحده كمان  واحلى وارخص من اى تورته فى اى محل حلويات نشوف بقى محتاجين ايه قالب كيك من النوع الى بيتفتح  قاعده كيك مقاس القالب بتاعك ولو معندكيش قصى اى ورقه كرتون مقوى على مقاس القالب بتاعك  ايس كريم بودر فانيليا وشيكولاته وكريم شانتيه  لبن حليب او بودره  كاكاو بودر  بندق  وللتزين اى حاجه موجوده عندك ممكن صوص كريم كراميل صوابع بسكويت كريم شانتيه ام ام اى حاجه عندك وانتى وزوقك نشوف بقى هنعملها ازاى اول حاجه هنعمل طبقه الفانيليا هنفضى 2 باكو ايس كريم بودر فانيليا ومعاه باكو كريم شانتيه فى طبق غويط  ومعاهم 2 كوبايه لبن انا عارفه انه المفروض 3 بس انا بحط 2 بس عشان يبقى سميك اكتر والطعم اغنى  ونضربهم بالمضرب الكهربائى على سرعه عاليه لمده 5 دقايق لغايه مايبقى بالشكل ده  ونجيب القالب بتاع الكيك ونحط جواه قاعده الكيك الكرتون  ونفضى الايس كريم فى القالب ونعمل اول طبقه بس ماتفضيهوش كله فى القالب لا خلى شويه منه فضيهم فى علبه بلاستيك عشان نستخدمه فى التزيين  وتشيلى القالب فى الفريزر لمده 3 ساعات بعد 3 ساعات نبدأ نعمل الطبقه التانيه الى هى طبقه الشيكولاته بنفس الطريقه هنفضى 2 باكو ايس كريم بودره بطعم الشيكولاته ومعاهم باكو كريم شانتيه و 2 معلقه كبيره كاكاو بودره علشان الايس كريم الشيكولاته البودره بيبقى لونه بنى فاتح فالكاكاو بيغمق اللون وبيدى طعم اغنى وعليهم 2 كوبايه لبن فى طبق غويط ونضربهم بالمضرب الكهربائى لمده 5 دقايق على سرعه عاليه ونفضيه فى القالب فوق الطبقه الاولى الى جمدت وبرضه نخلى شويه فى علبه بلاستيك للتزيين  وبرضه نشيلها فى الفريزر لمده 3 ساعات بعد 3 ساعات نعمل الطبقه الثالثه وهى طبقه البندق وااااااااااااااو هنجيب البندق المحمص (250 جرام ) - بس نخلى شويه سليم للتزيين - ونحطه فى كيس وندقه شويه  وبعد كده نطحنه فى المطحنه اكتر من مره لغايه لما ينعم خالص ويبقى عجينه ويطلع زيت كمان  بصوا بقى شكله ازاى؟  الخطوه دى مهمه جدا انك تنعمى البندق وتطحنيه جامد عشان يدوب وسط الايس كريم ويدى طعم بس من غير ملمس وبعد كده نضيف 2 باكو ايس كريم بودره طعم الفانيليا مع باكو كريم شانتيه مع عجينه البندق و2 كوبايه لبن فى طبق غويط ونضربهم بالمضرب الكهربائى لمده 5 دقايق على سرعه عاليه ونضيف الطبقه الثالثه فى القالب فوق الطبقتين المتجمدين قبل كده وكالعاده مش هنضيف الكميه كلها وهنخلى شويه فى علبه بلاستيك ( بس المره دى مش للتزيين لا دى علشان انا اكلهم فى الخباثه لوحدى اصل انا بموت فى ايس كريم البندق )  وكالعاده على الفريزر لمده 3 ساعات بعد ال 3 ساعات هتطلعى القالب من الفريزر وبحرف السكينه هتحززى الحواف بتاعته وتفكى القفل وتطلعي التورته بالقاعده الكرتون بس وتبدأى تزينيها براحتك انا باستخدام معلقه الايس كريم عملت كرات ايس كريم من الايس كريم الزياده الى كنا شايلينه فى العلب البلاستيك ووردات كريم شانتيه وصوص الكريم كراميل الجاهز ( انا اصلى خايبه مابعرفش اعمله ) وشويه بندق مجروش وطلعت بالشكل ده  ولو مافيش معلقه ايس كريم ممكن باستخدام الكريم شانتيه والام ام وصوابع البسكويت وحبات البندق وطلعت كده  وياريت بعد كده بحرف السينه وتنقليها على قاعده كرتون اكبر من الى هى محطوطه عليها او على طبق التقديم وترجعيها على الفريزر بسرعه لغايه وقت التقديم انا بقى كان عندى علب تورت ايس كريم فوم كنت محتفظه بيهم حطيت التورتيتين فى علبتين كانت حماتى عامله عزومه كبيره لولادها واخواتها وولادهم واحنا طبعا كنا معزومين فاخدت معايا التورتيتين وانا رايحه وطبعا الكل افتكرهم جاهزين ايه رأيكم بقى؟؟؟؟؟؟؟؟؟؟؟ اه ملحوظه صغيره المقادير الى قولتهالكم دى بتاعه تورتايه واحده مش الاتنين 
|
|
#2
30-07-2013, 08:34 PM
|
||||
|
||||
جمييييييييييييلة جدااااااااااااااااااا بجد انتى تعبتى اووووى علا ما عملتى الموضوع ده
 تسلمى يااااااااا قمر وان شاء الله هكتب الحاجات دى عشان احاول كده اعكعك واعملها  ولونى عارفة ان ماما هتزعقلى ههههههههههههه هديلها المقادير واسيبها هى بقا  هاكل انا وخوووولااااااااااااصشكرا يا عثل
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~
|
|
#4
31-07-2013, 02:01 PM
|
||||
|
||||
جميلة جدا ... تسلمى
__________________
أستغفرك ربى حتى ترضى ....... حتى تغفر حتى تطيب لنا الحياة
|
|
#5
02-08-2013, 12:57 AM
|
||||
|
||||
|
شكرا على المجهود الجميل
وتسلم ايدك
|
|
#8
03-08-2013, 11:01 PM
|
||||
|
||||
|
عاوز حتة
__________________
اللَّهُــــــــمّے صَــــــلٌ علَےَ سيدنا مُحمَّــــــــدْ •°´¯´°• و علَےَ آل سيدنا مُحمَّــــــــدْ •° ´¯´°•كما صَــــــلٌيت علَےَ سيدنا إِبْرَاهِيمَ •°´¯´° و علَےَ آل سيدنا إِبْرَاهِيمَ •°´¯´°• وبارك علَےَ سيدنا مُحمَّــــــــدْ •°´¯´°• و علَے آل سيدنا مُحمَّــــــــدْ •°´¯´°• كما باركت علَےَ سيدنا إِبْرَاهِيمَ•°´¯´°• و علَےَ آل سيدنا إِبْرَاهِيم•°´¯´°• فى الْعَالَمِين إِنَّك حَمِيدٌ.
ادعولي بالتوفيق 
|
|
#9
12-08-2013, 06:19 PM
|
||||
|
||||
|
تسلم الاياااااااااااااادى يا جميل ع الموضوع
__________________
|
|
#10
15-08-2013, 08:55 AM
|
|||
|
|||
|
تسلم ايديكي وجميلة جدا
|
|
#11
26-09-2013, 07:44 PM
|
|||
|
|||
|
تسلم ايديكي
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:06 AM.
