اللى شايف نفسه مش حمار يا ريت يدخل..........

*soma* · #1 27-07-2008, 07:26 AM

فلسفة حمار
عجبى عليك يا بن ادم يا كبير الدار قومت الدنيا وما قعدت لما قالوا حمار هو اسمى ده شتيمة ولا جنسى ده عار خلقنى ربى وخلقك ولا حدش له خيار وانا مهما زاد الحمل فوقى صابر على المشوار .
لا فى يوم اقول اشمعنى اخويا واخد منه تار ،ولا يوم ابص لرزق غيرى واطق منه واغار ، ولا ارفع فى يوم عينى على جارتى واصون الجار.
ولا مهر ادفع لحمارتى ولا شبكة وسوار ولا شقة اجمع فى تمنها ولا اجهز دار ، ولا حرمى حامل تتوحم عايزة الكافيار، ولا بنت تخرج عن طوعى وتجيب العار، ولا ابن يدمن ويهلوس ويقع ينهار.
عايش فى حالى متهنى وليه افكار؟
بأكل وبشرب وانهق وما فيش اسرار، وعندى ابن آدم يخدمنى ليل نهار، ان جعت يشترى برسيمى باغلى الاسعار، وفى مرضى يفضل يعالجنى ويدعى الستار. خادم امين من غير راتب ولا حتى ايجار

والحين عرفت يا ابن آدم.......
من فينا حمار؟؟؟