خصم مرتبات جميع المدرسين فى معهدنا...والسبب غير معروف

[مصطفى محمود خلف]

ياجماعة الا اتخصم منه أى فلوس الشهر ده يكتب اتخصم منه أد ايه..أنا اتخصم منى 112 ج وأخر شهر شهر 12 حصلت على 900ج والشهر ده خدت788 مع العلم انا عارف ان أنا المفروض أخد ف الشهر ده 845 لأنى مسابقة 2008 وضميت مدتى وخصموا منى 6شهور عن كل شهر 9ج لكن اتخصم منى 112ج اذاى مش عارف وهناك جميع الموظفين فى معهدنا ماعدا الأداريين والعمال ..بدل ما يزودونا ويقولوا حد ادنى ياخدوا مننا

[محمود احمد قيرم]

انا والله يااستاذ مصطفي كنت بقبض 715 والشهر ده قبضت 530 وعندي في معهدي مدرستين كان بيقبضوا 663 والشهر ده قبضو 484 والله حاجه تكسف عامل مباشر معاهم العمل في نفس اليوم بالمعهد ونفس قرار تعيينهم قبض 500 يعني المدرسين مش محصلين العامل وكل دا بسبب القرارات الفاشله الي كثرت في الاونه الاخيره وعلي فكره محدش فينا عندو اي جزاءات ولمل سألنا المسئول المالي في المنطقه بيقول ان احنا كنا بناخد كادر 125في المائه واتشال علشان احنا لسه ممتحناش ولما اتصلنا بالمسئول المالي بالمشيخه قال ان الفلوس دي اتشالت علشان احنا لاينطبق علينا القانون156 لسنه 2007عجبا ولسه ياما هنشوف

[ابوريم]

الله اعلم //////////////////

[رضاالوادي]

يا جماعة الخصم ده اتعمل عندنا من فترة طويلة تقريبا السنة اللي فاتتة مش فاكرة التيرم الأول تقريبا وكان علشان في علاوات بناخدها بالغلط وفي ناس اتخم منها المبلغ مجزأ علي كذا شهر وناس اتخصم منها علي شهرين تقريبا او تلاتة

[gan55555]

كل مدرسين المعاهد اللي تعاقدوا 2007 حصل معاهم كده وللاسف مفيش سبب وشكلنا بنتعامل مع شويه عاهات

[gan55555]

يا ريت منسبش علشان احنا معلمين للاسف دي بقت طريقه الحوار دلوقت

[الأستاذ عبده السوهاجى]

انا اتشال من الكارته بتاعتى بدل الاعتماد كامل 100% يعنى اكثر من 220 جنيه مس عارف ليه وانا اجتزت الكادر تعاقد 2008 منطقة سوهاج جانى ضم المده بس لم يضاف على الاساسى اعمل اخصائى اجتماعى .مع العلم ان كل زمايلى ونفس حالتى لم يخصم منهم .

[teacher120]

الخصومات دى اخطاء من القاهره وبتروح المنطقه لمراجع الماهيات بيعملها لك فردى او ينزلها على المرتب القادم

[الاستاذ عوض على]

شكرا لحضرتك

[سامى محمد عامر]

انا من منطقه كفر الشيخ الازهريه اتخصم منى 240 جنيه ولا اعرف السبب من معهد محله دياىالابتدائى

[saidsamy10]

كلمة اقولها وساظل اقولها للاسف الشديد
الازهر= فشل +عاهات+مصايب+لايفقهون اى شئ+قراراتة معظمها تؤكد لك منتهى التخلف+مفيش حد عارف حاجة. انا بطلت اسال مرتبى كان اة الشهر الماضى ولا حتى مرتبى الشهر القادم هيكون كام...مفيش مرتب كان زى اللى قبلة ابداا منذ 5 سنوات وتيجى تفوللى ازهر ياعم هو احنا هنعيش كام مرة حتى نتحمل عقد وتخلف هؤلاء...عزراااااااا تلك هى الحقيقة المؤلمة.

[magedyakot]

الكلام دة صحيح و فى ناس السنة اللى فاتت اخدت اكتر من 1000 جني مرة واحدة و انا ماخدتش و الموظف قالى انت صح و هما غلط و فعلا اتخصملهم بعد كدة شوفتوا الفرق بقى بين الموظف اللى فاهم و اللى مش فاهم

[ابن الأكرمين]

انا منطقة الشرقية واتخصم مني مبلغ 300 جنية تتشل الايادي والظلم فاح في مصر والله سيخسف الله بنا الارض حسبنا الله ونعم الوكيل

[محمود احمد قيرم]

المشاركة الأصلية كتبت بواسطة ابن الأكرمين

انا منطقة الشرقية واتخصم مني مبلغ 300 جنية تتشل الايادي والظلم فاح في مصر والله سيخسف الله بنا الارض حسبنا الله ونعم الوكيل

حسبي الله ونعم الوكيل

[اسماعيل صمد]

المشاركة الأصلية كتبت بواسطة ابن الأكرمين

انا منطقة الشرقية واتخصم مني مبلغ 300 جنية تتشل الايادي والظلم فاح في مصر والله سيخسف الله بنا الارض حسبنا الله ونعم الوكيل

وانا اتخصم منى الشهرالماضى 300جنيه وهذا الشهر 35جنيه المجموع 335جنيه رغم انى معلم خبير------- اعمل فى الازهر منذ26سنة وزملائى فى التربية والتعليم يقبضون مرتبا اعلى منى400جنيه فعجبا للازهر ومن فيه